12th April 2020 23:46:59 Hours
ආරක්ෂක මාණ්ඩලික ප්‍රධානි මෙන්ම යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා යාපනය අර්ධද්වීපයේ සිදුකළ සංචාරය අතරතුර, ඉරිදා (12) දින කන්කසන්තුරේ පිහිටි උතුරු නාවික කඳවුරේ සේවයේ නියුතු සියලු නිලයින් හමුවී ඔවුන් සමඟ අලුත් අවුරුදු සුබපැතුම් බෙදාගැනීමට ද අමතක නොකළේය. උතුරු නාවික හමුදා කඳවුර වෙත සපැමිණි ආරක්ෂක මාණ්ඩලික ප්‍රධානී තුමන්ව, නාවික හමුදාවේ නියෝජ්‍ය මාණ්ඩලික ප්‍රධානී සහ ප්‍රාදේශීය ආඥාපති රියර් අද්මිරාල් එස්.එම්.ඩී.කේ සමරවිර විසින් ඉතා උණුසුම් අයුරින් පිළිගනිමින් ලුතිනන් ජෙනරාල් ශවේන්ද්‍ර සිල්වා වැනි ආරක්ෂක මාණ්ඩලික ප්‍රධානී කෙනෙකු ලැබීම පිළිබද තම හමුදාව වාසනාවන්ත හා සතුටට පත්වන බව ද එතුමන් ප්‍රකාශ කළේය. “ඔබ සියලු භටපිරිස් වෙනුවෙන් නායකත්වය ගෙන විශාල සේවයක් ඉටු කරනවා. මේ සියලු අභියෝග මධ්‍යයේ වුවද, ඔබ අප හමුවීමට පැමිණියා, ” යනුවෙන් නාවික හමුදාවේ නියෝජ්‍ය මාණ්ඩලික ප්‍රධානී සිය පිළිගැනීමේ දී සඳහන් කළේය.
ඉන් අනතුරුව, කන්කසන්තුරේ වරායේ ඉදිකරමින් පවතින නව ජැටිය නිරීක්‍ෂණය කිරීමට යෑම සඳහා ආරක්ෂක මාණ්ඩලික ප්‍රධානී වෙත ආරාධනා කළේය. නාවික හමුදාවේ නියෝජ්‍ය මාණ්ඩලික ප්‍රධානී, යාපනය ආරක්ෂක සේනා ආඥාපති මේජර් ජෙනරාල් රුවන් වනිගසුරිය ඇතුළු ජ්‍යෙෂ්ඨ නිලධාරීන් කිහිපදෙනෙකු සමඟ කන්කසන්තුරේ වරායේ ඉදිකරමින් පවතින නව කණුව නිරීක්‍ෂණය සඳහා පැමිණි ආරක්ෂක මාණ්ඩලික ප්‍රධානි ඉන් පසුව වාරයේ නැංගුරම් ලා තිබු ‘උත්තරා’ නාවික නෞකාවේ රාජකාරි කරනු ලබන නාවික භටයින් හමුවී ඔවුන්ගේ කැපවූ කාර්යභාරය අගය කළ අතර අලුත් අවුරුද්ද උදාවීමත් සමඟම ඔවුන්ට සුභ පැතුම් ද එක් කළේය. මෙම අවස්ථාව සංකේතවත් කරමින් ලුතිනන් ජෙනරාල් සිල්වා එම ස්ථානයෙන් නික්ම යාමට පෙර සමරු තිළිණයක් ද පිරිනැමීය.
