2023-08-11 21:28:57
ඉපැරණි සම්ප්‍රදායන් අනුව මහනුවර ශ්‍රී දළඳා මාලිගාව මගින් වාර්ෂිකව පවත්වන ඇසළ පෙරහැර මංගල්‍යය විදී සංචාරය කරන මාර්ග ආලෝකමත් කිරීම සඳහා ශ්‍රී දළදා මාලිගාව වෙත යුද්ධ හමුදාව විසින් අඛන්ඩව 10 වන වරටත් කොප්පරා ටොන් 20 ක ප්‍රමාණයක් යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පි ආර්එස්පී එන්ඩීයූ ගේ ප්‍රධානත්වයෙන් අද (11) දින පෙරවරුවේ පැවැත්වූ උත්සවයකදී දියවඩන නිලමෙතුමන් වෙත පිළිගන්වන ලදී.
2023-08-05 05:52:13
යුද්ධ හමුදා මූලස්ථානයේ පිහිටි ශ්‍රී ලංකා යුද්ධ හමුදා සේවා වනිතා ඒකකය වෙතින් ක්‍රියාත්මක කරනු ලබන සුබසාධන ව්‍යාපෘතීන් තවදුරටත් පුළුල් කරමින් යුද්ධ හමුදා මූලස්ථානයේ සේවයේ නියුතු සාමාජිකයන් අතරින් තෝරාගත් පිරිසක් වෙත වියළි ආහාර සලාක පාර්සල් 100 ක් බෙදාදීමේ වැඩසටහනක් පසුගිය සිකුරාදා (අගෝස්තු මස 4) දින ක්‍රියාත්මක කෙරිණි. එම අවස්ථාව සඳහා සම්භාවනීය අමුත්තන් ලෙස යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ සහ යුද්ධ හමුදා සේවා වනිතා ඒකකයේ සභාපතිනි ජානකී ලියනගේ මහත්මිය සහභාගී වූහ.
2023-07-27 20:09:28
ඩිජිටල්කරණයත් සමඟ පාසල් සිසුන්ගේ අධ්‍යාපන කටයුතු පහසුකරලීම සඳහා සුභසාධන ව්‍යාපෘතියක් දියත් කරමින් යුද්ධ හමුදා සේවා වනිතා ඒකකය විසින් යුද්ධ හමුදා මූලස්ථානයේ සේවයේ නියුතු තෝරාගන්නා ලද යුද්ධ හමුදා සහ සිවිල් සාමාජිකයින් 55 දෙනෙකුගේ දරුවන් සඳහා ටැබ් යන්ත්‍ර ප්‍රදානය කරන ලදී.
2023-07-25 20:42:56
විදේශ විනිමය විශාල ප්‍රමාණයක් මෙරටට ඉතිරි කරමින් ශ්‍රී ලංකා යුද්ධ හමුදාව මානුෂීය මෙහෙයුමේදී මෙන්ම රටේ සංවර්ධනය වෙනුවෙන් ද විශාල මෙහෙවරක් සිදුකරමින් ‘නොහැක්කක් නොමැත’ යන්න නැවත වරක් පිළිබිඹු කරමින් මහජන ආරක්‍ෂක අමාත්‍යාංශයේ ඉල්ලීමකට අනුව එක්සත් ජාතීන්ගේ ප්‍රමිතීන්ට අනුකූලව ශ්‍රී ලංකා විදුලි හා යාන්ත්‍රික ඉංජිනේරු බලකායේ භටපිරිස් විසින් දේශීයව නිෂ්පාදනය කරන ලද සන්නද්ධ රථ 6 ක් පොලිස් විශේෂ කාර්ය බලකාය වෙත භාරදෙන ලදී.
2023-07-21 22:09:15
තායිලන්තයේ බැංකොක් නුවර පසුගියදා පැවති ආසියානු මලල ක්‍රීඩා ශූරතාවලිය - 2023, පැරිසියේ පැවති පැරා මලල ක්‍රීඩා ලෝක ශූරතාවලිය - 2023 සහ පොදුරාජ්‍ය මණ්ඩලීය ජ්‍යෙෂ්ඨ, කනිෂ්ඨ සහ යොවුන් ශූරතා තරඟාවලිය - 2023 යන තරඟාවලීන් සඳහා සහභාගී වී ජාතික හා ජාත්‍යන්තර වාර්තා තබමින් ශ්‍රී ලංකාවට පදක්කම් හිමිකරගෙන පැමිණි යුද්ධ හමුදා ක්‍රීඩක ක්‍රීඩිකාවන් 10 දෙනෙකු වෙත සිකුරාදා (ජූලි මස 21) දින යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ විසින් නිල උසස් වීම් ප්‍රදානය කරන ලදී.
