“සැම්බියානු හමුදා ප්‍රධානියාගේ පැමිණීම තුළින් ශ්‍රී ලංකාවේ මිත්‍ර සබඳතා සහ ඥාති සම්බන්ධතා වැඩි දියුණු වුණා” යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා ප්‍රකාශ කරයි

සැම්බියානු යුද හමුදාපතිවරයා යුද හමුදා මූලස්ථානයට “අද (24) දින උදෑසන පැමිණීම, ශ්‍රී ලංකා හමුදාව සහ සැම්බියානු හමුදාව අතර වසර ගණනාවක් පුරා පවත්වාගෙන එන ද්විපාර්ශවික සම්බන්ධතා සහ හොඳ හිත මෙන්ම සමීප අවබෝධය යළි තහවුරු කළ බව වැඩබලන ආරක්ෂක මාණ්ඩලික ප්‍රධානී මෙන්ම යුද්ධ හමුදාධිපති ලුතිනන් ජෙනරාල් ශවේන්ද්‍ර සිල්වා අද (24) දින උදෑසන යුද හමුදා මූලස්ථානයට පැමිණි මාධ්‍ය වෙත අදහස් දක්වමින් කියා සිටියේය. එසේම ශ්‍රී ලංකා හමුදා ආයතනවල සැම්බියානු හමුදා භටයින් පුහුණු කිරීම සඳහා ලබා දුන් සියලු සහයෝගය පිළිබඳව සැම්බියානු යුද හමුදාපතිවරයා රජයට සහ හමුදාවට ස්තූතිය පුද කළේය.

එහිදි යුද්ධ හමුදාධිපතිතුමන් වැඩිදුරටත් මෙසේද කීය. මේ වන විට සැම්බියානු හමුදාවේ මේජර් නිලයේ සිටින කාන්තා නිලධාරිනියක් ත්‍රිකුණාමලයේ යුධ හමුදා පුහුණු පාසලේ පුහුණුව ලබා ඇති අතර ඊට අමතරව තවත් ශිෂ්‍යභට නිලධාරී පුහුණුවීම් කිහිපයක් දියතලාව ශ්‍රී ලංකා යුද්ධ හමුදා විද්‍යාපීඨයේ සහ තවත් ස්ථාන කිහිපයකින් පුහුණුව ලබා තිබෙනවා. සැම්බියානු හමුදාව, අපගේ ශාස්ත්‍රීය හා උපදේශන හැකියාවන්ගෙන් සෑහීමකට පත්වන අතර, සැම්බියානු ආරක්ෂක සේවා අණ හා මාණ්ඩලික විද්‍යාලය ඇතුළු හමුදා උපදේශකවරුන් ඔවුන්ගේ පුහුණු ආයතන වෙත යැවීමේ හැකියාව ගවේෂණය කරන ලෙස ඉල්ලා සිටියා. ජනාධිපතිතුමන්, අපගේ සේනාධිනායකයා සහ ආරක්ෂක ලේකම්තුමා සමඟ සාකච්ඡා කර, එවැනි ආධාර ලබා දීමේ හැකියාවන් නිසැකවම ගවේෂණය කරනු ඇත. පාස්කු ඉරිදා ත්‍රස්ත ප්‍රහාරය ගැන සැම්බියානු අණ දෙන නිලධාරියා පෞද්ගලිකව ශෝකය පළ කළ අතර එවැනි ප්‍රචණ්ඩ ක්‍රියා වැළැක්වීමේ වැදගත්කම අවධාරණය කළහ.

“සැම්බියානු යුද හමුදාපතිවරයා අනාගතයේදී ශ්‍රී ලංකා හමුදා පාඨමාලා, විභාග, පුහුණු අභ්‍යාස සහ අදාළ මොඩියුල සඳහා සහභාගී වීමට තම පිරිමි සහ කාන්තා සෙබළුන් ඉදිරිපත් කරන බව ද ඇඟවීය. වෘත්තීයමයභාවය සහ ඔවුන්ගේ වෘත්තීය ජීවිතය තවදුරටත් වැඩිදියුණු කිරීම සඳහා ඔවුන්ගේ ආයතන සමඟ සම්බන්ධ වීමට ඔවුන් අපේ හමුදාවන්ට ආරාධනා කළා යැයි, ”යුද හමුදාපතිවරයා යුද හමුදා මූලස්ථානයට පැමිණ සිටි මාධ්‍යවේදීන්ට පැවසීය. (පහත වීඩියෝව බලන්න) Sports brands | youth nike kd low tops orange , Nike Air Max , Iicf