යුද හමුදා සමාජිකයන් වෙනුවෙන් කදුබොඩ දි භාවනා වැඩසටහනක්

යුද හමුදා මනෝවිද්‍යාත්මක අධ්‍යක්ෂක මණ්ඩලය විසින් හමුදා නිලධාරින් සහ සෙසුනිලයන්ගේ අධ්‍යාත්මික, මානසික හා කායික සමබරතාවය වර්ධනය කරගැනිමේ අරමුණින් යුතුව බ්‍රහස්පතින්දා (2) දින කදුබොඩ සියනෑ ජාත්‍යන්තර විපස්සනා භාවනා මධ්‍යස්ථානයේ දි භාවනා වැඩසටහනක් පවත්වන ලදි.

කදුබොඩ සියනෑ ජාත්‍යන්තර විපස්සනා භාවනා මධ්‍යස්ථානාධිපති පුජ්‍ය දියසේනපුර විමල ස්වාමින් වහන්සේ විසින් මෙහෙයවන ලද මෙම භාවනා වැඩසටහන සඳහා යුද හමුදා සමාජිකයන් (69), නාවික හමුදා සමාජකයන් (20) සහ ගුවන් හමුදා සමාජිකයෙකු (01) සහභාගි වුහ.

යුද හමුදාපතිගේ නිර්දේශය මත යුද හමුදා මනෝවිද්‍යාත්මක මෙහෙයුම් අධ්‍යක්ෂ මණ්ඩලය විසින් හඳුන්වාදුන් මෙම වැඩසටහන මේ වන විට හමුදා සාමාජිකයින් අතර ප්‍රචලිත වැඩසටහනක් වී ඇත.