16th October 2024 14:19:36 Hours
ஜெனரல் சேர் ஜோன் கொத்தலாவல பாதுகாப்பு பல்கலைக்கழகம் தனது வருடாந்த பட்டமளிப்பு விழாவை 2024 ஒக்டோபர் 14 மற்றும் 15 ஆகிய திகதிகளில் பண்டாரநாயக்க ஞாபகார்த்த சர்வதேச மாநாட்டு மண்டபத்தில் நடாத்தியது. இதன் போது மூலோபாய ஆய்வுகள் மற்றும் சர்வதேச உறவுகள், மருத்துவம், பொறியியல், சட்டம், முகாமை, அதனுடன் தொடர்புடைய சுகாதார அறிவியல், கட்டமைக்கப்பட்ட சுற்றுச்சூழல் மற்றும் இடஞ்சார்ந்த அறிவியல், கணினி உள்ளிட்ட பல்வேறு கல்வித் துறைகளைச் சேர்ந்த இளங்கலைப் பட்டதாரிகள் தங்கள் கற்கைகளின நிறைவின் பின்னர் பட்டபச் சான்றிதழ்களைப் பெற்றனர்.
இந்த பட்டமளிப்பு விழாவில் இராணுவத் தளபதி லெப்டினன் ஜெனரல் விக்கும் லியனகே ஆர்டபிள்யூபீ ஆர்எஸ்பீ என்டியூ அவர்கள் கலந்து கொண்டார்.
இந்நிகழ்வில், 1,728 பட்டதாரிகளுக்கு கலாநிதி பட்டம், முதுகலைப் பட்டங்கள், இளங்கலைப் பட்டங்கள் மற்றும் முதுகலை டிப்ளோமாக்கள் வழங்கப்பட்டன. பாதுகாப்பு அமைச்சின் செயலாளர் எயார் வைஸ் மார்ஷல் சம்பத் துய்யகொந்தா (ஓய்வு) அவர்கள் இந்நிகழ்வில் பிரதம அதிதியாகக் கலந்து கொண்டு அந்தந்த துறைகளில் சிறந்து விளங்கிய மாணவர்களுக்கு சான்றிதழ்களை வழங்கினர். செயலாளர் தனது உரையில், 2024 பட்டதாரிகளுக்கு மனமார்ந்த வாழ்த்துக்களைத் தெரிவித்துக் கொண்டதுடன், அவர்களின் குறிப்பிடத்தக்க சாதனைகள் மற்றும் கற்கைக்கான அர்ப்பணிப்பைப் பாராட்டினார்.
பாதுகாப்பு பதவி நிலை பிரதானி, கடற்படை மற்றும் விமானப்படைத் தளபதிகள், பொலிஸ் மா அதிபர், பல்கலைக்கழகத் தலைவர்கள், அரச அதிகாரிகள், கொத்தலாவல பாதுகாப்பு பல்கலைக்கழகத்தின் பணியாளர்கள், முப்படை அதிகாரிகள், பட்டதாரிகளின் பெற்றோர்கள் மற்றும் சிறப்பு அழைப்பாளர்கள் இந்நிகழ்வில் கலந்து கொண்டனர்.
