27th October 2024 14:00:19 Hours
இலங்கை இராணுவத்தின் நிறைவேற்று பணிப்பாளர் நாயகம் மேஜர் ஜெனரல் சீ.எஸ் முனசிங்க டபிள்யூடபிள்யூவீ ஆர்டபிள்யூபீ ஆர்எஸ்பீ யூஎஸ்பீ என்டிசீ பீஎஸ்சீ ஐஜி அவர்கள் இலங்கை இராணுவ மகளிர் படையணியின் 26 வது படைத் தளபதியாக 2024 ஒக்டோபர் 23 ஆம் திகதி இலங்கை இராணுவ மகளிர் படையணி தலைமையகத்தில் கடமைகளைப் பொறுப்பேற்றார்.
வருகை தந்த சிரேஷ்ட அதிகாரியை, நிலைய தளபதி பிரிகேடியர் பீ.எம்.எஸ் கருணாரத்ன பீஎஸ்சீ அவர்கள் வரவேற்றார். பின்னர் பாதுகாவலர் அறிக்கையிடல் மரியாதை வழங்கப்பட்டதுடன், இராணுவ மரபுகளுக்கு இணங்க நிகழ்ச்சிகள் ஆரம்பமாகின. தாய் நாட்டிற்காக உயிர் தியாகம் செய்த இலங்கை இராணுவ மகளிர் படையணியின் அனைத்து வீரமிக்க சிப்பாய் வீராங்கனைகளின் நினைவாக போர் வீராங்கனைகளின் நினைவுத்தூபியில் மலர் வைத்து அஞ்சலி செலுத்தப்பட்டது.
பின்னர், அணிவகுப்பு சதுக்கத்தில் இலங்கை இராணுவ மகளிர் படையணி படையினரால் அணிவகுப்பு மரியாதை வழங்கப்பட்டது. புதிதாக நியமிக்கப்பட்டுள்ள படையணியின் படைத் தளபதி, வழங்கப்பட்ட மரியாதைக்குறிய அணிவகுப்பு மரியாதையை பரிசீலனை செய்தார். அவருடன் நிலைய தளபதியும் அணிவகுப்புத் தளபதியும் உடன் சென்றார்.
அதனைத் தொடர்ந்து, படையணியின் புதிய படைத் தளபதி தனது அலுவலகத்தில், படையணியின் புதிய படைத் தளபதியாக கடமைகளை ஏற்றுக்கொண்டதைக் குறிக்கும் உத்தியோகபூர்வ ஆவணத்தில் கையொப்பமிட்டதுடன், அவர் படையினருக்கு உரையாற்றினார்.
