මුල් පුවත්
ශ්‍රී ලංකා යුද්ධ හමුදාවේ 75 වන සංවත්සර දින සැමරුම අභිමානවත් අයුරින් සැමරේ
ශ්‍රී ලංකා යුද්ධ හමුදාවේ 75 වන සංවත්සර සැමරුම අද (ඔක්තෝබර් මස 10) දින පනාගොඩ යුද්ධ හමුදා ජනපදයේදී උත්කර්ශවත් අයුරින් සමරනු ලැබීය. යුද්ධ හමුදා ඉතිහාසයේ සංධිස්ථානයක් ලෙස සැලකෙන මෙම සංවත්සර දිනය දශක තුනකට අධික කාලයක් පුරාවට අනේකවිධ ගැටළුවලට මුහුණ දී ජාතියට තිරසාර සාමයක් උදාකර දීම වෙනුවෙන් ත්‍රස්තවාදය මුලිනුපුටා දැමීම සඳහා වූ යුද්ධ හමුදා සාමාජිකයන්ගේ කැපවූ සේවය පෙන්නුම් කරයි. ජාතික ආරක්‍ෂාව සහතික කිරීම වෙනුවෙන් ඉදිරිපෙළ කටයුතු කිරීම සඳහා තම කාර්යභාරය අඛණ්ඩව ඉටු කිරීමට යුද්ධ හමුදාව ප්‍රතිඥා දී ඇත.
75 වන යුද්ධ හමුදා දිනයට සමගාමීව රණවිරු අනුස්මරණ උත්සවය බත්තරමුල්ල රණවිරු ස්මාරකය අභියස පවත්වයි
ශ්‍රී ලංකා යුද්ධ හමුදාවේ 75 වන සංවත්සර දිනයට සමගාමීව මවුබිමේ ඒකීයභාවය වෙනුවෙන් දිවිපිදූ වීරෝදාර රණවිරුවන්ගේ අමිල මෙහෙවර සිහිපත් කිරීමේ රණවිරු අනුස්මරණ උත්සවය බත්තරමුල්ල, රණවිරු ස්මාරකය අභියසදී සඳුදා (07) දින සන්ධ්‍යාවේ පැවැත්විණි.
යුද්ධ හමුදාධිපතිතුමන් නව ජනාධිපතිතුමන් හමුවේ
යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ ජ්‍යෙෂ්ඨ නිලධාරිතුමන් අද දින (ඔක්තෝබර් 04) පස්වරුවේ ජනාධිපති ලේකම් කාර්යාලයේදී අතිගරු 9 වන විධායක ජනාධිපති සහ සන්නද්ධ හමුදා සේනාවිධායක අනුර කුමාර දිසානායක මහතා හමුවිය.
75 වන යුද්ධ හමුදා සංවත්සරය සහ යුද්ධ හමුදා දිනයට සමගාමීව ආගමික ආශිර්වාද පිංකම් මාලාව ජය ශ්‍රී මහා බෝ සමිදු අභියසින් ඇරඹේ
එළඹෙන යුද්ධ හමුදා දිනය (ඔක්තෝබර් මස 10) සහ 75 වන යුද්ධ හමුදා සැමරුමට සමාගාමීව යුද්ධ හමුදා ධජයන්ට සෙත් පැතීමේ උත්සවයක් අද (27) දින පෙරවරුවේ යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ ගේ ප්‍රධානත්වයෙන් අනුරාධපුර ජය ශ්‍රී මහා බෝධියේදී පැවැත්විණි.
යූද්ධ හමුදාවේ මූලිකත්වයෙන් ප්‍රතිසංස්කරණය කරණු ලැබූ ගාල්ල, ශාන්ත ඇලෝසියස් විද්‍යාලයීය ‘Golden Lily’ ගොඩනැගිල්ල විවෘත කෙරේ
යුද්ධ හමුදා භටපිරිස් විසින් ප්‍රතිසංස්කරණය කරනු ලැබූ ගාල්ල, ශාන්ත ඇලෝසියස් විද්‍යාලයීය ‘Golden Lily’ ගොඩනැගිල්ල සිකුරාදා (අප්‍රේල් මස 26) දින පැවති උත්සවයකදී යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පි ආර්එස්පි එන්ඩීයූ ගේ සුරතින් විවෘත කෙරිණි.
සැමට සෞභාග්‍යය, සතුට සහ සාමය උදාවන අලුත් අවුරුද්දක් වේවා!
යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ සිංහල සහ දමිළ අලුත් අවුරුදු පණිවිඩයක් නිකුත් කරමින් යුද්ධ හමුදාවේ සියලුම සාමාජිකයන්ට සෞභාග්‍යයමත් සුභ අලුත් අවුරුද්දක් වේවායි ප්‍රාර්ථනා කරයි!
ශ්‍රී ලංකා යුද්ධ හමුදා ස්වේච්ඡා බලසේනාව වෙතින් ශිෂ්‍යත්ව සහ මුදල් දිරිදීමනා පිරිනැමීමේ වැඩසටහනක්
ශ්‍රී ලංකා යුද්ධ හමුදා ස්වේච්ඡා බලසේනාව වෙතින් එම බලසේනාව යටතේ සේවයේ නියතු යුද්ධ හමුදා සාමාජිකයන්ගේ පාසල් අධ්‍යාපන කටයුතු සිදුකරන දරු දැරියන් 150 දෙනෙකු වෙනුවෙන් ශිෂ්‍යත්ව සහ මුදල් දිරිදීමනා පිරිනැමීමේ උත්සවයක් 2024 අප්‍රේල් මස 03 දින එම බලකා මූලස්ථාන පරිශ්‍රයේදී පවත්වනු ලැබීය.
59 වන ශ්‍රී ලංකා යුද්ධ හමුදා මළල ක්‍රීඩා තරඟාවලිය සාර්ථකව අවසන්
‘59 වන ශ්‍රී ලංකා යුද්ධ හමුදා මළල ක්‍රීඩා තරඟාවලිය’ 2024 මාර්තු මස 31 දින සුගතදාස ක්‍රීඩාංගනයේදී පැවති අතර, ක්‍රීඩක ක්‍රීඩිකාවන්ගේ විශිෂ්ඨ දක්‍ෂතා එළිදක්වමින් තරඟාවලිය අවසන් විය.
76 වන ජාතික නිදහස් දිනය ගාලු මුවදොර පිටියේදී අභිමානවත් අයුරින් සමරයි
‘හදමු අලුත් රටක්’ යන තේමාව යටතේ 76 වන ජාතික නිදහස් දින සැමරුම් උත්සවය සන්නද්ධ හමුදා සේනාධිනායක අතිගරු ජනාධිපති රනිල් වික්‍රමසිංහ මැතිතුමන්ගේ ප්‍රධානත්වයෙන් ඉරිදා (04) දින උදෑසන ගාලු මුවදොර පිටියේදී අභිමානවත් අයුරින් පැවැත්විණි. එම අවස්ථාව සඳහා භික්‍ෂූන් වහන්සේලා ප්‍රමුඛ ආගමික පූජකවරුන්, ගරු අග්‍රාමාත්‍යතුමන්, රාජ්‍ය තාන්ත්‍රිකයින්, අමාත්‍යවරුන්, ආරක්‍ෂක හමුදා ජ්‍යෙෂ්ඨ නිලධාරින්, රාජ්‍ය හා සිවිල් සම්භාවනීය අමුත්තන් සහ තවත් ආරාධිතයින් රැසක් ද සහභාගී වූහ.