04th June 2022 12:28:57 Hours
இராணுவ சேவை வனிதையர் பிரிவின் 16 வது தலைவியாக திருமதி ஜானகி லியனகே அவர்கள் வெள்ளிக்கிழமை (3) ஸ்ரீ ஜயவர்தனபுர இராணுவத் தலைமையகத்தில் உள்ள அவரது அலுவலகத்தில் சமய ஆசிர்வாதங்கள் மற்றும் வாழ்த்துக்களுக்கு மத்தியில் தனது கடமைகளை பெறுப்பேற்று கொண்டார்.
இந்நிகழ்வில் பங்குபற்றிய புதிய இராணுவத் தளபதி லெப்டினன் ஜெனரல் விக்கும் லியனகே அவர்களும் பாரம்பரிய மங்கள விளக்கை ஏற்றி வைத்தனர். இதேவேளை, லெப்டினன் ஜெனரல் விக்கும் லியனகே அவர்கள் புதிய இராணுவ சேவை வனிதையர் பிரிவின் தலைவிக்கு மலர்க்கொத்து வழங்கி தனது வாழ்த்துக்களை தெரிவித்தார்.
கோட்டை ஸ்ரீ நாக விகாரையின் பிரதம தேரர் வண. வதுரவில ஸ்ரீ சுஜாதா தலைமையில் மகா சங்க உறுப்பினர்கள் 'செத்பிரித்' பராயணங்களுக்கு மத்தியில், புதிய இராணுவ சேவை வனிதையர் பிரிவின் தலைவி தனது புதிய கடமைகளை ஏற்றுக்கொண்டதைக் குறிக்கும் வகையில் உத்தியோகபூர்வ ஆவணத்தில் கையொப்பமிட்டார்.
வருகை தந்த புதிய இராணுவ சேவை வனிதையர் பிரிவின் தலைவியை, இராணுவ சேவை வனிதையர் பிரிவின் உப தலைவரும், இலங்கை இலேசாயுத காலாட்படை படையணியின் – சேவை வனிதையர் பிரிவின் தலைவியுமான திருமதி ஷிரோமலா கொடித்துவக்கு வரவேற்றார். பின்னர் அவர் இந்த நிகழ்வில் அனைவருக்கும் சுருக்கமான உரையை நிகழ்த்தினார், மேலும் தனது எதிர்கால பாணிகளைச் முன்னெடுத்து செல்வதற்காக அனைவரின் ஆதரவையும் கோரினார்.
அனைத்து படையணிகளின் சேவை வனிதையர் பிரிவின் தலைவிகளும் நிகழ்ச்சியில் பங்கேற்று விருந்துபசாரத்தில் கலந்து கொள்வதற்கு முன் குழு புகைப்படத்தையும் எடுத்துக்கொண்டனர்.
திருமதி ஜானகி லியனகே அவர்களின் சுருக்கமான விபரம் இங்கே
லெப்டினன் ஜெனரல் விக்கும் லியனகே RWP RSP ndu அவர்கள் இலங்கை இராணுவத்தின் 24 வது இராணுவ தளபதியாக கடமைகளை பொறுப்பேற்ற பின்னர் 2022 ஜூன் மாதம் 03 ஆம் திகதி இராணுவ சேவை வனிதையர் பிரிவின் 16 வது தலைவியாக திருமதி ஜானகி லியனகே பதவியேற்றார்.
திருமதி ஜானகி லியனகே அவர்கள் இலங்கை தேசிய பாதுகாவலர் படையணியின் சேவை வனிதையர் பிரிவின் தலைவியாகவும் பணியாற்றுகிறார். இராணுவத் தலைமையகத்தில் இராணுவ சேவை வனிதையர் பிரிவின் புதிய தலைவியாக பொறுப்புகளை ஏற்கும் முன்னர் அவர் இராணுவ சேவை வனிதையர் பிரிவின் துணைத் தலைவியாக பணியாற்றினார்.
