18th August 2023 01:46:20 Hours
ආරක්‍ෂක සේනා මූලස්ථානය - නැගෙනහිර යටතේ ස්ථාපිත 23 පාබල සේනාංකයට අයත් 233 පාබල බලසේනාවේ භටපිරිස් විසින් සුබසාධන ව්‍යාපෘතියක් දියත්කරමින් කතිරවේලි, පුදූර් හි පිහිටි ‘සරස්වතී’ පෙරපාසල් ගොඩනැගිල්ල ප්‍රතිසංස්කරණය කර ඉකුත් ඉරිදා (අගෝස්තු 13) දින නිල වශයෙන් බලධාරීන් වෙත භාර දෙනු ලැබීය.
ආරක්‍ෂක සේනා මූලස්ථානය - නැගෙනහිර යටතේ ස්ථාපිත 23 පාබල සේනාංකයට අයත් 233 පාබල බලසේනාවේ භටපිරිස් විසින් සුබසාධන ව්‍යාපෘතියක් දියත්කරමින් කතිරවේලි, පුදූර් හි පිහිටි ‘සරස්වතී’ පෙරපාසල් ගොඩනැගිල්ල ප්‍රතිසංස්කරණය කර ඉකුත් ඉරිදා (අගෝස්තු 13) දින නිල වශයෙන් බලධාරීන් වෙත භාර දෙනු ලැබීය. මෙම ව්‍යාපෘතිය 23 පාබල සේනාංකයේ සේනාංකාධිපති බ්‍රිගේඩියර් කේ.වී.එන්.පී ප්‍රේමරත්න ආර්එස්පී යූඑස්පී පීඑස්සී සහ 233 පාබල බලසේනාවේ බලසේනාධිපති කර්නල් ඒ.කේ.සී.එස් ද සිල්වා ආර්එස්පී ගේ මගපෙන්වීම යටතේ ක්‍රියාත්මක කරන ලදී.
‘සරස්වතී’ පෙර පාසලේ පුදූර් ගම්මානයේ ළමුන් 41 දෙනෙකු අධ්‍යාපනය ලබන අතර, පළාත් සභාව මඟින් පාලනය වේ. මෙම පෙර පාසලේ ළමුන් මේස, මේස, පුටු සහ ජල නල පහසුකම් සහිත නිසි සනීපාරක්ෂක පහසුකම්, ගොඩනැගිලි නඩත්තුව, මුළුතැන්ගෙයක් නොමැති වීම වැනි විවිධ දුෂ්කරථාවයන් මධ්‍යයේ අධ්‍යාපන කටයතු වල නිරත වූහ. ඒ අනුව 233 පාබල බලසේනාවේ භටපිරිස් පන්ති කාමර සහ සියලුම ගෘහ භාණ්ඩ නවීකරණය කරන ලදී. තවද, පරිත්‍යාගශීලීන් සහ හිතවතුන් පිරිසකගේ මූල්‍ය ආධාර මත 3 ඉංජිනේරු සේවා රෙජිමේන්තු භටපිරිස්හි ශ්‍රම දායකත්වයෙන් මුලුතැන්ගෙය ඉදිකිරිමේ කටයුතු තවමත් සිදු වෙමින් පවති.
නවතමයෙන් ප්‍රතිසංස්කරණය කරනු ලැබු පෙරපාසල් ගොඩනැගිල්ල බලධාරීන් වෙත භාරදීමේ උත්සවය අවස්ථාවට ප්‍රධාන ආරාධිත අමුත්තන් ලෙස 23 පාබල සේනාංකයේ සේනාංකාධිපති සහ 233 පාබල බලසේනාවේ බලසේනාධිපති සහභාගී වූ අතර, එහිදි ඔවුන් විසින් පෙරපාසලේ ළමුන් වෙත ත්‍යාග පාර්සල්ද බෙදාදෙන ලදී. මෙම උත්සව අවස්ථාව සඳහා යුද්ධ හමුදා ජ්‍යෙෂ්ඨ නිලධාරීන්, නිලධාරීන්, සෙසු නිලයන්, රාජ්‍ය නිලධාරීන්, ග්‍රාම සංවර්ධන සමිති සභාපතිවරුන්, ගුරුවරුන්, දෙමාපියන් සහ දරු දැරියන් ඇතුළු පිරිසක් සහභාගි වූහ.
