மேஜர் ஜெனரல் எஸ்பி அமுனுகம ஆர்டபிள்யூபீ ஆர்எஸ்பீ என்டியூ அவர்களின் சேவைக்கு இராணுவத் தளபதியினால் பாராட்டு

முதலாம் படை தளபதியான மேஜர் ஜெனரல் எஸ்பி அமுனுகம ஆர்டபிள்யூபீ ஆர்எஸ்பீ என்டியூ அவர்கள் இராணுவத்தில் தனது 35 வருடசேவையின் பின்னர் ஓய்வுபெற்று செல்லும் முன் இராணுவத் தளபதி லெப்டினன் ஜெனரல் விக்கும் லியனகே ஆர்டபிள்யூபீ ஆர்எஸ்பீ என்டியூ அவர்களை 2024 ஜூலை 03ம் திகதி, தனது குடும்ப உறுப்பினர்களுடன் இராணுவத் தளபதி அலுவலகத்திற்கு சந்தித்தார்.

இந்த சந்திப்பின் போது, பயங்கரவாதத்திற்கு எதிரான போரின் போதும், போருக்குப் பிந்தைய காலத்திலும், தனது பதவிக்காலம் முழுவதும் பல்வேறு சவாலான பாத்திரங்களில் அவரது அசைக்க முடியாத அர்ப்பணிப்பு மற்றும் முன்மாதிரியான செயல்திறனுக்காகவும், அவரது பணிக்காலம் முழுவதும் குடும்பம் ஆற்றிய முக்கிய பங்கிற்கும் சிரேஷ்ட அதிகாரியை இராணுவத் தளபதி பாராட்டினார். இதற்கு பதிலளித்த மேஜர் ஜெனரல் எஸ்பி அமுனுகம ஆர்டபிள்யூபீ ஆர்எஸ்பீ என்டியூ அவர்கள் இராணுவத் தளபதி தனக்கு வழங்கிய உறுதியான வழிகாட்டுதல் மற்றும் ஆதரவுக்கு நன்றி தெரிவித்தார். கலந்துரையாடலின் முடிவில், இராணுவத் தளபதி ஓய்வுபெறும் சிரேஷ்ட அதிகாரிக்கு விசேட பாராட்டுச் சின்னமும் அவரது குடும்பத்தினருக்குப் பரிசுகளும் வழங்கினார்.

ஓய்வுபெறும் சிரேஸ்ட அதிகாரியின் சுருக்கமான விவரம் இங்கே:

மேஜர் ஜெனரல் எஸ்பி அமுனுகம ஆர்டபிள்யூபீ ஆர்எஸ்பீ என்டியூ அவர்கள், 20 ஜனவரி 1989 அன்று பாடநெறி இல 31 ஏ இல் பயிலிளவல் அதிகாரியாக இலங்கை இராணுவத்தின் நிரந்தர படையில் இணைந்துக்கொண்டார். இந்திய இராணுவ கல்வியற் கல்லூரி மற்றும் இலங்கை இராணுவ கல்வியற் கல்லூரி- தியத்தலாவ ஆகியவற்றில் இராணுவப் பயிற்சியை வெற்றிகரமாக முடித்த பின்னர் அவர் இரண்டாம் லெப்டினன் நிலையில் 05 ஏப்ரல் 1991 கஜபா படையணியில் நியமிக்கப்பட்டார். இராணுவத்தில் அவர் பணியாற்றிய காலப்பகுதியில் தொடர்ச்சியாக அடுத்தடுத்த நிலைக்கு உயர்த்தப்பட்டு, 2022 மே 18, அன்று மேஜர் ஜெனரல் பதவிக்கு நிலை உயர்த்தப்பட்டார். சிரேஷ்ட அதிகாரி 08 ஜூலை 2024 இல் தனது 55 வயதில் இலங்கை இராணுவத்தின் நிரந்தர படையில் இருந்து ஓய்வு பெறுவார். அவர் ஓய்வுபெறும் போது, முதலாம் படை தளபதியாக பதவி வகிக்கின்றார்.

