කාච්චෙයි සහ නාවත්කුලි සිවිල් වැසියන් සඳහා පානීය ජලය ලබා ගැනීමට නව නළ ළිං

යාපනය ආරක්ෂක සේනා මුලස්ථාන ආඥාපති මේජර් ජෙනරාල් මහේෂ් සේනානායකගේ මඟපෙන්වීම යටතේ ඉංජිනේරු පුබුදු සොයිසා මහත්මියගේ අරමුදල් මඟින් කාච්චෙයි සහ නාවත්කුලි යන ස්ථානවල සිවිල් වැසියන් හට අවශ්යa පානීය ජලය සැපයීම සඳහා නව නළ ළිං දෙකක් ස්ථාපනය කරන ලදි.

සිවිල් වැසියන් සහ අනෙකුත් ප්‍රජා නායකයින් ද සහාය ඇතිව ස්ථාපනය කළ මෙම නව නළ ළිං මඟින් නියඟයෙන් පිඩාවිදින පවුල් සහ ඒ අවට ප්‍රදේශවල වෙත ජලය සපයනු ලැබේ.

තවද, මෙම ළිං, 4 වන විජයබාහු පාබල රෙජිමේන්තු අණදෙන නිලධාරී, අනෙකුත් නිලධාරීන්, සෙසු නිලයින් සහ සිවිල් වැසියන් රැසකගේ සහභාගිත්වයෙන් පසුගිය දා විවෘත කෙරිනි.

මෙම නළ ළිං දෙකෙහි වටිනාකම රුපියල් 70,000.00 ක් වන අතර, Pillaiyar Tube Well Construction වෙළඳ සමාගම විසින් එය ස්ථාපනය කරන ලදි.