“අපගේ ඉතිහාසයේ මෙම තීරණාත්මක අවධියේදී මුළු ලෝකයම මෙම වසංගතයෙන් තර්ජනයට ලක්ව සිටින විට ඔබ කළ කැපවීම හා මිල කළ නොහැකි සේවය, අතිගරු ජනාධිපතිතුමා, ගරු අග්‍රාමාත්‍ය, ආරක්ෂක ලේකම් සහ සියලු ශ්‍රී ලාංකිකයන් විසින් බෙහෙවින් අගය කරනු ලැබේ. කොවිඩ්-19 වෛරසය පැතිරීම වැළැක්වීමේ ජාතික ක්‍රියාන්විත මධ්‍යස්ථානයේ ප්‍රධානියා ලෙස ද මා සන්නද්ධ හමුදාවේ සේනාධිනායකයා ලෙස පත් කළ අතිගරු ජනාධිපතිතුමන් මෙම අභියෝගාත්මක කාර්යය ශ්‍රී ලංකා යුද්ධ හමුදාවට, නාවික හමුදාවට සහ ගුවන් හමුදාව වෙත පවරා ඇති අතර රටේ පැවැත්මට තර්ජනයක් වූ සෑම අවස්ථාවකම අපි එය ආරක්ෂා කර ඇත්තෙමු. අපගේ ජීවිත දැන් වෙනස් වී ඇති අතර, මේ අලුත් අවුරුදු සමයේදී අපට අපගේ සමීපතමයන් හා ආදරණීයයන් සමඟ එක්විය නොහැකි වුවද, අප හොඳින් කටයුතු කර අනෙක් සියලුදෙනාට නිරෝගීව සිටීමට ඉඩදීමෙන් රටේ ආඩම්බර පුරවැසියෙකු විය හැකිය. ජාතිය සුවපත් කිරීම සඳහා, ඔබ නිරෝගීව සිටීම අත්‍යාවශ්‍ය වන අතර එබැවින් දැඩි සෞඛ්‍ය උපදෙස් පිළිපදිමින් කොවිඩ් -19 වෛරසය සම්ප්‍රේෂණය වීමට එරෙහිව සියලු ආරක්ෂක පියවර ගැනීම අත්‍යවශ්‍ය වේ.” යනුවෙන් නාවික හමුදා භටපිරිස් අමතමින් ආරක්ෂක මාණ්ඩලික ප්‍රධානී තුමන් පැවසීය.
මෙම තීරණාත්මක කාලය තුළ නාවික හමුදා භටයින් විසින් කරන ලද කැපවීම අගය කළ ලුතිනන් ජෙනරාල් ශවේන්ද්‍ර සිල්වා දිවයින පුරා ඉතා කෙටි කාලයක් තුළ සන්නද්ධ හමුදාව නිරෝධායන මධ්‍යස්ථාන පිහිටුවා ගත් ආකාරය ඔවුන්ට මතක් කර දුන්නේය. “එවිට අපගේ දෙවන කාර්යය වූයේ වෛරසය ආසාදනය වු රෝගීන් සහ ඔවුන් සමඟ සම්බන්ධ වූ පුද්ගලයින් සෙවීමයි. එම කාර්යය ඉටු කිරීම සඳහා යුද්ධ හමුදා භටයන් සමඟ අත්වැල් බැඳගත් නාවික හමුදා භටයින්ගේ කැපවීම මෙහිදි මම අගය කළ යුතුයි. ඊළඟට, අපි හැමෝටම ඔවුන්ව බලා ගැනීමේ වගකීම තිබුණා. මේ දක්වා, ත්‍රිවිධ හමුදාව වන අපි එක් ජාතියක් ලෙස අපගේ කොටස ඉටු කර ඇත්තෙමු. මීට අමතරව, මෙම මෙහෙයුම ආරම්භයේ සිටම සෞඛ්‍ය බලධාරීන් සහ පොලිසිය අපට සහයෝගය දැක්වූ ආකාරය පිළිබඳව මම ඔවුන්ට ස්තූතිවන්ත වෙමි.” යනුවෙන් ආරක්ෂක මාණ්ඩලික ප්‍රධානී භටපිරිස් අමතමින් වැඩිදුරටත් පැවසීය.
