02nd June 2021 22:05:09 Hours
අද (03) දින උදෑසන වනවිට ශ්රී ලංකාවෙන් කොවිඩ් - 19 ආසාදිත පුද්ගලයින් 3,306 දෙනෙකු හඳුනාගෙන ඇත. එම පුද්ගලයින් සියලුදෙනා දේශීයව හඳුනාගත් ආසාදිතයින් ලෙස වාර්තා වේ. හඳුනාගත් ආසාදිතයින් අතරින් වැඩිම ආසාදිතයින් පිරිසක් ගම්පහ දිස්ත්රික්කයෙන් වාර්තා වන අතර, ඒ ආසාදිතයින් 1,004 ක් ලෙසය. ඊට අමතරව, කොළඹ දිස්ත්රික්කයෙන් ආසාදිතයින් 501 ක් සහ බදුල්ල දිස්ත්රික්කයෙන් ආසාදිතයින් 251 ක් වාර්තා වේ. අනෙක් ආසාදිතයින් 1,550 දෙනෙකු දිවයිනේ සෙසු දිස්ත්රික්ක වලින් වාර්තා වේ.
අද (03) දින උදෑසන වනවිට, ශ්රී ලංකාව තුළ කොවිඩ්-19 වෛරසය ආසාදනය වු සම්පුර්ණ ආසාදිතයින් සංඛ්යාව 192,546 ක් ලෙස වාර්තා වේ. ඒ අතරින් අළුත් අවුරුදු සමයෙන් පසු වාර්තා වූ ආසාදිතයින් සංඛ්යාව 95,270 වේ.
අද (03) දින උදෑසන 0600 වනවිට (පසුගිය පැය 24 තුළ) රෝහල් සහ අතරමැදි ප්රතිකාර මධ්යස්ථාන තුළින් පුද්ගලයින් 1,504 ක් පූර්ණ සුවය ලබා පිටව ගොස් ඇත.
අද (03) දිනයේදී ත්රිවිධ හමුදාව සහ හෝටල් තුළ පවත්වාගෙන යනු ලබන නිරෝධායන මධ්යස්ථාන 52 ක් තුළ පුද්ගලයින් 3,950 දෙනෙකු නිරෝධායනය වෙමින් සිටිති. එසේම, අද (03) දින උදෑසන 0600 වනවිට (පසුගිය පැය 24 තුළ) නිරෝධායන මධ්යස්ථාන 17 ක් තුළින් නිරෝධායනය වෙමින් සිටි පුද්ගලයින් 551 දෙනෙකු නිරෝධායන ක්රියාවලිය අවසන් කර නිවෙස් වෙත පිටව ගොස් ඇත.
අද (03) දින උදෑසන වනවිට (පසුගිය පැය 24 තුළ) ශ්රී ලංකාව තුළින් කිසිදු කොවිඩ්-19 වෛරසය ආසාදිත මරණයක් වාර්ථා නොවේ.
සම්පුර්ණයෙන්ම හුදෙකලා කර තිබු පොලිස් බලප්රදේශ සහ ග්රාම නිලධාරි වසම් තවදුරටත් හුදෙකලා තත්ත්වයේ පවතින අතර, මෙම මාධ්ය නිවේදනය නිකුත් කරන අවස්ථාව වනවිට ක්රියාත්මක වන සංචරණ සීමාවන් ඒ අයුුරින්ම තවදුරටත් ක්රියාත්මක වේ.