හෙදියන් සහ පරිපූරික වෛද්‍ය වෘත්තිකයින් දැනුවත් කිරීමේ තවත් සීපීආර් (CPR) වැඩමුළුවක්

කොළඹ යුද හමුදා රෝහලේ නිර්වින්දන සහ වේදනා කළමණාකරණ දෙපාර්තමේන්තුව මගින් ‘හෘද පෙනහළු පණගැන්විම’ (Cardio-Pulmonary Resuscitation) පිළිබඳ වැඩමුළුවක් හෙදියන් සහ පරිපූරික වෛද්‍ය වෘත්තිකයින් සඳහා පවත්වන ලදි.

යුද හමුදාපතිගේ ආශිර්වාදයෙන් යුද හමුදා සෞඛ්‍ය සේවා අධ්‍යක්ෂ ජෙනරාල් මේජර් ජෙනරාල් සංජීව මුණසිංහගේ මඟපෙන්විම යටතේ යුද හමුදා රෝහලේ අධ්‍යක්ෂක කර්නල් ක්‍රිෂාන්ත ප්‍රනාන්දු විසින් රෝහල් වෛද්‍ය කාර්ය මණ්ඩලය වෙනුවෙන් දියත් කරනු ලබන වෛද්‍ය දැනුම ලබාදීමේ වැඩසටහන යටතේ මෙම වැඩමුළුව යුද හමුදා රෝහල මඟින් පවත්වන මාසික වැඩමුළුවලින් එක් කොටසක් ලෙස පැවැත් වේ.

ඒ අනුව මෙය එම ව්‍යාපෘතිය යටතේ පවත්වනු ලැබූ 23 වන වැඩමුළුව වේ.

ලෝක මට්ටමින් පිළිගත් යුරෝපිය රිසස්සිටේෂන් කවුන්සිලයේ මඟපෙන්වීම යටතේ මෙම වැඩමුළුව නිර්වින්දන දෙපාර්තමේන්තුවේ ප්‍රධානි කර්නල් ධවල පෙරේරා සහ නිර්වින්දන විශේෂඥ වෛද්‍ය චම්පික අබේසිංහ විසින් පවත්වන ලදි.

මෙම වැඩමුළුව සඳහා පුහුණු ලාභීන් ලෙස සහභාගි වූ මේජර් යසා පතිරන, කපිතාන් තිළිණ මධුරංග සහ වෛද්‍ය කේ.යු. මධුෂංක විසින් මෙහිදි එම රෝග තත්වයන් හඳුනාගන්නා ආකාරය, ඒවායින් වැළකීම සහ එම රෝගයන්ට ලබාදෙන ප්‍රතිකාර ආදිය පිළිබඳ මෙහිදි දැනුවත් වූහ.