“නාවික හමුදාධිපති වයිස් අද්මිරාල් ප්‍රියල් ද සිල්වා ගේ කාරුණික සහයෝගිතාවය අපගේ කාර්යයන් පහසු කරවන අතර ඔහු සෑමවිටම නාවික හමුදාව වෙනුවෙන් පෙනී සිටියේය. නාවික හමුදා භටපිරිස් ද විෂබීජ නාශක කුටි වැඩිදියුණු කර ඇති අතර මෙම ජාතික කර්තව්‍යයට සහ මෙම මාරාන්තික වෛරසය පැතිරීම වැළැක්වීම සඳහා ඔවුන්ගේ උපරිම සහයෝගය ලබා දී ඇති බව ආරක්ෂක මාණ්ඩලික ප්‍රධානී මෙහිදි සඳහන් කළේය. “වෙනත් රටවල් හා සසඳන විට, ශ්‍රී ලංකාවේ කාර්යභාරය බෙහෙවින් ප්‍රශංසනීයයි. මෙම වෛරසයෙන් ජාතිය බේරාගැනීම සඳහා අතිගරු ජනාධිපතිතුමා, ගරු අග්‍රාමාත්‍ය තුමන්, ආරක්ෂක ලේකම් තුමන්, ත්‍රිවිධ හමුදාව, සෞඛ්‍ය අමාත්‍යාංශ, රජය ආයතන සහ මාධ්‍ය තවමත් අඛණ්ඩව කටයුතු කරමින් සිටීයි. ඒ නිසා මම අපේ රට වෙනුවෙන් ඒ හැමෝටම ස්තූති කරන්න කැමතියි. අපි අද වනවිට කොවිඩ් - 19 වෛරසය පැතිරීම ආරම්භවී පස්වන සතිය පසුකරමින් සිටිමු. කොවිඩ් - 19 වෛරසය ආසාදනය වූ රෝගීන්ගේ ප්‍රතිශතය වෙනත් රටවල් සමඟ සංසන්දනය කළහොත් මෙම උවදුර පාලනය කිරීම දෙස බැලීමෙන් අපට සතුටු විය හැකිය. ජාතිය සුවපත් කිරීම සඳහා, ඔබ නිරෝගීව සිටීම අත්‍යාවශ්‍ය වන අතර එබැවින් දැඩි සෞඛ්‍ය උපදෙස් පිළිපදිමින් කොවිඩ් -19 වෛරසය සම්ප්‍රේෂණය වීමට එරෙහිව සියලු ආරක්ෂක පියවර ගැනීම අත්‍යවශ්‍ය වේ.” යනුවෙන් ආරක්ෂක මාණ්ඩලික ප්‍රධානී නාවික හමුදා භටපිරිස් අමතමින් වැඩි දුරටත් පැවසීය.
“කොවිඩ්-19 වෛරසයට එරෙහිව සටන් කරන අතරතුර මත්ද්‍රව්‍ය ජාවාරම පිළිබඳව ඔබ කළ සෝදිසියෙන් දිවයිනට රැගෙන ආ විශාල හෙරොයින් තොගයක් සහ අයිස් මත්ද්‍රව්‍ය තොගයක් අත්අඩංගුවට ගැනීමට හැකිවිය. මෙම තීරණාත්මක කාලවකවානුවේ ඔබ අර්ධද්වීපයේ අඩු ආදායම්ලාභි පවුල් වෙත අත්‍යවශ්‍ය ද්‍රව්‍ය බෙදාහැරීමට සම්බන්ධ වූ අතර එයද ඉතා හොඳ කාර්යයකි.” යනුවෙන් ආරක්ෂක මාණ්ඩලික ප්‍රධානී නාවික හමුදා භටපිරිස් අමතමින් මෙහිදි අවධාරණය කරනු ලැබීය. latest Running Sneakers | Air Jordan 1 Retro High OG 'University Blue' — Ietp