அவர் மாத்தளை விஞ்ஞானக் கல்லூரியின் பழைய மாணவி என்பதுடன் உயிரியல் பிரிவில் உயர்தரத்தைப் படித்துள்ளார் மற்றும் இலங்கையின் பௌத்த மற்றும் பாலி பல்கலைக்கழகத்தில் தனது பட்டப்படிப்பைப் முடித்துள்ளார்.
இலங்கை தேசிய பாதுகாவலர் படையணியின் சேவை வனிதையர் பிரிவின் தலைவி என்ற வகையில், இராணுவ வீரர்கள், அங்கவீனமுற்ற போர்வீரர்கள் மற்றும் இலங்கை தேசிய பாதுகாப்புப் படையணி உறுப்பினர்களின் குடும்ப உறுப்பினர்களின் வாழ்க்கைத் தரத்தை உயர்த்துவதற்கு மிகவும் அர்ப்பணிப்புடன் சேவையாற்றினார். இராணுவ சேவை வனிதையர் பிரிவின் கீழ் அனைத்து சேவை வனிதையர் பிரிவின் உறுப்பினர்களையும் ஒருங்கிணைக்க முயற்சிக்கும் அதே வேளையில் சேவை வனிதையர் பிரிவின் பணிகளின் படத்தை விளம்பரப்படுத்தவும் அவர் தீவிரமாக பங்களித்தார் மற்றும் பொதுவான இலக்குகள் மற்றும் நலன்களுக்காக பணியாற்றினார்.
அவரது தாய்வழி கவனிப்பு, அந்தத் துணைவர்களுக்காக ஏற்பாடு செய்யப்பட்ட ஆலோசனை அமர்வுகளின் போது உடனடி குடும்ப உறுப்பினர்கள் மற்றும் வீரர்களின் உறவினர்களின் குறைகள் மற்றும் பிரச்சினைகளைத் தீர்க்க உதவுகிறது.
விதவைகள் மற்றும் ஊனமுற்ற இலங்கை தேசிய பாதுகாப்புப் படையணியின் வீரர்களின் குடும்ப உறுப்பினர்களின் நல்வாழ்வை மேம்படுத்துவதில் அவர் தனிச்சிறப்பு அக்கறை காட்டினார், வாழ்க்கைத் துணைவர் தேசியக் கடமைக்காக வெளியில் இருந்தபோது பிணைப்பு உறுதிப்பாட்டைக் கையாள்வதன் மூலம் அவர் ஒரு வீட்டில் இருக்கும் மனைவியின் பல பணிகளையும் பொறுப்புகளையும் உறுதியாகப் பராமரித்தார்.
இலங்கை தேசிய பாதுகாவலர் படையணியின் சேவை வனிதையர் பிரிவு தலைவி என்ற முறையில் இந்த புதுமையான அணுகுமுறை இலங்கை தேசிய பாதுகாவலர் படையணியின் குடும்பங்களில் உள்ள அனைத்து பெண்கள் மத்தியிலும் அற்புதமான உணர்வை ஏற்படுத்தியது.
இலங்கை தேசிய பாதுகாவலர் படையணியின் சேவை வனிதையர் பிரிவு கடந்த இரண்டு வருடங்களில் பகுதியளவு நிர்மாணிக்கப்பட்ட வீடுகளை நிறைவு செய்தல், புலமைப்பரிசில்கள் வழங்குதல், நிதி மானியங்கள், மருத்துவ உதவிகள் போன்றவற்றுக்கு சாத்தியமான அதிகபட்ச ஆதரவை வழங்குவதில் முன்னணியில் உள்ளன. இதன் விளைவாக, அவர் தனது தொண்டு மற்றும் சமூகப் பணிகளுக்காக பலரால் பரவலாகப் பாராட்டப்படுகிறார்.
அவர் தனது புதிய அலுவலகத்தின் பொறுப்பை ஏற்று, அனைத்து இராணுவ வீரர்களின் வாழ்க்கைத் துணைவர்களுக்கும் அவர்களது குடும்ப உறுப்பினர்களுக்கும் தவறாத மற்றும் அர்ப்பணிப்புடன் சேவை செய்ய எதிர்பார்த்துள்ளார்.
