மேலும் இரண்டு கொவிட் 19 மரணங்கள் பதிவு

இன்று (10) காலை வரையான கடந்த 24 மணித்தியாலத்திற்குள் புதிய கொவிட் - 19 தொற்றாளர்கள் 697 பேர் இனங்காணப்பட்டுள்ளனர். அவர்களில் மூவர் வெளிநாட்டிலிருந்து வருகை தந்தவர் ஏனைய அனைவரும் உள்நாட்டவர்கள் ஆவர். மேலும் உள்நாட்டில் கொவிட் தொற்றுக்குள்ளானர்வர்களில் 357 பேர் கொழும்பு மாவட்டம், 219 பேர் கம்பஹா மாவட்டம், 38 பேர் கண்டி மாவட்டத்தைச் சேர்ந்தவர்கள் ஆவர்.

இன்று (10) காலை வரை மினுவாங்கொடை ஆடைத் தொழிற்சாலை மற்றும் கொழும்பு மீன் சந்தை கொத்தணியில் பதிவான முழு கொவிட் தொற்றாளர்களின் எண்ணிக்கை 26,512 பேர் ஆகும். அவர்களில் மொத்தம் 18,392 பேர் சுகமடைந்து வெளியேறியுள்ளனர். மினுவாங்கொடை ஆடைத் தொழிற்சாலை கொத்தணி 3,059 கொழும்பு மீன் சந்தை கொத்தணி 23,453.

அதன் பிரகாரம் (09) ஆம் திகதி வரையான மொத்த கொவிட்-19 தொற்றாளர்களின் எண்ணிக்கை 30,074 ஆகும். அவர்களில் 21,799 பேர் பூரண சுகமடைந்து வைத்தியசாலைகளில் இருந்து வெளியேறியுள்ளனர். நேற்று (09) ஆம் திகதி வரை 8,131 பேர் தொடர்ந்தும் வைத்தியசாலைகள் மற்றும் நோயாளர் பராமரிப்பு மையங்களில் சிகிச்சை பெற்று வருகின்றனர்.

இன்று காலை (10) 0600 மணியளவில் (கடந்த 24 மணி நேரத்திற்குள்) முழுமையாக சுகமடைந்த 542 பேர் வைத்தியசாலைகள் மற்றும் நோயாளர் பராமரிப்பு மையங்களில் இருந்து வெளியேறியுள்ளனர். இன்று காலை (10) வரை, கடந்த 24 மணிநேரத்திற்குள் இலங்கையில் கொவிட்-19 தொற்று காரணமாக மரணங்கள் இரண்டு பதிவாகியுள்ளது. அவர்கள் கொழும்பு 15 மற்றும் கொழும்பு 10 ஆகிய பிரதேசங்களை சேர்ந்தவர்கள் அந்த வகையில் இன்றுவரை (10) கொவிட் மரணங்கள் 144 ஆகும்.

இன்று (10) காலை கட்டாரில் இருந்து QR 668 விமான ஊடாக 36 பயணிகள் வருகை தந்துள்ளனர். மேலும் இன்று (10) ஒமானில் இருந்து WY 371 விமானம் ஊடாக 50 பயணிகளும் பாகிஸ்தானில் இருந்து UL 186 விமான ஊடாக 03 பயணிகளும் டுபாயில் இருந்து UL 1508 விமான ஊடாக 175 பயணிகளும், டுபாயில் இருந்து UL 1510 விமான ஊடாக 104 பயணிகளும் ஜெர்மனில் இருந்து UL 554 விமான ஊடாக 36 பயணிகளும் இலங்கை வரவுள்ளனர். இவர்கள் அனைவரையும் முப்படையினரால் நிர்வகிக்கப்படும் தனிமைப்படுத்தல் மையங்களுக்கு அனுப்புவதற்கான நடவடிக்கைகள் மேற் கொள்ளப்பட்டுள்ளன.

இன்று காலை (10) வரை முப் படையினரால் நிர்வகிக்கப்படும் 64 தனிமைப்படுத்தல் மையங்களில் 6,366 பேர் தொடர்ந்தும் தனிமைப்படுத்தப்பட்டுள்ளனர்.

நேற்று டிசம்பர் (09) ம் திகதி மேற்கொள்ளப்பட்ட PCR பரிசோதணைகளின் மொத்த எண்ணிக்கை 14,336 ஆகும்.Nike footwear | Sneakers