11th November 2024 14:53:44 Hours
6 வது இலங்கை தேசிய பாதுகாவலர் படையணியின் கட்டளை அதிகாரி மேஜர் கேஎன்சீ டி சில்வா அவர்களின் வழிகாட்டுதலின் கீழ் 6 வது இலங்கை தேசிய பாதுகாவலர் படையணியின் 34 வது ஆண்டு நிறைவு விழா 2024 நவம்பர் 07 ம் திகதி கொண்டாடப்பட்டது.
ஆண்டு நிறைவு நாளில், 6 வது இலங்கை தேசிய பாதுகாவலர் படையணி கட்டளை அதிகாரிக்கு பாதுகாவலர் அறிக்கையிடல் வழங்கப்பட்டதை தொடர்ந்து படையினரால் படையலகு அணிவகுப்பு மரியாதை வழங்கப்பட்டது. அதனைத் தொடர்ந்து அவர், முகாம் வளாகத்தில் மரக்கன்று நாட்டுதல், படையினருக்கு உரை, குழு படம் எடுத்தல், அனைத்து நிலையினருக்கான தேநீர் மற்றும் மதிய உணவிருந்திலும் கலந்து கொண்டார்.
ஆண்டு நிறைவிற்கு இணையாக படையலகு நிறுவனங்களுக்கு இடையிலான கிரிக்கெட் போட்டி நடத்தப்பட்டது, அதைத் தொடர்ந்து வீரமரணம் அடைந்த போர் வீரர்களுக்கு அஞ்சலி செலுத்துதல், சேவையில் உள்ள இராணுவத்தினர் மற்றும் அவர்களது குடும்பத்தினருக்கு ஆசிர்வாதம் வேண்டி போதி பூஜை மற்றும் தர்ம சொற்பொழிவு நடத்தப்பட்டது.
6 வது இலங்கை தேசிய பாதுகாவலர் படையணியின் சிரேஷ்ட அதிகாரிகள், அதிகாரிகள் மற்றும் சிப்பாய்கள் இந்நிகழ்வில் பங்கேற்றனர்.
