14th January 2016 14:59:17 Hours

66 වන සේනාංකයට වසර 6 ක් සපිරෙයි

කිලිනොච්චි ආරක්ෂක සේනා මූලස්ථානය යටතේ ස්ථාපිත 66 වන සේනාංකය හමුදා සම්ප්‍ර‍දායන් අනුගමනය කරමින් ආගමික වතාවත්වලට මුල් තැන දෙමින් සිය 6 වන සංවත්සරයට සමගාමි උත්සව වැඩසටහන් පසුගිය ජනවාරි මස 5,7 හා 9 යන දිනයන් වල දී මහත් ඉහළින් සමරනු ලැබුවේ එම සේනාංකයේ සේනාංකාධිපති මේජර් ජෙනරාල් ඒ.පී ද ඉසෙඩ් වික්‍ර‍මරත්නගේ මග පෙන්වීම යටතේය. මෙම සංවත්සර උත්සවය අඟහරුවාදා (05) පස්වරුවේ තම මාතෘභූමියට, යුද හමුදා සාමාජිකයන්ට සෙත් පතා සහ ක්‍රියාන්විතවල දි දිවිපිදු රණවිරුවන් සහ අතුරුදහන් වූවන් වෙත පිං පැමිණවීමේ අරමුණින් පැවති බෝධි පූජා පිංකමත් සමඟින් ආරම්භ විය. තවද, 66 වන සේනාංකයේ සේනාංකාධිපතිතුමා වෙත එම සේනාංකය යටතේ සේවය කරන 20 වන ශ්‍රී ලංකා පාබල හමුදාවේ සෙබලුන් විසින් බ්‍ර‍හස්පතින්දා (07) දින සම්මාන මුරයක් ද හමුදා සම්ප්‍ර‍දායානුකූලව සේනාංක සරඹ භූමියේ දී එම සේනාංක සෙබලුන් විසින් ආචාර සම්මාන පෙළපාලියක් ද පිරිනමන ලදි. පැළයක් රෝපනය කිරීම, සේනාංකාධිපති විසින් සෙබලුන් ඇමතීම සහ සියලු නිලයින් සඳහා දිවා භෝජන සංග්‍රාහයක් පැවැත්වීම ද මෙදින සිදු කෙරිනි. එමෙන්ම, නවතමයෙන් නවීකරණය කරන ලද බළලත් නිලධාරි නිවස්නය සහ නිලධාරි නිවස්නය ද පිළිවෙලින් ජනවාරි 07 සහ 09 යන දිනයන්හි නිල වශයෙන් විවෘත කරන ලදි. බල සේනාධිපතිවරු, අණදෙන නිලධාරීන්, අනෙකුත් නිලධාරීන්, සෙසු නිලයින් සහ සිවිල් කාර්ය මණ්ඩලයේ සාමාජිකයින් ද මෙම සංවත්සර උත්සවය සඳහා සහභාගි වූහ.Sport media | Nike React Element 87

Header

Sri Lanka Army

Defender of the Nation

66 වන සේනාංකයට වසර 6 ක් සපිරෙයි

Footer

Government

Defence

Welfare