இராணுவ பதவி நிலை பிரதானி கொழும்பு இராணுவ வைத்திசாலையின் கட்டுமானம் மற்றும் நிர்வாக முன்னேற்றத்தை ஆராய்வு

இலங்கை இராணுவ பதவி நிலை பிரதானி மேஜர் ஜெனரல் பிரியந்த பெரேரா வியாழக்கிழமை (28) அன்று இராணுவ வைத்தியசாலை வளாகத்தில் புதிதாக நிர்மாணிக்கப்படும் 15 மாடி கட்டிடத்தின் நிர்மாணப் பணிகளின் முன்னேற்றம் மற்றும் ஏனைய பொது நிர்வாக விடயங்களை ஆராய்வதற்காக கொழும்பு இராணுவ வைத்தியசாலைக்கு விஜயம் செய்தார்.

இந்த விஜயத்தின் போது, இராணுவத் தளபதியின் எண்ணக்கருக்கு இணங்க ஆரம்பிக்கப்பட்ட புதிய மாடிக் கட்டிடத்தின் தற்போதைய நிர்மாணப் பணிகளையும், இராணுவ வைத்தியசாலையின் செயற்பாடுகளின் முன்னேற்றத்தையும் பதவி நிலை பிரதானி ஆராய்ந்தார்.

அவர் அங்கு வைத்தியசாலை நிர்வாகம் மற்றும் பராமரிப்பு தொடர்பான விடயங்களையும் கேட்டறிந்தார்.

இலங்கை இராணுவ போர்க் கருவி பணிப்பக பணிப்பாளர் நாயகம் மேஜர் ஜெனரல் ஹிரோஷ் வணிகசேகர பொறியியலாளர் சேவைகள் பணிப்பாளர் நாயகம் மேஜர் ஜெனரல் பிரியந்த வீரசிங்க, இராணுவ சுகாதார சேவைகள் பணிப்பாளர், பிரிகேடியர் கிறிஷாந்த பெர்னாண்டோ, இராணுவ மருத்துவ சேவை பணிப்பாளர் பிரிகேடியர் நிஷாந்த பத்திரன, முகாமைத்துவ மற்றும் பராமரிப்பு பணிப்பாளர் பிரிகேடியர் ஜூட் பெரேரா, இராணுவ வைத்தியசாலை பணிப்பாளர் பிரிகேடியர் சம்பக்க அத்தநாயக்க மற்றும் பலர் இவ் விஜயத்தில் கலந்துகொண்டனர்.

கொவிட் - 19 தொற்றுநோய்க்கு எதிரான அனைத்து முன்னெச்சரிக்கை நடவடிக்கைகளையும் கடைப்பிடித்து இவ் ஆய்வுச் சுற்றுப்பயணம் இடம்பெற்றது.