01st October 2021 14:24:12 Hours
කිලිනොච්චි දිසා රෝහලේ මෘත ශරිරාගාරයේ ඉඩ පහසුකම්වල පවතින අවශ්‍යතාවය පිලිබඳ සැලකිල්ලට ගනිමින්, ඉදිරි නඩත්තු පෙදෙස - කිලිනොච්චි යටතේ සේවයේ නියුතු භටපිරිස් කඩිනමින් අඩි 20 ක කන්ටේනර් බහාලුමක් මෘත ශරිරාගාරයක් ලෙස වැඩිදියුණු කර පසුගියදා රෝහල් බලධාරින් වෙත භාරදුන්හ.
ආරක්‍ෂක සේනා ආඥාපති - මුලතිව් මේජර් ජෙනරල් සිසිර පිලපිටිය ලබාදුන් උපදෙස් මත ආඥාපති ඉදිරි නඩත්තු පෙදෙස - කිලිනොච්චි ගේ අධික්‍ෂණය යටතේ මෙම ව්‍යාපෘතිය සිදුකෙරිණි.
ප්‍රාදේශීය සෞඛ්‍ය සේවා අධ්‍යක්‍ෂ වෛද්‍ය එන්. සර්වනබවන් මහතා සහ විශේෂඥ අධිකරණ වෛද්‍ය ආර්. ධනුශන් මහතා විසින් ආඥාපති ඉදිරි නඩත්තු පෙදෙස - කිලිනොච්චි මේජර් ජෙනරල් එච්.එම්.එච්.එන්. හේරත් ගෙන් කරන ලද ඉල්ලීමකට අනුව මෘත දේහ තැන්පත් කිරීම සඳහා කන්ටේනර් බහාලුමක් නව මෘත ශාරිරාගාරයක් ලෙස අලුත්වැඩියා කෙරිණි.
7 වන ශ්‍රී ලංකා විදුලි හා යාන්ත්‍රික ඉංජිනේරු රෙජිමේන්තුවේ භටපිරිස් විසින් අලුත්වැඩියා කළ මෙම කන්ටේනර් බහාලුම තුළ එකවර මෘත දේහ 11 ක් තැන්පත් කිරිමේ හැකියාව පවති.
