ஓய்வுபெறும் மேஜர் ஜெனரலின் சேவைக்கு இராணுவத் தளபதி பாராட்டு

இராணுவத் தலைமையக காலாட் பணிப்பகத்தின் பணிப்பாளர் நாயகமும் கெமுனு ஹேவா படையணியின் படைத் தளபதியுமான மேஜர் ஜெனரல் எஸ்டபிள்யூபி வெலகெதர ஆர்எஸ்பீ வீஎஸ்வீ யூஎஸ்பீ என்டிசீ அவர்கள் இலங்கை இராணுவத்தில் இருந்து ஓய்வு பெறுவதற்கு முன்னர் இராணுவத் தளபதி லெப்டினன் ஜெனரல் விக்கும் லியனகே ஆர்டபிள்யூபீ ஆர்எஸ்பீ என்டியூ அவர்களால் தளபதி அலுவலகத்திற்கு 12 நவம்பர் 2024 அன்று தனது குடும்பத்தாருடன் அழைக்கப்பட்டார்.

இந்த சந்திப்பின் போது, பயங்கரவாதத்திற்கு எதிரான போரின் போதும், போருக்குப் பிந்தைய காலத்திலும், தனது பதவிக்காலம் முழுவதும் பல்வேறு சவாலான பாத்திரங்களில் அவரது அசைக்க முடியாத அர்ப்பணிப்பு மற்றும் முன்மாதிரியான செயல்திறனுக்காக இராணுவத் தளபதி சிரேஷ்ட அதிகாரிக்கு பாராட்டுக்களை தெரிவித்தார். அவரது குடும்பத்தினர் அவருக்கு அவரது பணிகாலம் முழுவதும் ஆற்றிய முக்கிய பங்கையும் இராணுவத் தளபதி பாராட்டினார். பதிலுக்கு, மேஜர் ஜெனரல் எஸ்டபீள்யூபீ வெலகெதர ஆர்எஸ்பீ வீஎஸ்வீ யூஎஸ்பீ என்டிசீ அவர்கள் இராணுவத் தளபதி வழங்கிய உறுதியான வழிகாட்டலுக்கு நன்றியைத் தெரிவித்தார். கலந்துரையாடலின் முடிவில், இராணுவத் தளபதி ஓய்வுபெறும் சிரேஷ்ட அதிகாரிக்கு விசேட பாராட்டுச் சின்னமும் அவரது குடும்பத்தினருக்குப் பரிசுகளும் வழங்கினார்.

ஓய்வுபெறும் சிரேஷ்ட அதிகாரியின் சுருக்கமான விவரம் இங்கே:

மேஜர் ஜெனரல் எஸ்டபிள்யூபி வெலகெதர ஆர்எஸ்பீ வீஎஸ்வீ யூஎஸ்பீ என்டிசீ அவர்கள் 1988 பெப்ரவரி 22 ஆம் திகதி இலங்கை இராணுவத்தின் நிரந்தர படையில் பாடநெறி 29 ஊடாக பயிலிளவல் அதிகாரியாக இணைந்துக்கொண்டார். தியத்தலாவ இலங்கை இராணுவ கல்வியற் கல்லூரியில் இராணுவப் பயிற்சியை வெற்றிகரமாக முடித்த அவர் இரண்டாம் லெப்டினன் நிலையில் 16 டிசம்பர் 1989 கெமுனு ஹேவா படையணியில் நியமிக்கப்பட்டார். இராணுவத்தில் பணிபுரிந்த காலப்பகுதியில் தொடர்ந்து நிலை உயர்த்தப்பட்ட அவர் 3 ஓகஸ்ட் 2022 அன்று மேஜர் ஜெனரல் நிலைக்கு உயர்த்தப்பட்டார். சிரேஷ்ட அதிகாரி 2024 நவம்பர் 18 முதல் தனது 55 வது வயதில் இலங்கை இராணுவத்தின் நிரந்தர படையில் இருந்து ஓய்வு பெறுகின்றார்.

