பொறியியல் சேவைகள் படையணியின் படைத் தளபதி கட்டளை படையலகுகளுக்கு விஜயம்

இராணுவச் செயலாளரும் பொறியியல் சேவைகள் படையணியின் படைத் தளபதியுமான மேஜர் ஜெனரல் ஐஎஎன்பி பெரேரா ஆர்டபிள்யூபீ யூஎஸ்பீ என்டியூ பீஎஸ்சீ அவர்கள் 3,5 மற்றும் 11 வது பொறியியல் சேவைகள் படையணிகள் மற்றும் பொறியியல் சேவைகள் அதிகாரி கட்டளை படை என்பவற்றிக்கு 2024 ஆகஸ்ட் 11 மற்றும் 12 ஆம் திகதிகளில் விஜயம் மேற்கொண்டார்.

ஒவ்வொரு முகாம் வளாகத்திலும் அவரது வாகன தொடரணிக்கு படையினரால் மரியாதை செலுத்தப்பட்டதுடன் கட்டளை அதிகாரிகள் மற்றும் அதிகாரி கட்டளைகளால் மரியாதையுடன் வரவேற்கப்பட்டார். ஒவ்வொரு முகாம் வளாகத்திலும் சிரேஷ்ட அதிகாரிகள் படையலகின் பணிகள், பொறுப்புகள் மற்றும் சமீபத்திய சாதனைகள் பற்றிய விளக்கங்களை வழங்கியதுடன் இராணுவத்தில் அவர்கள் வகிக்கும் முக்கிய பங்கு தொடர்பிலும் எடுத்துரைக்கப்பட்டது..

இந்த விஜயத்தில் குழு படம் எடுத்தல், மரக்கன்றுகள் நாட்டல் மற்றும் ஒவ்வொரு படையலகிலும் படையினருக்கான உரை என்பன இடம்பெற்றதுடன் நிறைவாக படைத் தளபதி விருந்தினர் பதிவேட்டில் தனது எண்ணங்களை பதிவிட்டார்.