ජාතියේ ආරක්ෂකයා
කීර්තිමත් යුද්ධ හමුදා සේවා කාලයක් සම්පූර්ණ කර නුඳුරේදී විශ්රාම දිවියට එළඹෙන මේජර් ජෙනරල් බී.අයි අස්සලආරච්චි යූඑස්පී පීඑස්සී පීටීඑස්සී 2025 ජනවාරි මස 28 දින යුද්ධ හමුදා මූලස්ථානයේදී යුද්ධ හමුදාධිපති ලුතිනන් ජෙනරල් ලසන්ත රොද්රිගෝ ආර්එස්පී සීටීඑෆ්-එන්ඩීයූ පීඑස්සී අයිජී හමුවිය.
මේජර් ජෙනරල් නිලයට උසස්වීම් ලද ජ්යෙෂ්ඨ නිලධාරින් පිරිසක් 2025 ජනවාරි මස 27 දින යුද්ධ හමුදා මූලස්ථානයේදී යුද්ධ හමුදාධිපති ලුතිනන් ජෙනරල් ලසන්ත රොද්රිගෝ ආර්එස්පී සීටීඑෆ්-එන්ඩීයූ පීඑස්සී අයිජී හමුවූහ.
ආරක්ෂක සේවා එල්ලේ තරඟාවලිය - 2025 හි ජයග්රහණය අඛණ්ඩව සිව්වන වරටත් ශ්රී ලංකා යුද්ධ හමුදාව විසින් හිමිකර ගන්නා ලදී.
යුද්ධ හමුදාධිපතිතුමන්ගේ උපදෙස් මත ශ්රී ලංකා යුද්ධ හමුදා ස්වේච්ඡා බලසේනාවේ වැඩබලන සේනාවිධායක මේජර් ජෙනරල් ඒ.එච්.එල්.ජී අමරපාල ආර්ඩබ්ලිව්පී ආර්එස්පී එන්ඩීසී පීඑස්සී ගේ අධීක්ෂණය යටතේ, ‘ක්ලීන් ශ්රී ලංකා’ වැඩසටහනට සමගාමීව 2025 ජනවාරි මස 21 දින ‘Rendezvous’ ක්රීඩා පිටියේ මනෝචිකිත්සාමය සංගීත වැඩසටහනක් පවත්වන ලදී.
වසර 32 කට අධික කාල සීමාවක් මව්බිමේ ඒකීයභාවය වෙනුවෙන් සේවය කළ අභාවප්රාප්ත ශ්රී ලංකා සිංහ රෙජිමේන්තුවේ බ්රිගේඩියර් එන්.ජී.ජී.එස්. තිලකරත්න (විශ්රාමික) ජ්යෙෂ්ඨ නිලධාරි ගේ දේහය පිළිබඳ අවසන් කටයුතු මහයියාව පොදු සුසාන භූමියේදී සඳුදා (ජනවාරි මස 20) දින පස්වරුවේ යුද්ධ හමුදා ගෞරවාචාරයන් මධ්යයේ සිදුකෙරිණි.
යුද්ධ හමුදා ප්රවීණයන්ගේ යහපැවැත්ම සහතික කිරීම වෙනුවෙන් යුද්ධ හමුදාධිපතිතුමන්ගේ මඟපෙන්වීම මත කොළඹ පළාතේ සහ ඒ ආශ්රිත ප්රදේශයන්හි වෙසෙන යුද්ධ හමුදා ප්රවීණයන්ගේ සෞඛ්යය අවශ්යතා සපුරාලීමේ අරමුණින් 2025 ජනවාරි මස 20 සිට 24 දින දක්වා රාගම රණවිරු සෙවණ සුවතා නිකේතන පරිශ්රයේදී රණක්ෂිතයට පත් යුද්ධ හමුදා ප්රවීණයන් වෙනුවෙන් වෛද්ය කඳවුරක් පැවැත්වීම සඳහා සියළු කටයුතු සංවිධානය කර ඇත.
ශ්රී ලංකා ඉංජිනේරු බලකායේ බලකාධිපති මේජර් ජෙනරල් ඒ.එච්.එල්.ජී. අමරපාල ආර්ඩබ්ලිව්පී ආර්එස්පී එන්ඩීසී පීඑස්සී, 2025 ජනවාරි මස 20 දින මත්තේගොඩ, ශ්රී ලංකා ඉංජිනේරු බලකා රෙජිමේන්තු මූලස්ථානයේදී එම බලකායේ ජ්යෙෂ්ඨ නිලධාරින් සහ නිලධාරින් ආමන්ත්රණය කළේය.
ශ්රී ලංකා යුද්ධ හමුදා ස්වේච්ඡා බලසේනාවේ වැඩබලන සේනාවිධායක මේජර් ජෙනරල් ඒ.එච්.එල්.ජි. අමරපාල ආර්ඩබ්ලිව්පී ආර්එස්පී එන්ඩීසී පීඑස්සී 2025 ජනවාරි මස 16 දින 5 (ස්වේච්ඡා) බලඇණිය ශ්රී ලංකා පාබල හමුදාව, 2 (ස්වේච්ඡා) බලඇණිය ශ්රී ලංකා සිංහ රෙජිමේන්තුව, 4 (ස්වේච්ඡා) බලඇණිය ශ්රී ලංකා යුද්ධ හමුදා යුධොපකරණ බලකාය සහ 1 බලඇණිය ශ්රී ලංකා රයිෆල් බලකාය වෙත නිල සංචාරයක නිරත විය.
ශ්රී ලංකා යුද්ධ හමුදා ස්වේච්ඡා බලසේනාවේ වැඩබලන සේනාවිධායක මේජර් ජෙනරල් ඒ.එච්.එල්.ජි. අමරපාල ආර්ඩබ්ලිව්පී ආර්එස්පී එන්ඩීසී පීඑස්සී 2025 ජනවාරි මස 14 දින 3 (ස්වෙච්ඡා) බලඇණිය ශ්රී ලංකා සිංහ රෙජිමේන්තුවේ සංචාරයක නිරත විය.
ශ්රී ලංකා ජාතික සෙපැක්ටැක්රෝ සංගමය වෙතින් සංවිධානය කරනු ලැබූ ‘2024 ජාතික වෙරළ සෙපැක්ටැක්රෝ ශූරතාවලිය’ 2025 ජනවාරි මස 19 දින ගල්කිස්ස වෙරළ තීරයේදී පැවැත්විණි. තරඟාවලියේ පිරිමි සහ කාන්තා කාණ්ඩයන් දෙකෙහිම ශූරතාවය දිනාගැනීමට ශ්රී ලංකා යුද්ධ හමුදා පිරිමි සහ කාන්තා සෙපැක්ටැක්රෝ කණ්ඩායම් සමත්වූහ.