11 வது தேசிய பாதுகாவல் படையினர் பிரதேச வைத்தியசாலையில் துப்பரவு பணி

கிழக்கு பாதுகாப்புப் படை தலைமையகத்தின் 24 வது படைப்பிரிவின் 241 வது பிரிகேட்டின் 11 வது இலங்கை தேசிய பாதுகாவல் படையின் (எஸ்எல்என்ஜி) படையினர் வியாழக்கிழமை (26) இறக்ககாமம் பிரதேச வைத்தியசாலை வளாகத்தில் சிரமதான பணியை மேற்கொண்டனர்.

24 வது படைப்பிரிவு தளபதி மேஜர் ஜெனரல் சமிந்த லாமஹேவா மற்றும் 241 ஆவது பிரிகேட் தளபதி கேணல் சந்திர அபேகோன் ஆகியோரின் வழிகாட்டுதலின் பேரில் 11 வது இலங்கை தேசிய பாதுகாவல் படையின் கட்டளை அதிகாரி மேஜர் டி.வீரசிங்கவின் மேற்பார்வையில் இந்த நிகழ்ச்சி நடத்தப்பட்டது.