மேஜர் ஜெனரல் செனரத் பண்டார புதிய இராணுவ பதவி நிலை பிரதானியாக பதவியேற்பு

கெமுனு ஹேவா படையின் மேஜர் ஜெனரல் செனரத் பண்டார இன்று (18) இராணுவத்தின் 57 வது பதவி நிலை பிரதானியாக மத அனுஸ்டனங்கள் மற்றும் வாழ்த்துக்கள் மத்தியில் பதவியேற்றார்.

புத்தரை வணங்கி பௌத்த பிக்குகளின் ஆசீர்வாதம் மற்றும் பிரித் பாராயணத்திற்கு மத்தியில் தனது பதவியேற்பிக்கான அதிகாரப்பூர்வ ஆவணத்திற்காக தனது கையொப்பமிட்டார். இவ்விழா துறவிகளுக்கு பிரிகர வழங்குதல் சிரேஸ்ட அதிகாரிகளின் வாழ்த்துக்கள் என்பன இடம்பெற்றன.

மேஜர் ஜெனரல் செனரத் பண்டார யாழ் பாதுகாப்பு படைத் தலைமையக தளபதியாக பணியாற்றி வந்தார். மேஜர் ஜெனரல் செனரத் பண்டாரவின் சுருக்கமான சுயவிவரத்தை பின்வருமாறு:

மேஜர் ஜெனரல் டபிள்யூ ஜி எச் ஒரு செனரத் பண்டார 1986 ஜனவரி மாதம் 17 அன்று இலங்கை இராணுவ நித்திய படையில் சேர்க்கப்பட்டு கெமுனு ஹேவா படையணிக்கு நியமிக்கப்பட்டார். 2009 மே மாதத்திற்கு முன்னர் அமைதிக்கான போரின் போது இராணுவத்தின் முக்கிய நியமனங்களை வகித்துள்ளார்.

05 வது கெமுனு ஹேவா படையின் கட்டளை அதிகாரி, காலாட்படை பயிற்சி நிலையத்தின் கட்டளை அதிகாரி, 572 வது பிரிகேட்டின் தளபதி போன்ற பதவிகளை வகித்துள்ளார். மேலும் பயங்கரவாதிகளின் பிடியிலிருந்து புனிதமான மடு ஆலயத்தை விடுவிப்பதில் முன்னணியில் இருந்தார் என்பது குறிப்பிடத்தக்கது.

அவர் 111 வது பிரிகேட் தளபதி, இராணுவ தலைமையக சுயாதீன பணிப்பக பணிப்பாளர், 61 வது படைப்பிரிவு தளபதி , 54 வது படைப்பிரிவு தளபதி, 11 வது படைப்பிரிவு தளபதி மற்றும் யாழ் மற்றும் கிழக்கு பாதுகாப்பு படை தலைமையக தளபதி போன்ற பதவிகளையும் வகித்துள்ளார்.

சிறந்த விளையாட்டு வீரரான அவர் இலங்கை இராணுவ ஹொக்கி சபையின் தலைவராவர்.

மேஜர் ஜெனரல் செனரத் பண்டர உறுதியான மற்றும் அச்சமற்ற போர் அதிகாரியாக பயங்கரவாதத்திற்கு எதிரான போராட்டம் உச்சத்தில் இருந்தபோது மூன்று முறை காயமடைந்தார். மிகவும் அங்கிகரிக்கப்பட்ட காலாட்படை அதிகாரியான அவருக்கு மூன்று முறை மதிப்புமிக்க ரண விக்ரன பதக்கம் (ஆர்.டபிள்யூ.பி) மற்றும் அவரது தேசபக்தி மற்றும் துணிச்சலுக்காக ரண சூர பதக்கம் (ஆர்.எஸ்.பி) இரண்டு முறை மற்றும் மனிதாபிமான நடவடிக்கைகளின் போது நடவடிக்கைகளில் காயம் அடைந்தமைக்காக தேச புத்ர விருது மூன்று முறை வழங்கப்பட்டுள்ளது.

தனது வெளிநாட்டு இராணுவக் கல்வியின் போது இளம் அதிகாரிகள் பாடநெறி (1988), படையணி சமிஞ்சைகள் அதிகாரிகள் பாடநெறி (1994), கனிஸ்ட கட்டளை பாடநெறி (1996) பாராசூட் பாடநெறி (2004), இந்தியாவில் சிரேஸ்ட கட்டளை பாடநெறி (2008), சீனா பெய்ஜிங் சிவப்பு அம்பு ஏவுகணை பாடநெறி (2006) ஆகியவற்றைப் பின்பற்றியுள்ளார். அவர் பாகிஸ்தான் தேசிய பாதுகாப்பு பல்கலைக்கழகத்தின் பட்டதாரியும் ஆவார்.

மேஜர் ஜெனரல் செனரத் பண்டார 2015 மார்ச் மாதம் தொடக்கம் 2017 மார்ச் மாதம் வரை பாகிஸ்தானின் இஸ்லாமாபாத் இலங்கை உயர் ஸ்தானிகராலயத்தில் பாதுகாப்பு இணைப்பாளராக (டிஏ) பணியாற்றியுள்ளார்.

அவர் திருமணமாகி இரண்டு மகன்கள் மற்றும் ஒரு மகளுக்கு தந்தையாவார். Nike footwear | Zapatillas de running Nike - Mujer