ஓய்வுபெறும் மேஜர் ஜெனரலின் சேவைக்கு இராணுவத் தளபதி பாராட்டு

முதலாம் படையின் தளபதியும் கொமாண்டோ படையணியின் படைத் தளபதியுமான மேஜர் ஜெனரல் பீஜீபீஎஸ் ரத்நாயக்க ஆர்டபிள்யூபீ ஆர்எஸ்பீ என்டிசீ அவர்கள் இலங்கை இராணுவத்தில் 35 வருட கால சிறப்புமிக்க பணியின் பின்னர் ஓய்வு பெறுவதற்கு முன்னர் இராணுவத் தளபதி லெப்டினன் ஜெனரல் விக்கும் லியனகே ஆர்டபிள்யூபீ ஆர்எஸ்பீ என்டியூ அவர்களை 07 ஒக்டோபர் 2024 அன்று தனது குடும்பத்தாருடன் சந்தித்தார்.

இந்த சந்திப்பின் போது, பயங்கரவாதத்திற்கு எதிரான போரின் போதும், போருக்குப் பிந்தைய காலத்திலும், தனது பதவிக்காலம் முழுவதும் பல்வேறு சவாலான பாத்திரங்களில் அவரது அசைக்க முடியாத அர்ப்பணிப்பு மற்றும் முன்மாதிரியான செயல்திறனுக்காக இராணுவத் தளபதி சிரேஷ்ட அதிகாரிக்கு பாராட்டுக்களை தெரிவித்தார். தனது குடும்பத்தினர் அவருக்கு அவரது பணிகாலம் முழுவதும் ஆற்றிய முக்கிய பங்கையும் இராணுவத் தளபதி எடுத்துரைத்தார்.

பதிலுக்கு, மேஜர் ஜெனரல் பீஜீபீஎஸ் ரத்நாயக்க ஆர்டபிள்யூபீ ஆர்எஸ்பீ என்டிசீ அவர்கள் இராணுவத் தளபதி வழங்கிய உறுதியான வழிகாட்டலுக்கு நன்றியைத் தெரிவித்தார். கலந்துரையாடலின் முடிவில், இராணுவத் தளபதி ஓய்வுபெறும் சிரேஷ்ட அதிகாரிக்கு விசேட பாராட்டுச் சின்னமும் அவரது குடும்பத்தினருக்குப் பரிசுகளும் வழங்கினார்.

ஓய்வுபெறும் சிரேஷ்ட அதிகாரியின் சுருக்கமான விவரம் இங்கே:

மேஜர் ஜெனரல் பீஜீபீஎஸ் ரத்நாயக்க ஆர்டபிள்யூபீ ஆர்எஸ்பீ என்டிசீ அவர்கள் 1989 ஆண்டு ஜூலை 14 ஆம் பாடநெறி இல 32 இன் ஊடாக பயிலிளவல் அதிகாரியாக இலங்கை இராணுவத்தின் நிரந்தர படையில் இணைந்துக்கொண்டார். தியத்தலாவ இலங்கை இராணுவ கல்வியற் கல்லூரியில் இராணுவப் பயிற்சியை வெற்றிகரமாக முடித்த அவர் இரண்டாம் லெப்டினன் நிலையில் 19 ஜனவரி 1991 கொமாண்டோ படையணியில் நியமிக்கப்பட்டார். தனது பணியின் போது அவர் 12 ஆகஸ்ட் 2022 அன்று மேஜர் ஜெனரல் நிலைக்கு உயர்த்தப்பட்டார். 10 ஒக்டோபர் 2024 இல் தனது 55 வது வயதில் இலங்கை இராணுவத்தின் நிரந்தர படையில் இருந்து ஓய்வு பெறுவார்.

1 வது கொமாண்டோ படையணியின் குழு தளபதி, 1 வது கொமாண்டோ படையணியின் புலனாய்வு அதிகாரி, 2 வது கொமாண்டோ படையணியின் குழு தளபதி (பிராவோ குரூப்), 2 வது கொமாண்டோ படையணியின் குழு தளபதி, (நிர்வாக குழு), நீண்ட தூர உளவுப் படை குழுவின் குழு தளபதி, 2 கொமாண்டோ படையணியின் குழு தளபதி (ஆதரவு குழு), 2 வது கொமாண்டோ படையணியின் செயல்பாடுகள் மற்றும் பயிற்சி அதிகாரி, முன்னால் ஜனாதிபதியின் சிரேஷ்ட பாதுகாப்பு ஒருங்கிணைப்பாளர், 24 வது காலாட் படைப் பிரிவின் கேணல் பொது பணி, 592 வது காலாட் பிரிகேடின் பதில் பிரிகேட் தளபதி, 623 வது காலாட் பிரிகேட் தளபதி, கொமாண்டோ படையணியின் தளபதி, 53 வது காலாட் படைப்பிரிவின் தளபதி, கொமாண்டோ படையணி மற்றும் 1 படையின் தளபதி உள்ளிட்ட பல்வேறு முக்கிய நியமனங்களை அவரது பணிக்காலம் முழுவதும் அவர் வகித்துள்ளார்.

இராணுவத்திற்கு அவர் ஆற்றிய அர்ப்பணிப்பு சேவையை கௌரவிக்கும் வகையில் சிரேஷ்ட அதிகாரிக்கு ரண விக்கிரம பதக்கம் மற்றும் ரண சூர பதக்கம் ஆகிய விருதுகள் வழங்கப்பட்டுள்ளன.

அடிப்படை கொமாண்டோ பட்டபடிப்பு, தேசிய பாதுகாப்பு மற்றும் வியூக பாடநெறி, இந்தியாவில் கொமாண்டோ அதிகாரிகளின் பாடநெறி, இந்தியாவில் அடிப்படை பாரசூட் பாடநெறி, இந்தியாவில் அதிகாரிகள் உடல் பயிற்சி பாடநெறி, பாராசூட் பேக்கிங் மற்றும் பராமரிப்புப் பாடநெறி, பாகிஸ்தான், இந்தியா இளம் அதிகாரிகள் பாடநெறி, இந்தியாவில் கனிஷ்ட கட்டளை பாடநெறி, சுவிட்சர்லாந்தில் ஐக்கிய நாடுகளின் இராணுவப் கண்காணிப்பாளர் பாடநெறி மற்றும் சீனாவில் இடைநிலைக் கட்டளை நிகழ்ச்சி போன்ற பல உள்நாட்டு மற்றும் வெளிநாட்டு பாடநெறிகளை அவர் தனது இராணுவ வாழ்க்கையில் கற்றுள்ளார்.

அத்துடன் சிரேஷ்ட அதிகாரி, ஜெனரல் சேர் ஜோன் கொத்தலாவல பாதுகாப்பு பல்கலைக்கழகத்தில் தேசிய பாதுகாப்பு மற்றும் மூலோபாய ஆய்வுகளில் முதுகலைப் பட்டம் பெற்றுள்ளார் என்பது குறிப்பிடதக்கது.