2023-07-20 12:55:33
යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ උපන් මාතලේ ප්‍රදේශයේ ආර්ථික දුෂ්කරථා මධ්‍යයේ දිවිගෙවන පවුලක් වෙනුවෙන් යුද්ධ හමුදාව විසින් ඉදිකරන ලද නව නිවස යුද්ධ හමුදාධිපතිතුමන්ගේ සහ යුද්ධ හමුදා සේවා වනිතා ඒකකයේ සභාපතිනි ජානකී ලියනගේ මැතිණියගේ ප්‍රධානත්වයෙන් බදාදා (ජූලි මස 19) දින පැවති උත්සවයකදී එම පවුලේ සාමාජිකයන් වෙත පවරා දෙන ලදී.
2023-07-15 13:56:14
අලගල්ල කඳුකරයේ සංචාරයක නිරතව සිටියදී අතුරුදහන්ව සිට මිය ගොස් සිටි ඩෙන්මාර්ක් ජාතික කාන්තාව සෙවීමේ මෙහෙයුම සඳහා සහභාගී වූ 11 පාබල සේනාංකයට අයත් යුද්ධ හමුදා සාමාජිකයින් පස් දෙනෙකු සෙනසුරාදා (ජුලි මස 15) දින යුද්ධ හමුදා මූලස්ථානයේදී යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පී එන්ඩීයූ හමුවූ අතර, එහිදී එතුමන් ඔවුන්ගේ එම කාර්යය ඇගයීමට ලක්කලේය.
2023-07-14 00:17:46
19 වන ගුවන් හමුදාධිපති ලෙස ධූරයේ රාජකාරි කටයුතු භාරගත් එයාර් මාර්ෂල් ආර්.ඒ.යූ.පී රාජපක්‍ෂ ආර්එස්පී (දෙවරක්), වීඑස්වී, යූඑස්පී, එම්එස්සී (එම්ඕඒ) ඇමරිකා එක්සත් ජනපදය, එම්එස්සී (ආරක්‍ෂක අධ්‍යයන) කළමණාකරන, එම්ඒ අයිඑස් සහ එස් (එක්සත් රාජධානිය), බීඑස්සී (ආරක්‍ෂක අධ්‍යයන), එම්අයිඑම් (ශ්‍රී ලංකා), ඒඑම්අයිඊ (ශ්‍රී ලංකා), ආර්සීඩීඑස්, පීඑස්සී බ්‍රහස්පතින්දා (13) දින ශ්‍රී ජයවර්ධනපුර පිහිටි යුද්ධ හමුදා මූලස්ථානය වෙත පැමිණි අතර එහිදී, එතුමන් වෙත හමුදා සම්ප්‍රදායානාකූල ගෞරවාචාරය පුදකිරීමෙන් අනතුරුව යුද්ධ හමුදාධිපති ලුතිනන් ජෙනරල් විකුම් ලියනගේ ආර්ඩබ්ලිව්පී ආර්එස්පි එන්ඩීයූ සහ නව ගුවන් හමුදාධිපතිතුමන් අතර සුහද හමුවක් පැවැත්විණි.
2023-07-11 20:07:41
බෞද්ධ දර්ශනයේ පූජනීය සිද්ධස්ථාන දහසයෙන් එකක් වන අම්පාර ‘දීඝවාපිය’ චෛත්‍යයේ ප්‍රතිසංස්කරණ ව්‍යාපෘතියේ 1 වන අදියර යටතේ උස අඩි 69 ක ප්‍රමාණයක් නිමකිරීමෙන් පසු ප්‍රතිසංස්කරණ ව්‍යාපෘතියේ 2 වන අදියර පසුගිය සඳුදා (ජුලි මස 10) දින ආරම්භ කරනු ලැබීය.
2023-07-02 11:43:11
මාලි රාජ්‍යයේ බහුවිධ ඒකාබද්ධ ස්ථායීකරණ මෙහෙයුම් මධ්‍යස්ථානයේ (MINUSMA) එක්සත් ජාතීන්ගේ සාම සාධක රාජකාරීන් සඳහා මෙරටින් පිටත්ව යන වෘත්තීයමය වශයෙන් පුහුණුව ලත් යුද්ධ හමුදා සාමාජිකයින් 243 දෙනෙකුගෙන් සමන්විත 5 සංග්‍රාමික රථ ආරක්‍ෂක භට ඛණ්ඩයේ (CCC) පළමු කණ්ඩායම වශයෙන් 170 කින් යුත් භටපිරිසක් සෙනසුරාදා (ජූලි 01) දින සන්ධ්‍යාවේ මාලි රාජ්‍යය බලා පිටත්ව ගියේය. ඉතිරි භටපිරිස් අදියර වශයෙන් පිටත්ව යාමට නියමිතව ඇත. සාම සාධක භටපිරිස් කණ්ඩායම බණ්ඩාරනායක ජාත්‍යන්තර ගුවන්තොටුපලෙන් පිටත්ව යන අවස්ථාවට ශ්‍රී ලංකා සිංහ රෙජිමේන්තුවේ රෙජිමේන්තු අධිපති හා යුද්ධ හමුදා මූලස්ථානයේ උපකරණ මාස්ටර් ජෙනරාල් මේජර් ජෙනරල් ජී.ආර්.ආර්.පී ජයවර්ධන ආර්ඩබ්ලිව්පී ආර්එස්පී එන්ඩීයූ සහභාගී විය.