1 வது கஜபா படையணியின் குழு தளபதி , 1வது கஜபா படையணியின் அதிகாரி கட்டளை, 8வது கஜபா படையணியின் படையலகு ஆதரவு ஆயுத பயிற்சி நிலையம் மற்றும் காலாட் படை பயிற்சி நிலையத்தின் அதிகாரி பயிற்றுவிப்பாளர், சாலியபுர கஜபா படையணி பயிற்சி நிலையத்தின் தலைமைப் பயிற்றுவிப்பாளர், 8வது கஜபா படையணியின் பதில் இரண்டாம் கட்டளை அதிகாரி, கஜபா படையணி நிலையத்தின் பொது பணிநிலை அதிகாரி 2 (பயிற்சி), 3 வது கஜபா படையணியின் இரண்டாம் கட்டளை அதிகாரி, இலங்கை ஹைட்டி ஐநா அமைதிகாக்கும் பணி குழுவின் கட்டளை அதிகாரி, கஜபா படையணியின் பொது பணி நிலை அதிகாரி 2 (செயல்பாடுகள் மற்றும் பயிற்சி), 12 வது கஜபா படையணியின் கட்டளை அதிகாரி, கண்டி தலைமையக பிரிவின் சிரேஷ்ட பணி நிலை அதிகாரி, மத்திய பாதுகாப்பு படைத் தலைமையகத்தின் பொதுப் பணி நிலை அதிகாரி 1 (செயல்பாடுகள்), 23 வது காலாட் படைப்பிரிவின் கேணல் பொதுப் பணி, கிளிநொச்சி முன்னரங்க பராமரிப்பு பிரிவின் கேணல், 64 வது காலாட் படைப்பிரிவு தலைமையகத்தின் கேணல் நிர்வாகம் மற்றும் வழங்கல், 662 வது காலாட் பிரிகேட் தளபதி, இராணுவ தொழிற்பயிற்சி நிலைய தளபதி, கிழக்கு பாதுகாப்பு படை தலைமையகத்தின் பிரிகேடியர் பொது பணி, இராணுவத் தலைமையகத்தின் விடுதி மற்றும் பராமரிப்பு பணிப்பகத்தின் பணிப்பாளர், 24 வது காலாட் படைபிரிவின் தளபதி, 22 வது காலாட் படைப்பிரிவு மற்றும் முதலாம் படை தளபதி உட்பட பல்வேறு நியமனங்களை அவர் தனது பணியின் போது வகித்துள்ளார்.

சிரேஷ்ட அதிகாரி இலங்கை இராணுவத்தில் கடமையாற்றிய காலத்தில் ஆற்றிய அர்ப்பணிப்பான சேவையைப் பாராட்டி ரண விக்கிரம பதக்கம மற்றும் ரண சூர பதக்கங்கள் வழங்கப்பட்டுள்ளன.

அவர் தனது இராணுவ வாழ்க்கையில் பல உள்ளூர் மற்றும் வெளிநாட்டு கற்கைகளை முடித்துள்ளார், இதில் அணி கட்டளையாளர் தந்திரோபாய பாடநெறி, படையலகு ஆதரவு ஆயுத அதிகாரிகள் பாடநெறி, அடிப்படை கணினி பாடநெறி, கண்ணானிப்பாளர் மற்றும் பணிநிலை அதிகாரி பாடநெறி, இளம் அதிகாரிகள் பாடநெறி - இந்தியா, அதிகாரிகள் போக்குவரத்து பாடநெறி – இந்தியா, கனிஸ்ட கட்டளை பாடநெறி - இந்தியா, இணை நடவடிக்கைப் பாடநெறி - சீனா, இராணுவ மத்திய நிலை கட்டளையாளர் பாடநெறி - சீனா, மற்றும் தேசிய பாதுகாப்பு மற்றும் போர் பாடநெறி - பாகிஸ்தான்.

சிரேஸ்ட அதிகாரி இலங்கை மனிதவள முகாமைத்துவ நிறுவனத்தில் (IPM) மனிதவள முகாமைக்கான சான்றிதழ் கற்கை மற்றும் பாகிஸ்தான் தேசிய பாதுகாப்பு பல்கலைக்கழகத்தில் தேசிய பாதுகாப்பு மற்றும் போர் ஆய்வுகளில் முதுகலைப் பட்டம் உட்பட பல உயர் கல்வி மற்றும் இராணுவம் அல்லாத படிப்புகளையும் பின்பற்றியுள்ளார்.