ஓய்வுபெறும் மேஜர் ஜெனரலின் சேவைக்கு இராணுவத் தளபதி பாராட்டு

வழங்கல் கட்டளை தளபதியும் மேற்கு பாதுகாப்பு படைத் தலைமையக தளபதியுமான மேஜர் ஜெனரல் ஆர்எம்பீஎஸ்பி ரத்நாயக்க என்டிசீ அவரது இலங்கை இராணுவத்தில் 34 வருட கால சிறப்புமிக்க பணியின் பின்னர் ஓய்வு பெறுவதற்கு முன்னர் இராணுவத் தளபதி லெப்டினன் ஜெனரல் விக்கும் லியனகே ஆர்டபிள்யூபீ ஆர்எஸ்பீ என்டியூ அவர்களால் 21 ஆம் திகதி ஒக்டோபர் 2024 அன்று தனது குடும்பத்தாருடன் அழைக்கப்பட்டார்.

இந்த சந்திப்பின் போது, பயங்கரவாதத்திற்கு எதிரான போரின் போதும், போருக்குப் பிந்தைய காலத்திலும், தனது பதவிக்காலம் முழுவதும் பல்வேறு சவாலான பாத்திரங்களில் அவரது அசைக்க முடியாத அர்ப்பணிப்பு மற்றும் முன்மாதிரியான செயல்திறனுக்காக இராணுவத் தளபதி சிரேஷ்ட அதிகாரிக்கு பாராட்டுக்களை தெரிவித்தார். தனது குடும்பத்தினர் அவருக்கு அவரது பணிகாலம் முழுவதும் ஆற்றிய முக்கிய பங்கையும் இராணுவத் தளபதி பாராட்டினார்.

பதிலுக்கு, மேஜர் ஜெனரல் ஆர்எம்பீஎஸ்பி ரத்நாயக்க என்டிசீ அவர்கள் இராணுவத் தளபதி வழங்கிய உறுதியான வழிகாட்டலுக்கு நன்றியைத் தெரிவித்தார். கலந்துரையாடலின் முடிவில், இராணுவத் தளபதி ஓய்வுபெறும் சிரேஷ்ட அதிகாரிக்கு விசேட பாராட்டுச் சின்னமும் அவரது குடும்பத்தினருக்குப் பரிசுகளும் வழங்கினார்.

ஓய்வுபெறும் சிரேஷ்ட அதிகாரியின் சுருக்கமான விவரம் இங்கே:

மேஜர் ஜெனரல் ஆர்எம்பீஎஸ்பி ரத்நாயக்க என்டிசீ அவர்கள் 1991 மார்ச் 13 ஆம் பாகிஸ்தான் இராணுவ கல்வியற் கல்லூரியின் பாடநெறி இல 1 ஊடாக பயிலிளவல் அதிகாரியாக இலங்கை இராணுவத்தின் நிரந்தர படையில் இணைந்துக்கொண்டார். பாகிஸ்தான் இராணுவ கல்வியற் கல்லூரி மற்றும் தியத்தலாவ இலங்கை இராணுவ கல்வியற் கல்லூரியில் இராணுவப் பயிற்சியை வெற்றிகரமாக முடித்த அவர் இரண்டாம் லெப்டினன் நிலையில் 19 ஜனவரி 1991 இலங்கை இராணுவ சமிஞ்ஞை படையணியில் நியமிக்கப்பட்டார். இராணுவத்தில் பணிபுரிந்த காலப்பகுதியில் தொடர்ந்து நிலை உயர்த்தப்பட்ட அவர் 03 மே 2024 அன்று மேஜர் ஜெனரல் நிலைக்கு உயர்த்தப்பட்டார். 24 ஒக்டோபர் 2024 இல் தனது 55 வது வயதில் இலங்கை இராணுவத்தின் நிரந்தர படையில் இருந்து ஓய்வு பெறுவார்.

