04th December 2015 15:58:32 Hours

කිළිනොච්චි ආරක්ෂක සේනා මූලස්ථාන ආඥාපති ක්ෂේත්‍ර සංචාරයක

කිළිනොච්චි ආරක්ෂක සේනා මූලස්ථාන ආඥාපති මේජර් ජෙනරාල් අමල් කරුණාසේකර සිය ධූරයෙහි රාජකාරී බාර ගැනීමෙන් පසු ප්‍රථම වරට බ්‍රහස්පතින්දා (26) දින සේනාංක සහ ඒ යටතේ ඇති බලසේනා මූලස්ථානයන්හි සංචාරයක නිරත විය. එහි දී 66 වන සේනාංකය වෙත පැමිණි අතර, එහි සේනාංකාධිපති විසින් කිළිනොච්චි ආරක්ෂක සේනා මූලස්ථාන ආඥාපතිතුමා පිළිගත් අතර, 66 වන සේනාංකයේ සෙබලුන් විසින් ආචාර සම්මාන මුරයක් ද පිරිනැමීය. අනතුරුව ආඥාපතිතුමා විසින් සියලු නිළයින් ඇමතූ අතර, 66 වන සේනාංක පරිශ්‍රයේ පැළයක් ද රෝපණය කරමින් විශේෂ අමුත්තන් සඳහා වූ පොතෙහි ද අත්සන් තැබීමට අමතක නොකළහ. තව ද එදිනම මේජර් ජෙනරාල් අමල් කරුණාසේකර 661,662 සහ 663 බලසේනා මූලස්ථානයන්හි සංචාරයක නිරත වූ අතර, එහි දී එම බලසේනාධිපතිවරුන් විසින් ආඥාපතිතුමා උණුසුම් අයුරින් පිළිගෙන ඒ ඒ බලසේනා මූලස්ථානයන්හි කාර්යභාරයන් පැහැදිලි කරනු ලැබීය. මෙම සංචාරය අතරතුර දී කිළිනොච්චි ආඥාපතිතුමා විසින් එම ප්‍රදේශයන්හි සිවිල් හමුදා සම්බන්ධීකරණය පිළිබඳව සහ අනෙකුත් ව්‍යාපෘතීන් සම්බන්ධව ඒ ඒ බලසේනාවන්හි නිළධාරීන් සමඟ සාකච්ඡා කර අවශ්‍ය උපදෙස් ද ලබාදුනි. මේ අතරතුර පසුගිය මස සිකුරාදා (27) කිළිනොච්චි ආරක්ෂක සේනා මූලස්ථාන ආඥාපති කිළිනොච්චි ඉදිරි නඩත්තු පෙදෙසෙහි සංචාරයක නිරත වූ අතර, එහි දී ඉදිරි නඩත්තු පෙදෙසෙහි ආඥාපති ඇතුළු නිළධාරීන් කිළිනොච්චි ආරක්ෂක සේනා මූලස්ථාන ආඥාපතිතුමා පිළිගනු ලැබීය. එහිදී මේජර් ජෙනරාල් අමල් කරණාසේකර විසින් ඉදිරි නඩත්තු පෙදෙසෙහි නවතමයෙන් ඉදිකරනු ලැබූ නිළධාරී නිවස්නය ද විවෘත කරනු ලැබීය. එමෙන්ම සඳුදා (30) දින කිළිනොච්චි ආරක්ෂක සේනා මූලස්ථාන ආඥාපති 57 වන සේනාංක මූලස්ථානයෙහි සංචාරයක නිරත වූ අතර, එහි දී 57 වන සේනාංකයේ සේනාංකාධිපති විසින් ආඥාපතිතුමා හමුදා සම්ප්‍රදායානුකූලව පිළිගනු ලැබීය. එම සංචාරය සිහිගන්විමින් ආඥාපතිතුමා 57 වන සේනාංක මූලස්ථානයෙහි පැළයක් ද රෝපණය කරමින් විශේෂ අමුත්තන් සඳහා වූ පොතෙහි ද අත්සන් තබනු ලැබීය. ඉන් පසු පසුගිය අඟහරුවාදා (1) හෙතෙම 574 බලසේනාවේ සහ අම්පකාමම් බළඇණි පුහුණු පාසලේ සංචාරයක නිරත වූ අතර, එහි දී එම ප්‍රදේශයන්හි බලසේනාධිපතිවරුන් සහ අණදෙන නිළධාරීන් එම ප්‍රදේශන්හි සිදු කරනු ලැබූ සිවිල් සම්බන්ධීකරණ වැඩසටහන් පිළිබඳව ආඥාපතිතුමා දැනුවත් කරනු ලැබීය.buy footwear | NIKE AIR HUARACHE

Header

Sri Lanka Army

Defender of the Nation

කිළිනොච්චි ආරක්ෂක සේනා මූලස්ථාන ආඥාපති ක්ෂේත්‍ර සංචාරයක

Footer

Government

Defence

Welfare