26th June 2021 10:52:58 Hours
ආරක්‍ෂක මාණ්ඩලික ප්‍රධානි සහ යුද්ධ හමුදාධිපති ජෙනරල් ශවේන්ද්‍ර සිල්වාගේ සංකල්පයකට අනුව ක්‍රියාත්මක කරන ලද ‘තුරු මිතුරු නව රටක්’ හරිත ව්‍යාපෘතියට සමගාමීව 1 වන ශ්‍රී ලංකා යුද්ධ හමුදා පොදු සේවා බලකායේ අණදෙන නිලධාරි ලුතිනන් කර්නල් සී.එස් දේමුණි ගේ අධීක්‍ෂණය යටතේ පානළුව ගොවිපලේ 'මී' පැළ රෝපණය කිරිමේ වැඩසටහනක් දියත් කරන ලදී.
ඒ අනුව, හංවැල්ල ගොවිජන සේවා දෙපාර්තමේන්තුවේ සහ වන සංරක්ෂණ දෙපාර්තමේන්තුවේ සහයෝගය ඇතිව 1 වන ශ්‍රී ලංකා යුද්ධ හමුදා පොදු සේවා බලකායේ නිලධාරින් සහ සෙසුනිලයින් එක්ව ‘මී’ පැළ 100 ක් රෝපණය කරන ලදී. මෙම වැඩසටහන පවතින සෞඛ්‍යාරක්‍ෂිත ක්‍රමවලට අනුකූලව පවත්වන ලදී.
