21st May 2021 09:55:41 Hours
ශ්රී ලංකා යුද්ධ හමුදා ප්රධාන සංඥා නිලධාරි සහ තොරතුරු තාක්ෂණ අධ්යක්ෂගේ සමීප අධීක්ෂණය යටතේ 11 වන ශ්රී ලංකා සංඥා බලකායේ භටපිරිස් මේවන විට ගම්පහ සහ කළුතර දිස්ත්රික්කවල එන්නත් කිරීමේ ක්රියාවලියේ ජෛවමිතික දත්ත පරිගණක ගත කිරීම සඳහා තාක්ෂණික විශේෂඥ දැනුම හා මානව සම්පත් ලබා දී ඇත. ඊ-චැනලින් ක්රමවේදය යොදාගනිමින් (E-Channeling) එන්නත් කිරීමේ ක්රියාවලියට දායක වන අතර එමඟින් කෙටි කාලයක් තුළ ජනගහනයෙන් විශාල පිරිසකට එන්නත්කරණය සිදුකිරීමට හැකියාව ලැබෙනු ඇත.
කොවිඩ්-19 පැතිරීම වැළැක්වීමේ ජාතික ක්රියාන්විත මධ්යස්ථාන ප්රධානිගේ උපදෙස් මත යුද්ධ හමුදා භටපිරිස් විසින් කොවිඩ්-19 ආසාදිතයින්, නිරෝධායන හා රෝහල් ගතවීම් ආදිය සම්බන්ධයෙන් සෞඛ්ය නිලධාරීන්ගේ සහයෝගය ඇතිව දත්ත ඇතුළත් කිරීමේ කටයුතුවල නිරතව සිටියි.