නව 54 වන සේනාංකාධිපති රාජකාරි අරඹයි

මන්නාරම ප්‍රදේශයේ ස්ථානගත 54 වන සේනාංකයේ නව සේනාංකාධිපති ලෙස මේජර් ජෙනරාල් අතුල ගලගමගේ චාම් උත්සවයකින් අනතුරුව එම ධුරයේ වැඩ භාරගන්නා ලදී.

නව සේනාංකාධිපතිතුමන් වෙත 25 වන ගැමුණු හේවා බළඇණියේ භට පිරිස් විසින් කඳවුරු සම්මාන මුරයක් සහ ආචාර සම්මාන පෙළපාලියක් පිරිනමනු ලැබීය. ඉන් අනතුරුව, නව සේනාංකාධිපති මේජර් ජෙනරාල් අතුල ගලගමගේ සිය කාර්යාලයේ දී රාජකාරි ලිපි කිහිපයකට අත්සන් තබමින් නව ධුරයේ රාජකාරි භාරගැනීම සංකේතවත් කරන ලදී.

54 වන සේනාංකය යටතේ සේවයේ නියුතු ජ්‍යෙෂ්ඨ නිලධාරින්, බලසේනාධිපතිවරුන්, අණදෙන නිලධාරින් සහ සෙසුනිලයින් මෙම අවස්ථාවට එක්ව සිටියහ.