17th November 2024 17:50:00 Hours
පලාලි යුද්ධ හමුදා මුලික රෝහලේ අභිනවයෙන් ඉදිකරන ලද නිලධාරි වාට්ටු සංකීර්ණය ආරක්‍ෂක සේනා ආඥාපති - යාපනය මේජර් ජෙනරල් එම්.ජී.ඩබ්ලිව්.ඩබ්ලිව්.ඩබ්ලිව්.එම්.සී.බී වික්‍රමසිංහ ආර්ඩබ්ලිව්පී ආර්එස්පී එන්ඩීයූ පීඑස්සී විසින් 2024 නොවැම්බර් මස 16 දින උත්සවාකාරයෙන් විවෘත කරන ලදී.
ඇඳන් පහකින් සමන්විත වන නව නිලධාරී වාට්ටු සංකීර්ණය මගින්, ආරක්‍ෂක සේනා මූලස්ථානය - යාපනය යටතේ රාජකාරි කරනු ලබන නිලධාරීන් සඳහා උසස් තත්ත්වයේ සෞඛ්‍ය පහසුකම් ලබාදීමට හැකි වනු ඇත. මෙමගින් යුද්ධ හමුදා සාමාජිකයින් සඳහා වන සෞඛ්‍ය සේවා යටිතල පහසුකම් සහ සේවාවන් වැඩිදියුණු කිරීමේ වැදගත් පියවරක් සනිටුහන් කරයි.
මෙම අවස්ථාවට ආරක්‍ෂක සේනා මූලස්ථානය - යාපනය භඨකාර්ය සම්පාදක ආඥාපති මේජර් ජෙනරල් ජී.එල්.එස්.ඩබ්ලිව් ලියනගේ යූඑස්පී පීඑස්සී, බ්‍රිගේඩියර් ප්‍රධාන මාණ්ඩලික නිලධාරී බ්‍රිගේඩියර් කේ.ජේ.එන්.එම්.පී.කේ නවරත්න ආර්ඩබ්ලිව්පී ආර්එස්පී එන්ඩීයූ, ජ්‍යෙෂ්ඨ නිලධාරීන්, නිලධාරීන් සහ සෙසුනිලයන් පිරිසක් සහභාගී වූහ.
