Header

Sri Lanka Army

Defender of the Nation

24th March 2016 16:02:36 Hours

රණවිරුවන් සඳහා නිවාස ලබා දීමේ ව්‍යාපෘතියෙහි අදියර II අලුත් අවුරුදු උදාවට පෙර නිම කිරීමට නියමිතය

යුද හමුදාපතිතුමාගේ සංකල්පයක් මත දේශය වෙනුවෙන් දිවි පිදූ සහ රණක්ෂිතයට පත් වූ විරුවන්ට කෘතගුණ සැළකීමක් වශයෙන් ලබාදීම සඳහා රෙජිමේන්තු මට්ටමින් ඉදිවන නිවාස ව්‍යාපෘතියේ දෙවන අදියරෙහි ඉදිකිරීම් කටයුතු අලුත් අවුරුදු උදාවට පෙර නිම කිරීමට නියමිතය. නිවාස ව්‍යාපෘතියෙහි II අදියර යටතේ ඉදිවෙන මෙම නිවාස දේශය වෙනුවෙන් දිවිපිදූ සහ රණක්ෂිතයට පත් වූ විරු පවුල් වෙත ලබාදීමට නියමිතය. එම යෝජිත නව නිවාස 51 හි ඉදි කිරීම් කටයුතු ප්‍ර‍තිලාභීන් සපයන ස්ථානයන්හි මීට මාස කිහිපයකට පෙර ආරම්භ විය. මෙහි එක් නිවසක වටිනාකම රුපියල් මිලියන 1.5 ක් වන අතර, එම මුදලින් 66% ක වටිනාකම සුබසාධක අධ්‍යක්ෂ මණ්ඩලයෙන් සහ ඉතිරි මුදල් ඒ ඒ රෙජිමේන්තුවලින් ලබා දෙනු ලැබීය. ඉදිවන එම ගෘහ නිර්මාණ සැලැස්මෙහි වෙනසක් කිරීමට අවශ්‍ය නම් ඒ සඳහා වැය වන අතිරේක වියදම් ප්‍ර‍තිලාභීන් විසින් දැරිය යුතුය. මෙම ව්‍යාපෘතියෙහි 11 වන අදියරේ දී ශ්‍රී ලංකා සන්නාහ සන්නද්ධ බලකාය, ශ්‍රී ලංකා කාලතුවක්කු හමුදාව, ශ්‍රී ලංකා ඉංජිනේරු බලකාය, ශ්‍රී ලංකා සංඥා බලකාය, ශ්‍රී ලංකා පාබල හමුදාව, ශ්‍රී ලංකා සිංහ රෙජිමේන්තුව, ගැමුණු හේවා බල ඇණිය, ගජබා රෙජිමේන්තුව, විජයබාහු පාබල රෙජිමේන්තුව, යාන්ත්‍රික පාබල රෙජිමේන්තුව, කමාන්ඩෝ රෙජිමේන්තුව, විශේෂ බලකාය, සන්නද්ධ බුද්ධි බලකාය, ඉංජිනේරු සේවා බලකාය, ශ්‍රී ලංකා විදුලි හා යන්ත්‍රික ඉංජිනේරු බලකාය, ශ්‍රී ලංකා යුද හමුදා පොලිස් හේවා බලකාය, ශ්‍රී ලංකා යුද හමුදා පොදු සේවා බලකාය, ශ්‍රී ලංකා යුද හමුදා කාන්තා බලකාය, ශ්‍රී ලංකා රයිෆල් බලකාය, ශ්‍රී ලංකා යුද හමුදා පුරෝගාමී බලකාය සහ ශ්‍රී ලංකා ජාතික ආරක්ෂක බලමුළුවෙහි විරුවන් ප්‍රතිලාභ ලැබීමට නියමිතය. යුද හමුදාපතිතුමාගේ සංකල්පයකට අනුව 2009 වර්ෂයේ මැයි මස දක්වා සැබෑ ශ්‍රී ලාංකික පුතුන් ලෙස දේශය වෙනුවෙන් සටන් වැද සාමය ලබා ගැනීමට දිවි පිදූ රණවිරුවන් සහ රණක්ෂිතයට පත් වු විරු පවුල් සඳහා කෘතගුණ සැළකීමක් වශයෙන් එම නව නිවාස ව්‍යාපෘතිය පසුගිය වසරේ මුල් භාගයේ දී ආරම්භ කරනු ලැබීය. මෙම ව්‍යාපෘතියෙහි I අදියර යටතේ 2015 ඔක්තොබර් මස 12 වන දින රෙජිමේන්තු 18 ක් විසින් ඉදි කරනු ලැබූ නව නිවාස 35 යුද හමුදාපති ලුතිතන් ජෙනරාල් ක්‍රිෂාන්ත ද සිල්වාගේ ආරාධනයෙන් ආරක්ෂක ලේකම් ඉංජිනේරු කරුණාසේන හෙට්ටිආරච්චි මහතා විසින් විරු අයිතියට පත් කරනු ලැබීය.Running Sneakers | adidas NMD Human Race