20th December 2022 17:37:41 Hours
යුද්ධ හමුදා යුද විද්‍යාලයේ ‘සිවිල්-හමුදා සබඳතා සහ හමුදා වෘත්තීයභාවය’ යන තේමාව යටතේ ලුතිනන් කර්නල් නිලයේ බලඇණි අණදෙන නිලධාරීන් සඳහා පවත්වනු ලැබු පළමු සම්මන්ත්‍රණය සාර්ථකව අවසන් කරන ලදී.
විශේෂිත විෂය ක්ෂේත්‍ර පිළිබඳ දැනුම පුළුල් කිරීම අරමුණු කරගනිමින් 2022 දෙසැම්බර් මස 15 සහ 16 දෙදින තුළ මාර්ගගත තාක්‍ෂණය ඔස්සේ (Zoom) පවත්වනු ලැබු මෙම සම්මන්ත්‍රණය සඳහා දිවයින පුරා ස්ථාන 200 ක් නියෝජනය කරමින් යුද්ධ හමුදා සාමාජිකයින් 400 කට වැඩි පිරිසක් සහභාගී වූහ.
යුද්ධ හමුදාධිපති ලුතිනන් ජෙනරල් විකුම් ලියනගේ ගේ මඟපෙන්වීම මත මෙම සම්මන්ත්‍රණය සාර්ථකව පවත්වා තිබිණි.
සම්මන්ත්‍රණය ආරම්භයේදී යුද්ධ හමුදා යුද විද්‍යාලයේ සේනාවිධායක බ්‍රිගේඩියර් මානද යහම්පත් විසින් සහභාගී වූ සියලුම දෙනා උණුසුම් ලෙස පිළිගත් අතර, ශ්‍රී ලංකා යුද්ධ හමුදා අධ්‍යක්‍ෂ ජෙනරාල් ප්‍රධාන මාණ්ඩලික මේජර් ජෙනරල් නිශාන්ත මානගේ විසින් සිවිල් - හමුදා සබඳතා වැඩිදියුණු කිරීමේ අවශ්‍යතාවය පිළිබඳ අවධාරණය කරමින් ආරම්භක දේශණය පවත්වනු ලැබීය.
යුද්ධ හමුදා යුද විද්‍යාලයේ පැවැති පළමු දින සම්මන්ත්‍රණයේදි ‘සිවිල්-හමුදා සබඳතා පිළිබඳ සංකල්පීය සහ න්‍යායාත්මක පැතිකඩ’ සහ ‘සංකීර්ණ ආරක්‍ෂක වටපිටාවක සිවිල්-හමුදා සම්බන්ධතා වර්ධනය කිරීම’ යන මාතෘකා යටතේ සැසි දෙකක් පවත්වනු ලැබු අතර, කොළඹ විශ්වවිද්‍යාලයේ මහාචාර්ය මනීෂා එස්. වනසිංහ පැස්කුවෙල් මහත්මිය, ශ්‍රී ලංකා යුද්ධ හමුදාව පුහුණු අධ්‍යක්‍ෂ බ්‍රිගේඩියර් කපිල දොලගේ සහ ශ්‍රී පාලි මණ්ඩපයේ රෙක්ටර් මහාචාර්ය ප්‍රතිභා මහානාමහේවා මහතා විසින් ප්‍රථම සැසිවාරයේ මුලසුන හොඹවන ලදී. එහිදි ආරම්භක දේශණය පැවැත්වූ, මේජර් ජෙනරල් නිශාන්ත මානගේ විසින් 1 වන දින පස්වරුවේ පැවැති සැසියේ මුලසුන හෙඹවූ අතර, කොතලාවල ආරක්‍ෂක විශ්වවිද්‍යාලයේ ආචාර්ය සනත් ද සිල්වා සහ හරිත කෘෂිකර්ම මෙහෙයුම් මධ්‍යස්ථානයේ බ්‍රිගේඩියර් සම්බන්ධීකාරක බ්‍රිගේඩියර් චන්දන අරංගල්ල ද එම අවස්ථාවට සහභාගී වූහ.
මෙම සැසිවාරය සඳහා ක්‍ෂේත්‍රයේ ප්‍රවීණයින් පිරිසක් ද සහභාගී වූහ.
‘සිවිල් - හමුදා සබඳතා පිළිබඳ සංකල්පීය සහ න්‍යායාත්මක පැතිකඩ’, ‘සංකීර්ණ ආරක්‍ෂක දර්ශනයක් තුළ සිවිල් - හමුදා සබඳතා වර්ධනය කිරීම’, ‘සිවිල් - හමුදා මැදිහත්වීම් තුළ හමුදාවේ ප්‍රජාතන්ත්‍රවාදී යාන්ත්‍රණය’, ‘ශ්‍රී ලාංකීය සමාජය තුළ හමුදා නියෝජනය’ සහ ‘ප්‍රාදේශීය සන්දර්භය තුළ සිවිල් - හමුදා සබඳතා සඳහා හමුදා නායකත්වයේ කැපවීම’ යන මාතෘකා මූලික කරගනිමින් මෙම සම්මන්ත්‍රණය පැවැත්විණි.
කොළඹ විශ්වවිද්‍යාලයේ මහාචාර්ය මනීෂා එස්. වනසිංහ මහත්මියගේ ප්‍රධානත්වයෙන් මෙම සම්මන්ත්‍රණයේ පළමු දින සැසිවාරය පැවැත්වූ අතර ඒ සඳහා ශ්‍රී ලංකා යුද්ධ හමුදා පුහුණු අධ්‍යක්‍ෂ බ්‍රිගේඩියර් කපිල දොලගේ, ශ්‍රී පාලි මණ්ඩපයේ ප්‍රධාන දේවගැති මහාචාර්ය ප්‍රතිභා මහානාමහේවා ද සිය දායකත්වය දැක්වූහ.
මේජර් ජෙනරල් නිශාන්ත මානගේ එදින පස්වරුවේ පැවති සැසිවාරයේ මුලසුන හෙබවූවේය. කොතලාවල ආරක්‍ෂක විශ්වවිද්‍යාලයේ ආචාර්ය සනත් ද සිල්වා සහ හරිත කෘෂිකාර්මික ක්‍රියාන්විත මධ්‍යස්ථානයේ බ්‍රිගේඩියර් සම්බන්ධීකාරක බ්‍රිගේඩියර් චන්දන අරංගල්ල ද ආරාධිත කථිකයින් ලෙස දෙවන සැසිවාරයේදි දේශනයක් පැවැත්වූහ. දෙවන දින සැසිවාරයේ මුලසුන හෙබවූයේ මේජර් ජෙනරල් (විශ්‍රාමික) අමල් කරුණාසේකර විසිනි. නීතීඥ ඉන්දික පෙරේරා මහතා, ආචාර්ය ජෝර්ජ් කුක් මහතා, 65 වන සේනාංකයේ සේනාංකාධිපති මේජර් ජෙනරල් ප්‍රසන්න එදිරිසිංහ, බ්‍රිගේඩියර් සජිත් ලියනගේ, කර්නල් චමින්ද තෙන්නකෝන් සහ කර්නල් බන්දුල කොඩිප්පිලි ද එම සැසිවාරයේදී සිය අදහස් දැක්වූහ.
