31st October 2020 09:00:27 Hours
ඇඹිලිපිටිය ගුවන් සංග්‍රාමික බලසේනා මූලස්ථානයේ 21 වන බලසේනාධිපති ලෙස බ්‍රිගේඩියර් දිනේෂ් උඩුගම ඉකුත් බ්‍රහස්පතින්දා (29) දින එම මූලස්ථානයේ දී ආගමික වතාවත් මධ්‍යයේ රාජකාරි භාරගත්තේය.
එම මූලස්ථාන පරිශ්‍රය වෙත සපැමිණි නව බලසේනාධිපති එම බලසේනා මූලස්ථානයේ මාණ්ඩලික නිලධාරින් විසින් උණුසුම් අයුරින් පිළිගැනීමෙන් අනතුරුව 12 වන ශ්‍රී ලංකා සිංහ රෙජිමේන්තුවේ භටපිරිස් විසින් එතුමන් වෙත හමුදා සම්ප්‍රදායානුකූල කඳවුරු මුරයේ ගෞරවාචාරය ද පිරිනැමූහ. රාජකාරි භාරගත් බලසේනාධිපතිවරයා එම අවස්ථාව සනිටුහන් කරමින් කඳවුරු පරිශ්‍රයේ පැළයක් ද රෝපණය කළේය.
එම තනතුරට ප්‍රථමයෙන් බ්‍රිගේඩියර් දිනේෂ් උඩුගම මේ වනවිට 532 වන බලසේනාවේ බලසේනාධිපති ලෙස රාජකාරි කරන ලදි.
ඉන් අනතුරුව, පැවති සියලු නිල තේ පැන් සංග්‍රහයෙන් එදින වැඩසටහනේ අවසානය සනිටුහන් වූ අතර, එම අවස්ථාව සඳහා එම බලසේනාවට අයත් අණදෙන නිලධාරින්, බලසේනා කාර්ය මණ්ඩලය සහ සෙසු නිලයින් ද සහභාගී වූහ. Running sport media | UOMO, SCARPE
