පසුගිය පුවත්

53 පාබල සේනාංකයේ සේනාංකාධිපති මේජර් ජෙනරල් පී.ජී.පී.එස්. රත්නායක ආර්ඩබ්ලිව්පී ආර්එස්පී එන්ඩීයූ ගේ මඟපෙන්වීම මත පසුගිය සඳුදා (05) දිනට යෙදෙනු ‘ලෝක පරිසර දිනයට’ සමගාමීව ඉනාමළුව ප්‍රදේශයේ පිහිටි 53 පාබල සේනාංක පරිශ්‍ර‍ය තුළ පැළ සිටුවීමේ වැඩසටහනක් පැවැත්විණි.

ජුනි මස 05 දිනට යෙදෙන ලෝක පරිසර දිනයට සමගාමීව ශ්‍රී ලංකා යුද්ධ හමුදා පොලිස් හේවා බලකා රෙජිමේන්තු මධ්‍යස්ථානයේ නිලධාරීන් 02 දෙනෙකු සහ සෙසුනිලයන් 47 දෙනෙකුගෙන් සමන්විත කණ්ඩායමක් විසින් වැල්ලවත්ත වෙරළ තීරය පිරිසිදු කිරීමේ වැඩසටහනක් ක්‍රියාත්මක කරනු ලැබීය.

සන්නාහ සන්නද්ධ බලසේනාවේ 35 වන සංවත්සරය 2023 ජුනි මස 01 දින රොක් හවුස් කඳවුරු පරිශ්‍රයේදී අභිමානවත් අයුරින් සමරන ලදී. සංවත්සර සැමරුම් උත්සවයේ ප්‍රධාන ආරාධිත අමුත්තා ලෙස සන්නාහ සන්නද්ධ බලසේනාවේ බලසේනාධිපති බ්‍රිගේඩියර් ඩබ්ලිව්.පී. කාරියවසම් සහභාගී වූවේය.

ධූරයෙන් නික්ම යන ආරක්‍ෂක සේනා ආඥාපති - මුලතිව් මේජර් ජෙනරල් යූ.ඩී. විජේසේකර ආර්ඩබ්ලිව්පී ආර්එස්පී යූඑස්පී ආර්සීඩීඑස් පීඑස්සී වෙත ගෞරවාචාර පුදකිරීමේ උත්සවයක් ජුනි මස 07 දින එම ආරක්‍ෂක සේනා මූලස්ථාන පරිශ්‍රයේදී පැවැත්විණි.

1 බලකාය යටතේ ඉනාමළුව ප්‍රදේශයේ ස්ථාපිත 53 පාබල සේනාංක බලප්‍රදේශයේ ඉදිකරන ලද වායු රයිෆල් වෙඩිපිටිය සහ ප්‍රදේශවාසීන්ගේ අභිවෘද්ධිය සඳහා ඉදිකළ ළමා උද්‍යානය පසුගිය අඟහරුවාදා (මැයි මස 30) දින යුද්ධ හමුදා සේවා වනිතා ඒකකයේ සභාපතිනී ජානකී ලියනගේ මැතිණියගේ ප්‍රධානත්වයෙන් විවෘත කරන ලදී.

52 පාබල සේනාංකයේ සේනාංකාධිපති මේජර් ජෙනරල් කේ.පී.එස්.ඒ. ප්‍රනාන්දු ආර්ඩබ්ලිව්පී ආර්එස්පී එන්ඩීයූ 2023 ජූනි මස 07 දින සිය ධූරයෙන් නික්ම යන ලදී. එතුමන් එම ධූරයෙන් නික්මයෑමට මත්තෙන් 2023 ජූනි මස 05 දින 52 පාබල සේනාංකය යටතේ ස්ථාපිත 521 සහ 523 පාබල බලසේනාවන්හි සුහද සංචාරයක නිරතවෙමින් එහි නිලධාරීන් සහ සෙසුනිලයන් අමතන ලදී.

1 බලකායේ 3 වන බලකාධිපති ලෙස ධූරය හෙඹවූ මේජර් ජෙනරල් එස්.යූ.එම්.එන් මානගේ ඩබ්ලිව්ඩබ්ලිව්වී ආර්ඩබ්ලිව්පී ආර්එස්පී පීඑස්සී 2023 ජූනි මස 05 දින කිලිනොච්චි ප්‍රදේශයේ ස්ථාපිත 1 බලකා මූලස්ථානයේ පැවති හමුදා සම්ප්‍රදායානූකූලව උත්සවයකදී සිය ධූරයෙන් නික්ම යනු ලැබීය.

කීර්තිමත් සේවා කාලයක් සම්පූර්ණ කර යුද්ධ හමුදා දිවියෙන් විශ්‍රාම ගැනීමට නියමිත හිටපු ආරක්‍ෂක සේනා ආඥාපති - යාපනය සහ ශ්‍රී ලංකා සන්නාහ සන්නද්ධ බලකායේ කර්නල් සේනාවිධායක මේජර් ජෙනරල් ඩී.බී.එස්.එන්. බෝතොට ආර්ඩබ්ලිව්පී ආර්එස්පී වීඑස්වි යූඑස්පී පීඑස්සී වෙත හමුදා ගෞරවාචාර පුදකිරීමේ උත්සවයක් පසුගිය ඉරිදා (ජුනි මස 04) දින මෝදර ශ්‍රී ලංකා සන්නාහ සන්නද්ධ බලකා රෙජිමේන්තු මධ්‍යස්ථානයේදී පවත්වන ලදී.

ආරක්‍ෂක සේනා මූලස්ථානය - මුලතිව් 68 පාබල සේනාංකයේ භටපිරිස් පොසොන් පොහොය දිනය නිමිත්තෙන් (ජුනි 03 සහ 04) පුදුකුඩිඉරිප්පු ප්‍රාදේශීය සභා ක්‍රීඩාංගණයේදී ‘බත්‘ දන්සලක් සංවිධානය කරන ලදි. එම දන්සල සඳහා ප්‍රදේශයේ සිවිල් වැසියන් දහස් ගණනක් සහභාගී වූහ.

දින පහක සුහද සංචාරයක් සඳහා මෙරටට පැමිණ සිටින නයිජීරියානු යුද්ධ හමුදාවේ හමුදා දූත පිරිස බදාදා (07) දින යුද්ධ හමුදා මූලස්ථානයෙහි සංචාරයක නිරත වූහ.