தனிமைப்படுத்தல் நடைமுறைகள் தொடர்பில் கொவிட் – 19 தடுப்புகான மையத்தில் ஆராய்வு

கொவிட் தடுப்பு மையத்தில் நடந்த செயற்க்குழு கூட்டத்தின் போது பாதுகாப்புப் பதவி நிலைப் பிரதானியும் இராணுவத் தளபதியும் கொவிட் பரவலை தடுப்பதற்கான தேசிய செயற்பாட்டு மையத்தின் தலைவருமான ஜெனரல் சவேந்திர சில்வா புதிய கொவிட் தொற்றாளர்கள் இனங்காணப்படுவது குறிப்பிடத்தக்க வீழ்ச்சி ஏற்பட்டாலும் கண்டி, மொரவக்க மற்றும் காட்டுநாயக்க பகுதிகளில் இருந்து வைத்தியசாலைகளுக்கு வரும் நோயாளிகளுக்கு பி.சி.ஆர் பரிசோதனைகளு மேற்கொள்ளும் போது இன்னும் சில கொத்தணிகள் உருவாகுவதாக தெரிவித்தார்.

திட்டமிட்டபடி கொழும்பு மற்றும் கம்பாஹா மாவட்டங்களில் தடுப்பூசி செயல்முறை நடைபெற்று வருவதாகவும், இரண்டாவது மாத்திரை ஏப்ரல் இரண்டாவது வாரத்தில் திட்டமிடப்பட்டபடி போடப்படும் என்றும் அவர் சுட்டிக்காட்டினார்.

"புத்தாண்டு கொண்டாட்டத்திற்கு தயாராகி வரும் மக்கள் குழு தொடர்புகளைத் தவிர்க்க வேண்டும். மேலும் சுகாதார வழிகாட்டுதல்களை கண்டிப்பாக கடைபிடிக்க வேண்டும். வெளிநாட்டிலிருந்து இலங்கை இலங்கை வருபவர்களை தனிமைப்படுத்துவது குறித்து பேசிய அவர், அந்த வருகையாளர்களை தனிமைப்படுத்துவது தொடர்பாக தற்போதைய மூலோபாயத்தை மாற்றுவதற்கு ஒப்புதல் வழங்கப்பட்டுள்ளது. வரும் நாட்களில் இந்த தனிமைப்படுத்தப்பட்ட மூலோபாயத்தில் மாற்றம் இருக்கும், அது விரைவில் தெரிவிக்கப்படும், ”என்று கூறினார்.

இலங்கை வெளிநாட்டு வேலைவாய்ப்பு பணியகத்தினால் முன்னெடுக்கப்படும் தனிமைப்படுத்தல் மையங்களுக்கும் மையங்களுக்கும் இராணுவம் பாதுகாப்பு வழங்கும், மேலும் 3600 வெளிநாட்டிலுருந்து வந்தவர்கள் அந்த மையங்களில் தனிமைப்படுத்தப்பட்டுள்ளனர்.

தனிமைப்படுத்தலுக்காக ஒருவர் செலவழிக்க வேண்டிய நாட்களின் எண்ணிக்கை விரைவில் திருத்தப்படும் என்று சுகாதார சேவைகள் பணிப்பாளர் நாயகம் தெரிவித்தார். இதற்கிடையில் இரண்டு தடுப்பூசிகளையும் பெற்று இரண்டு வாரங்கள் தங்கள் சொந்த இடங்களில் கழித்தவர்கள் நேரடியாக இலங்கைக்கு வந்து பி.சி.ஆர் சோதனைகளுக்குப் பிறகு வீட்டிற்குச் செல்ல முடியும்.

ரஷ்யாவிலிருந்து 7 மில்லியன் ஸ்பூட்னிக் தடுப்பூசிகள் விரைவில் இலங்கைக்கு கொண்டு வரப்படும் என்றும் கூட்டத்தில் தெரிவிக்கப்பட்டது.கொவிட் காரணமாக மரணித்த 46 பேரின் சடலங்கள் இதுவரை ஒட்டமாவடியில் புதைக்கப்பட்டுள்ளன.

கொவிட் 19 பரவுவதை எதிர்த்துப் போராடும் அனைத்து செயற்குழு உறுப்பினர்கள் மற்றும் பிற பங்குதாரர்களுடனான கூட்டம் இன்று (16) ஜெனரல் சவேந்திர சில்வா தலைமையில் கொவிட் 19 பரவலை தடுக்கும் தேசிய செயல்பாட்டு மையத்தில் நடைபெற்றது. இதில் சுகாதார சேவைகள் பணிப்பாளர் நாயகம் டாக்டர் அசெலா குணவர்தனவும் கலந்துக்கொண்டார். best Running shoes | nike air jordan lebron 11 blue eyes black people