06th October 2018 20:30:29 Hours
ශ්‍රී ලංකා සංඥා බලකාය විසින් පවත්වනු ලැබු ‘සමාජ සාරධර්ම හා රාජකාරි විනය පවත්වාගැනීම’ (Social Etiquettes and Working Place Courtesy) පිළිබඳ ශ්‍රී ලංකා විවෘත විශ්ව විද්‍යාල ආරක්‍ෂක කාර්යමණ්ඩල සාමාජිකයින් දැනුවත් කිරීමේ විශේෂ පුහුණු සැසියක් බදාදා (03) දින නාවල පිහිටි ශ්‍රී ලංකා විවෘත විශ්ව විද්‍යාල කාර්යමණ්ඩල සංවර්ධන මධ්‍යස්ථානයේ දී පවත්වනු ලැබීය.
මෙම පුහුණු සැසිය ශ්‍රී ලංකා විවෘත විශ්ව විද්‍යාලය විසින් යුද්ධ හමුදාධිපතිතුමන්ගෙන් කරන ලද ඉල්ලීමකට අනුව පවත්වන ලදී.
ශ්‍රී ලංකා සංඥා බලකා කර්නල් සේනාවිධායක ගේ පූර්ණ අධීක්‍ෂණය යටතේ සංවිධානය කරනු ලැබු මෙම පුහුණු සැසිය ලුතිතන් කර්නල් එන්.පී.ඒ. මෙන්ඩිස් විසින් මෙහෙයවනු ලැබීය.
මෙම පුහුණු සැසිය සඳහා ආරක්‍ෂක කාර්යමණ්ඩල සාමාජිකයින් සහ ශ්‍රී ලංකා විවෘත විශ්ව විද්‍යාල ප්‍රධාන ආරක්‍ෂක නිලධාරින් ඉතා ඕනෑකමින් යුතුව සහභාගි වූහ.Sneakers Store | Nike Shoes
