இலங்கை இராணுவ மகளிர் படையணி சேவை வனிதையரால் உலக சிறுவர் தின கொண்டாட்டம்

இலங்கை இராணுவ மகளிர் படையணி சேவை வனிதையர் பிரிவின் தலைவி திருமதி உதுலா கஸ்தூரிமுதலி அவர்களின் கருத்திற்கமைய இலங்கை இராணுவ மகளிர் படையணி சேவை வனிதையர் பிரிவினரால் உலக சிறுவர் தினத்தை முன்னிட்டு 05 ஒக்டோபர் 2024 அன்று 2 வது (தொ) இராணுவ மகளிர் படையணியில் கொண்டாடப்பட்டது.

இந் நிகழ்வில் 7வது இலங்கை இராணுவ மகளிர் படையணி, 2 வது (தொ) இலங்கை இராணுவ மகளிர் படையணி மற்றும் 3 வது (தொ) இலங்கை இராணுவ மகளிர் படையணிகளின் அதிகாரிகள் மற்றும் சிப்பாய்களின் 50 பிள்ளைகளுக்கான பொழுதுபோக்கு அமர்வு இடம்பெற்றது. இந் நிகழ்வின் போது தலைவியினால் பரிசுப் பொதிகளும் வழங்கப்பட்டன. இந்நிகழ்வில் சிரேஷ்ட அதிகாரிகள், அதிகாரிகள் மற்றும் சிப்பாய்கள் கலந்துகொண்டனர்.