Header

Sri Lanka Army

Defender of the Nation

03rd May 2018 18:00:01 Hours

ශ්‍රී ලංකා කාලතුවක්කු හමුදාවේ නව කර්නල් සේනාවිධායක රාජකාරි අරඹයි

ශ්‍රී ලංකා කාලතුවක්කු හමුදාවේ 18 වන කර්නල් සේනාවිධායක ලෙස මේජර් ජෙනරාල් රුක්මාල් ඩයස් අප්‍රේල් මස 28 වන දින පනාගොඩ පිහිටි එම රෙජිමේන්තු මූලස්ථානයේ පැවති සරල උත්සවයකින් රාජකාරි අරඹනු ලැබීය.

එහිදි, නව කර්නල් සේනාවිධායකතුමන් විසින් රට වෙනුවෙන් දිවිපිදු රණවිරුවන් සිහිපත් කරමින් පනාගොඩ, ශ්‍රී ලංකා කාලතුවක්කු හමුදා මූලස්ථාන පරිශ්‍රයේ පිහිටි රණවිරු ස්මාරකයට පුෂ්පෝපහාර පුද කළ අතර කාලතුවක්කු හමුදා භට පිරිස් විසින් එතුමන් වෙත කඳවුරු සම්මාන මූරයක් සහ වර්ණවත් සම්මාන ආචාර පෙළපාලියක් පිරිනැමූහ.

මේජර් ජෙනරාල් රුක්මාල් ඩයස් ආගමික වතාවත් මධ්‍යයේ පොල්තෙල් පහන දල්වා සංකේතාත්මක නිල ලේඛණයකට අත්සන් තබමින් නව ධූරයේ රාජකාරි භාරගත් අතර මෙම අවස්ථාවට කාලතුවක්කු හමුදා කමිටු සාමාජිකයින්, අණදෙන නිලධාරින් සහ රෙජිමේන්තු මූලස්ථානයේ කාර්යමණ්ඩලයේ සාමාජිකයින් මෙන්ම ජ්‍යෙෂ්ඨ නිලධාරින් ද එක්ව සිටියහ. මෙම අවස්ථාවේ දී නව කර්නල් සේනාවිධයකතුමන් පැමිණ සිටි පිරිස ඇමතූහ.

මේජර් ජෙනරාල් රුක්මාල් ඩයස් කාලතුවක්කු හමුදාවේ ජ්‍යෙෂ්ඨතම නිලධාරියා මෙන්ම අත්දැකීම් පිළිබඳ වර්තාගත නිලධාරියෙකු ද වේ.

ශ්‍රී ලංකා කාලතුවක්කු හමුදාවේ නව කර්නල් සේනාවිධායක ලෙස රාජකාරි භාරගත් මේජර් ජෙනාරාල් රුක්මාල් ඩයස් මධ්‍යම ආරක්‍ෂක සේනා ආඥාපති ලෙස ද රාජකාරි කරනු ලබයි.

latest jordans | SUPREME , Fullress , スニーカー発売日 抽選情報 ニュースを掲載!ナイキ ジョーダン ダンク シュプリーム SUPREME 等のファッション情報を配信! - パート 5