07th October 2024 17:07:36 Hours
இலங்கை கவச வாகன படையணியின் புதிய படைத் தளபதியும் 64 வது காலாட் படைப்பிரிவின் தளபதியுமான மேஜர் ஜெனரல் எம்எஸ் தேவப்பிரிய யூஎஸ்பீ என்டிசீ அவர்கள் 29 செப்டெம்பர் 2024 அன்று 7 வது (தொ) இலங்கை கவச வாகன படையணிக்கு முதல் விஜயத்தை மேற்கொண்டார்.
7 வது (தொ) இலங்கை கவச வாகன படையணியின் கட்டளை அதிகாரி, வருகை தந்த படைத் தளபதியை வரவேற்றதை தொடர்ந்து பாதுகாவலர் அறிக்கையிடல் மரியாதை வழங்கப்பட்டது. அதனைத் தொடர்ந்து சிரேஷ்ட அதிகாரி மரக்கன்று நட்டு வைத்ததுடன் அதிகாரிகள் மற்றும் சிரேஷ்ட அதிகாரவாணையற்ற அதிகாரிகளுடன் குழு படம் எடுத்துக் கொண்டார்.
பின்னர், அவர் படைப்பிரிவின் பொறுப்புகள் தொடர்பான விரிவான விளக்கத்தைப் பெற்றுக்கொண்டதுடன்,முகாம் வளாகத்தை பார்வையிட்டார். பின்னர் ஒழுக்கம், வள முகாமை மற்றும் நிதிப் பொறுப்பு தொடர்பாக படையினருக்கு உரையாற்றினார். அதிகாரிகள் உணவகத்தில் மதிய உணவு விருந்துடன் இவ் விஜயம் நிறைவுற்றதுடன், வருகையை குறிக்கும் வகையில் படைத் தளபதி அதிதிகள் பதிவேட்டு புத்தகத்தில் எண்ணங்களை பதிவிட்டார்.
