13th August 2021 22:30:08 Hours
இலங்கை இராணுவ போர்க் கருவிகள் படையணியின் புதிய படை தளபதி இராணுவ தலைமையக போர்க் கருவிகள் பணிப்பகத்தின் பணிப்பாளர் பிரிகேடியர் பிரியந்த வீரசிங்க நியமனம் பெற்றுள்ளதையிட்டு தொம்பகொடவிலுள்ள இலங்கை இராணுவ போர்க் கருவிகள் படையணியின் தலைமையகத்தில் அவருக்கு செவ்வாய்க்கிழமை (10) இராணுவ சம்பிரதாயங்களுக்கு அமைவாக மரியாதை செலுத்தப்பட்டது.
புதிய படைத் தளபதி பிரிடேியர் பிரியந்த வீரசிங்க அவர்களின் வருகையின் போது நிலையத் தளபதி பிரிகேடியர் அஜித் முனசிங்க அவர்களால் வரவேற்பளிக்கப்பட்டதோடு, சிப்பாய்களால் பாதுகாவலர் அறிகையிடல் மரியாதையும் வழங்கப்பட்டது.
அதனையடுத்து வாழ்த்துக்களுக்கு மத்தியில் புதிய படைத் தளபதி தனது அலுவலக கடமைகளை பொறுப்பேற்றுக்கொள்வதற்கான உத்தியோகபூர்வ ஆவணங்களில் கையொப்பமிட்டார்.
மேஜர் ஜெனரல் சந்தன மாரசிங்க இராணுவ சேவையில் இருந்து ஓய்வு பெற்றதையடுத்து இலங்கை இராணுவ போர்க் கருவிகள் படையணியின் 24 வது படைத் தளபதியாக பிரிகேடியர் பிரியந்த வீரசிங்க பதவியேற்றார்.