சமிஞ்ஞை பாடசாலையின் பயிற்றுவிப்பாளர், 1வது இலங்கை சமிஞ்ஞை படையணியின் குழு கட்டளையாளர், 5 வது காலாட் பிரிகேட்டின் உள்ளக பாதுகாப்பு அதிகாரி, 3 வது காலாட் பிரிகேட்டின் சமிஞ்ஞை அதிகாரி,1வது இலங்கை சமிஞ்ஞை படையணியின் மோட்டார் போக்குவரத்து அதிகாரி, 22 வது காலாட் படைப்பிரிவின் பொதுபணிநிலை அதிகாரி 3 (செயல்பாடுகள்), 6 வது காலாட் பிரிகேட்டின் சமிஞ்ஞை அதிகாரி, 5வது வலுவூட்டல் படையணி இலங்கை சமிஞ்ஞைப் படையணியின் அதிகாரி கட்டளை, 52 வது காலாட் படைப் பிரிவின் சிரேஷ்ட புலனாய்வுப் பிரிவு அதிகாரி, 1வது இலங்கை சமிஞ்ஞை படையணியின் தொடர்பாடல் பிரிவின் அதிகாரி கட்டளை, 22 வது காலாட் படைப்பிரிவின் சமிஞ்ஞைப் படையின் கட்டளை அதிகாரி, 1வது இலங்கை சமிஞ்ஞைப் படையணியின் அதிகாரி கட்டளை, 515 வது காலாட் பிரிகேட்டின் பிரிகேட் மேஜர், சமிஞ்ஞை பாடசாலையில் பயிற்சி மற்றும் நிர்வாக அதிகாரி, சமிஞ்ஞை பாடசாலையின் பிரதான பயிற்றுவிப்பாளர், 6வது வலுவூட்டல் இலங்கை சமிஞ்ஞைப் படையணியின் இரண்டாம் கட்டளை அதிகாரி, மன்னார் தலைமையகத்தில் பொதுப் பணி நிலை அதிகாரி 1 (செயல்பாடுகள்), 54 வது காலாட் படைப்பிரிவின் பொது பணி நிலை அதிகாரி1, இராணுவ தலைமைகைத்தின் தலைமை சமிஞ்ஞை அதிகாரி அலுவலகத்தில் பொது பணி நிலை அதிகாரி 1 (மின்னணு போர்), 7வது வலுவூட்டல் இலங்கை சமிஞ்ஞைப் படையணியின் கட்டளை அதிகாரி, இலங்கை 7வது சமிஞ்ஞைப் படையணியின் கட்டளை அதிகாரி, அதிகாரி தொழில் மேம்பாட்டு மையத்தில் நிர்வாகப் பிரிவின் கட்டளை அதிகாரி, இலங்கை சமிஞ்ஞை படையணியின் பணி நிலை அதிகாரி 1 (நிர்வாகம்), இராணுவத் தலைமையகம் விளையாட்டு பணிப்பாகத்தின் பணி நிலை அதிகாரி 1,65 வது காலாட் படைப்பிரிவின் கேணல் (பொது பணி), 561 வது காலாட் பிரிகேட்டின் பிரிகேட் தளபதி, இராணுவ தகவல் தொழில்நுட்ப தீர்வுகள் மையத்தின் பணிப்பாளர், இராணுவ தலைமையகம் பிரிகேடியர் (ஒருங்கிணைப்பு) தலைமை சமிஞ்ஞை அதிகாரி அலுவலகத்தில், பாதுகாப்பு அமைச்சின் எல்லை இடர் மதிப்பீட்டு மையத்தின் பணிப்பாளர், மேற்கு பாதுகாப்புப் படைத் தலைமையகம் மற்றும் வழங்கல் கட்டளையின் தளபதி உட்பட பல்வேறு முக்கிய நியமனங்களை அவர் தனது பணிக்காலம் முழுவதும் வகித்துள்ளார்.

அவர் தனது இராணுவ வாழ்க்கையில் பல உள்நாட்டு மற்றும் வெளிநாட்டு பயிற்சிகளை பயின்றுள்ளார். இதில் அதிகாரி பார் எக்ஸலன்ஸ் பாடநெறி, மோட்டார் போக்குவரத்து அதிகாரி, கணினி விழிப்புணர்வு, தேசிய பாதுகாப்பு மற்றும் மூலோபாயம் பாடநெறி, அதிகாரி பயிலிளவல் பாடநெறி (பாட எண். 86), இந்தியா சமிஞ்ஞை இளம் அதிகாரிகள் பாடநெறி மற்றும் இந்தியாவில் சமிஞ்ஞை நிறுவன தளபதிகள் பாடநெறி ஆகியவை அடங்கும்.

மேலும், சிரேஷ்ட அதிகாரி, இலங்கையின் அமெரிக்க உயர்கல்வி கல்லூரியில் மனித வள முகாமை மற்றும் நிறுவன நடத்தைக்கான டிப்ளோமா, இலங்கை மனித உரிமைகள் நிறுவனத்தில் மனித உரிமைகள் டிப்ளோமா மற்றும் முதுகலைப் பட்டம் பெற்றுள்ளதுடன், ஜெனரல் சர் ஜோன் கொத்தலாவல பாதுகாப்பு பல்கலைக்கழகத்தில் தேசிய பாதுகாப்பு மற்றும் மூலோபாய ஆய்வுகளில் அறிவியல் பட்ட படிப்புகளை பின்பற்றியுள்ளார்.