12th February 2016 21:31:06 Hours

කිළිනොච්චි සහ මුලතිව් ආඥාපතිවරුන් එම බල ප්‍රදේශයන්හි සංචාරයක

කිළිනොච්චි ආරක්ෂක සේනා මූලස්ථාන ආඥාපති මේජර් ජෙනරාල් අමල් කරුණාසේකර පෙබරවාරි මස 5 වන දින සිට 9 වන දින දක්වා එම ආරක්ෂක සේනා මූලස්ථානයට අයත් 57 වන සේනාංකය යටතේ ස්ථාපිත බලඇණිවල සංචාරයක නිරත විය. එම අවස්ථාවේදී අණ දෙන නිලධාරීන් විසින් ආඥාපතිතුමා උණුසුම් අයුරින් පිළිගැනීමෙන් අනතුරුව එම බලඇණිවල ඉදිරිසැලසුම්, ආරක්ෂක තොරතුරු මෙන්ම සිවිල් සම්බන්ධීකරණ ක්‍රියාකාරකම් පිලිබඳව තොරතුරු ඉදිරිපත් කරනු ලැබීය. මෙහිදී එම බලඇණිවල සෙබලුන් විසින් කිළිනොච්චි ආඥාපතිතුමා හට හමුදා සම්ප්‍රදායානුකූලය ආචාර සම්මාන මුරයක් ද පිරිනමනු ලැබීය. එමෙන්ම එදිනය මේජර් ජෙනරාල් අමල් කරුණාසේකර 9 වන විජයබාහු පාබල රෙජිමේන්තුවෙහි ද සංචාරයක නිරත වූ අතර, එහිදී එම බලඇණි අණදෙන නිලධාරී විසින් ආඥාපතිතුමා පිළිගනු ලැබීය. පෙබරවාරි මස (9) දින ආඥාපතිතුමා විසින් 9 වන විජයබාහු රෙජිමේන්තු භටපිරිස් ඇමතූ අතර, එහිදී අනාගත අභියෝගවලට මුහුණ දීමේදී බලඇණි පුහුණු වැදගත් වන ආකාරය පිලිබඳව කරුණු අවධාරණය කරනු ලැබීය. මෙම සංචාරය සඳහා 57 වන සේනාංකයේ සේනාංකාධිපති, බලසේනාධිපතිවරුන්, අණ දෙන නිලධාරීන් සහ නිලධාරීන් බෙහෝ පිරිසක් සහභාගි වූහ. මේ අතරතුර මුලතිව් ආරක්ෂක සේනා මූලස්ථාන ආඥාපති මේජර් ජෙනරාල් පී.යූ.එස් විතානගේ එම ආරක්ෂක සේනා මූලස්ථානය යටතේ ස්ථාපිත 681 බලසේනාවෙහි සංචාරයක නිරත විය. එහිදී 681 බලසේනාවේ බලසේනාධිපති කර්නල් ඩී.එම්.පී.එස් දිසානායක විසින් ආඥාපතිතුමා පිළිගනු ලැබීය. පසුව14 වන විජයබාහු පාබල රෙජිමේන්තු භටපිරිස් විසින් ආඥාපතිතුමා වෙත ආචාර සම්මාන මුරයක් පිරිනමනු ලැබීය. එම සංචාරය සිහිගන්වමින් ආඥාපතිතුමා බලසේනා මූලස්ථානයේ පොල් පැළයක් ද රෝපණය කරන ලදී. මෙම සංචාරයේ දී 681 බලසේනාවේ බලසේනාධිපති විසින් එම බලසේනා භට පිරිස් හි කාර්ය භාර්යයන් පිළිබඳව විස්තර ආඥාපතිතුමා වෙත ඉදිරිපත් කරනු ලැබීය. අවසනයේ ආඥාපතිතුමා නිළධාරීන් සහ සෙසු නිළයින් සමඟ දිවා භොජන සංග්‍ර‍හයකට සහභාගී වීමෙන් පසු විශේෂ අමුත්තන් සඳහා වූ පොතෙහි ද අත්සන් තබනු ලැබීය. jordan Sneakers | Nike SB

Header

Sri Lanka Army

Defender of the Nation

කිළිනොච්චි සහ මුලතිව් ආඥාපතිවරුන් එම බල ප්‍රදේශයන්හි සංචාරයක

Footer

Government

Defence

Welfare