4 வது கெமுனு ஹேவா படையணியின் குழு கட்டளையாளர் மற்றும் அதிகாரி கட்டளை, ஜெனரல் சேர் ஜோன் கொத்தலாவல பாதுகாப்பு கல்வியற் கல்லூரியின் பிரிவு தளபதி, 4 மற்றும் 12 வது கெமுனு ஹேவா படையணியின் அதிகாரி கட்டளைத், கெமுனு ஹேவா படையணியின் பணிநிலை அதிகாரி 2 (நிர்வாகம்), ஹைட்டி ஐக்கிய நாட்டு அமைதி காக்கும் பணியின் இலங்கை படையணியின் அதிகாரி கட்டளை, 23 வது காலாட் படைப்பிரிவின் பொதுபணி நிலை அதிகாரி 2 (செயல்பாடுகள்), 7வது கெமுனு ஹேவா படையணியின் இரண்டாம் கட்டளை அதிகாரி, வன்னி பாதுகாப்புப் படைத் தலைமையகத்தின் பொதுப் பணிநிலை அதிகாரி 2 (செயல்பாடுகள்), வன்னி பாதுகாப்புப் படைத் தலைமையகத்தின் பொதுப் பணிநிலை அதிகாரி1 (செயல்பாடுகள்), 8வது கெமுனு ஹேவா படையணியின் கட்டளை அதிகாரி, கெமுனு ஹேவா படையணியின்நிலையத்தின் தொண்டர் ஒருங்கிணைப்பு அலுவலகத்தின் பொறுப்பதிகாரி, கெமுனு ஹேவா படையணி பணி நிலை அதிகாரி 1 (அதிகாரி தொழில் திட்டமிடல் பிரிவு), 62 வது காலாட் படைப் பிரிவின் கேணல் (பொதுபணி), இலங்கை இராணுவத் தொண்டர் படையணியின் அதிகாரி கிளையின் கேணல் (இராணுவச் செயலாளர்), 64 காலாட் படைப்பிரிவின் கேணல் (பொது பணி), 612 காலாட் படைப் பிரிகேட் தளபதி, இராணுவப் புலனாய்வுப் படையணியின் நிலைய தளபதி, இராணுவ தொழிற் பயிற்சி நிலைய தளபதி, 24 காலாட் படைப்பிரிவின் தளபதி, 51 வது காலாட் படைப்பிரிவின் தளபதி, கெமுனு ஹேவா படையணியின் தளபதி, மற்றும் இராணுவ தலைமையகத்தின் காலாட் பணிப்பகத்தின் பணிப்பாளர் நாயகம் உட்பட பல்வேறு முக்கிய நியமனங்களை அவர் தனது பணிக்காலம் முழுவதும் வகித்துள்ளார்.

போர்க்களத்தில் அவரது வீரத்திற்காக அவருக்கு ரண சூர பதக்கம் வழங்கப்பட்டது. சிரேஷ்ட அதிகாரி தனது இராணுவ வாழ்க்கை முழுவதும், விசேட தாக்குதல் படைப்பிரிவு பாடநெறி, படையலகு உதவி ஆயுத அதிகாரிகள் பாடநெறி, படையலகு நிர்வாக பாடநெறி, இளம் அதிகாரிகள் பாடநெறி, தேசிய பாதுகாப்பு மற்றும் மூலோபாய ஆய்வுகள் பாடநெறி, படையணி சமிக்ஞை அதிகாரிகள் பாடநெறி இந்தியா, பாகிஸ்தான் இளம் அதிகாரிகளின் காலாட் பட்ட படிப்பு, இந்தியாவில் கனிஷ்ட கட்டளை பாடநெறி மற்றும் இந்தியாவில் சிரேஷ்ட கட்டளைப் பட்ட படிப்பு உட்பட பல உள்நாட்டு மற்றும் வெளிநாட்டு கற்கைகளை கற்றுள்ளார்.