16 වන ශ්‍රී ලංකා හමුදා ආරක්‍ෂක භට කණ්ඩායම 2025 ජූලි මස 04 දින සිය රාජකාරීන් භාරගැනීමෙන් අනතුරුව එම භට කණ්ඩායමේ ප්‍රථම උපකරණ පරීක්‍ෂාව 2025 සැප්තැම්බර් මස 04 වන දින මෙම වසරේ තෙවන කාර්තුව සඳහා සිදුකෙරිණි. ඒ අනුව, ලෙබනනයේ එක්සත් ජාතීන්ගේ අතුරු බලකා මූලස්ථානයේ නිලධාරින් 18 දෙනෙකුගෙන් සමන්විත කණ්ඩායමක් විසින් නකූරා ප්‍රදේශයේ ස්ථාපිත එම කඳවුරේදී මෙම උපකරණ පරික්‍ෂාව සිදුකරන ලදී.

නකෞරා ප්‍රදේශයේ නවතමයෙන් ස්ථාපිත 16 වන ශ්‍රී ලංකා හමුදා ආරක්‍ෂක භට කණ්ඩායමේ අණදෙන නිලධාරි ලුතිනන් කර්නල් වයි.එස්.එච්.එන්.පී සිල්වා USP psc (ගජබා රෙජිමේන්තුව) 2025 අගෝස්තු මස 29 දින බේරූට් හි තානාපති කාර්යාලයේදී ලෙබනනයේ ශ්‍රී ලංකා තානාපති අතිගරු කපිල ජයවීර මහතා හමුවිය.

ගෝලීය සාම මෙහෙයුම් මූලාරම්භ සංවිධානයේ අනුග්‍රාහකත්වය මත ආරම්භ කරන ලද එක්සත් ජාතීන්ගේ මාණ්ඩලික නිලධාරි පාඨමාලා අංක - 04, 2025 අගෝස්තු මස 11 දින සිට 27 දින දක්වා ශ්‍රී ලංකා සාමසාධක මෙහෙයුම් පුහුණු ආයතනයේදී පවත්වනු ලැබීය. මෙම පාඨමාලාවේ සමාප්ති උත්සවය 2025 අගෝස්තු මස 27 දින පැවැත්විණි.

ලෙබනනයේ එක්සත් ජාතීන්ගේ අතුරු බලකා මූලස්ථානය යටතේ සේවයේ නියුතු ශ්‍රී ලංකා බලඇණියේ නව අණදෙන නිලධාරි ලුතිනන් කර්නල් වයි.එස්.එච්.එන්.පී සිල්වා USP psc 2025 ජූලි මස 26 දින නකූරා ප්‍රදේශයේ ස්ථාපිත ලෙබනනයේ එක්සත් ජාතීන්ගේ අතුරු බලකා මූලස්ථානයේ මෙහෙයුම් ප්‍රධානි සහ අණදෙන නිලධාරි මේජර් ජෙනරල් ඩියෝඩාටෝ අබග්නාරා හමුවිය.

16 වන ශ්‍රී ලංකා හමුදා ආරක්‍ෂක භට කණ්ඩායම ලෙබනනයේ එක්සත් ජාතීන්ගේ අතුරු බලකාය යටතේ සාමසාධක රාජකාරි භාරගැනීමෙන් අනතුරුව 2025 ජූලි මස 16 සහ 17 දෙදින තුළ මුර සංචාර, තුවාලකරුවන් ඉවත් කිරීමේ අභ්‍යාස සහ සංචරන අභ්‍යාසයන්හි නිරතවිය.

16 වන ශ්‍රී ලංකා හමුදා ආරක්‍ෂක භට කණ්ඩායම විසින් 2025 ජූලි මස 04 දින ලෙබනනයේ එක්සත් ජාතීන්ගේ අතුරු බලකාය යටතේ සාම සාධක රාජකාරී නිල වශයෙන් භාර ගන්නා ලදී.

ලෙබනනයේ එක්සත් ජාතීන්ගේ අතුරු බලකා මූලස්ථානයේ, 15 වන ශ්‍රී ලංකා හමුදා ආරක්‍ෂක භට කණ්ඩාය‍ම 2025 ජූලි මස 02 දින ලෙබනනයේ එක්සත් ජාතීන්ගේ අතුරු බලකා මූලස්ථානයේ රාජකාරින් අවසන් කිරීමෙන් පසු නැවත දිවයිනට පැමිණියහ.

ලෙබනනයේ එක්සත් ජාතීන්ගේ අතුරු බලකා මූලස්ථානයේ, 16 වන ශ්‍රී ලංකා හමුදා ආරක්‍ෂක භට කණ්ඩායම 2025 ජූලි මස 02 දින සුභ පැතුම් මධ්‍යයේ දිවයිනෙන් ලෙබනනය බලා පිටත් විය.

15 වන මූලස්ථාන ආරක්‍ෂක භට කණ්ඩායමේ සාමාජිකයන් 2025 මැයි මස 28 දින නැකෝරා ප්‍රදේශයේ ස්ථාපිත ලෙබනනයේ එක්සත් ජාතීන්ගේ අතුරු බලකා මූලස්ථානයේ පැවති ‘ජාත්‍යන්තර සංස්කෘතික උළෙල 2025’ සඳහා සහභාගි විය.

ලෙබනනයේ එක්සත් ජාතීන්ගේ අතුරු බලකා නිලධාරින් විසින් දෙවන කාර්තුව සඳහා ලෙබනනයේ එක්සත් ජාතීන්ගේ 15 වන ශ්‍රී ලංකා හමුදා අරක්‍ෂක භට කණ්ඩායම භාවිතා කරනු ලබන මෙරට යුද්ධ හමුදා සංග්‍රාමික රථ, අවි ආයුධ සහ උපකරණ පරීක්‍ෂා කිරීම 2025 මැයි මස 23 දින නාකියුරා ප්‍රදේශයේ ස්ථාපිත ශ්‍රී කඳවුරු පරිශ්‍රයේදී සිදුකරන ලදී.