ஓய்வுபெறும் மேஜர் ஜெனரலின் சேவைக்கு இராணுவத் தளபதி பாராட்டு

இலங்கை இராணுவத்தின் வழங்கல் கட்டளை தளபதி மேஜர் ஜெனரல் எம்டபிள்யூடிசீ மெத்தானந்த யூஎஸ்பீ என்டிசீ அவர்கள் 35 வருட புகழ்பெற்ற சேவையின் பின்னர் ஓய்வு பெறுவதற்கு முன்னர், இராணுவத் தளபதி லெப்டினன் ஜெனரல் விக்கும் லியனகே அவர்களை இராணுவ தலைமையகத்தில் அவரது குடும்ப உறுப்பினர்களுடன் 17 மே 2024 அன்று சந்தித்தார்.

இந்த சந்திப்பின் போது, இராணுவத் தளபதி அவர்களின் அர்ப்பணிப்பான சேவை மற்றும் பல்வேறு சவால்கள் நிறைந்த செயல்பாட்டிற்காக தனது பாராட்டினை தெரிவித்தார். குறிப்பாக ஒர் அதிகாரியாக, பயங்கரவாதத்திற்கு எதிரான போரின் இறுதியின் போது அவரது விலைமதிப்பற்ற பங்களிப்பையும், போருக்குப் பிந்தைய காலத்தில் அவர் தனது கடமைகளை திறம்பட நிறைவேற்றினார் என்பது குறிப்பிடதக்கதாகும்.

பதிலுக்கு, மேஜர் ஜெனரல் எம்டபிள்யூடிசீ மெத்தானந்த யூஎஸ்பீ என்டிசீ அவர்கள் இராணுவத் தளபதியிடமிருந்து தனக்குக் கிடைத்த வழிகாட்டுதல் மற்றும் ஆதரவுக்கு நன்றி தெரிவித்தார். அவரது குடும்பம் ஆற்றிய முக்கிய பங்கை அங்கீகரித்து, அவரது சேவையின் போது செய்த தியாகங்களை தளபதி பாராட்டினார். கலந்துரையாடலின் முடிவில், இராணுவத் தளபதி ஓய்வுபெறும் சிரேஷ்ட அதிகாரிக்கு பாராட்டுச் சின்னமும் அவரது குடும்ப உறுப்பினர்களுக்குப் விசேட பரிசுகளையும் வழங்கினார்.

ஓய்வுபெறும் சிரேஸ்ட அதிகாரியின் சுருக்கமான விவரம் இங்கே:

மேஜர் ஜெனரல் எம்டபிள்யூடிசீ மெத்தானந்த யூஎஸ்பீ என்டிசீ அவர்கள் 1989 ஜனவரி 20 ம் திகதி இலங்கை இராணுவத்தின் நிரந்தர படையணியில் பாடநெறி இல - 31, இன் பயிலிளவல் அதிகாரி இணைந்துக் கொண்டார். பாகிஸ்தான் இராணுவ கல்வியற் கல்லூரி மற்றும் தியத்தலாவ இலங்கை இராணுவ கல்வியற் கல்லூரியில் இராணுவப் பயிற்சியை வெற்றிகரமாக முடித்ததன் பின்னர், இரண்டாம் லெப்டினன் நிலையில் 05 ஒக்டோபர் 1990 இல் இலங்கை இராணுவ பொது சேவைப் படையணியில் நியமிக்கப்பட்டார். இராணுவத்தில் பணிபுரிந்த காலத்தில் அடுத்தடுத்த நிலைகளுக்கு படிப்படியாக உயர்த்தப்பட்ட பின்னர், அவர் 2022 பெப்ரவரி 04 அன்று மேஜர் ஜெனரல் நிலைக்கு உயர்த்தப்பட்டார். சிரேஸ்ட அதிகாரி 26 மே 2024 அன்று தனது 55 வயதில் இலங்கை இராணுவத்தின் நிரந்தர படையணியில் இருந்து ஓய்வு பெறுகிறார். அவர் ஓய்வுபெறும் போது, இலங்கை இராணுவ வழங்கல் கட்டளை தளபதியாக பதவி வகிக்கிறார்.

அவர் தனது பணிக்காலத்தில் போர் பயிற்சிப் பாடசாலை மற்றும் காலாட் படை பயிற்சி நிலையத்தில் குழு தளபதி, இலங்கை இராணுவ பொதுச் சேவைப் படையணியின் மோட்டார் போக்குவரத்து அதிகாரி, 1 வது இலங்கை இராணுவப் பொதுச் சேவைப் படையணியின் நிறைவேற்று அதிகாரி, 22 காலாட் படை பிரிவு தலைமையகத்தின் பணி நிலை அதிகாரி 3 (நிர்வாகம் மற்றும் வழங்கல்), நலன்புரி பணிப்பகத்தின் பணிநிலை அதிகாரி 3 (காப்புறுதி மற்றும் மருத்துவத் திட்டம்), 51 வது காலாட் படைப்பிரிவு தலைமையகத்தின் உளவியல் நடவடிக்கை அதிகாரி, யாழ் பாதுகாப்புப் படைத் தலைமையகத்தின் உளவியல் நடவடிக்கை அதிகாரி, வழங்கல் கட்டளை தலைமையகத்தின் பணி நிலை அதிகாரி 2 (நிர்வாகம் மற்றும் வழங்கல்), கந்தளாய் இராணுவப் பண்ணையின் கட்டளை அதிகாரி, இலங்கை இராணுவப் பொதுச் சேவைப் படையணியின் பணிநிலை அதிகாரி 2 (நிர்வாகம்), வெலிஓயா தலைமையகத்தின் பணிநிலை அதிகாரி 1 (நிர்வாகம் மற்றும் விடுதி), பணிகுழு 8 தலைமையகத்தின் பணிநிலை அதிகாரி 1 (நிர்வாகம் மற்றும் விடுதி), இராணுவ உடற் பயிற்சிப் பாடசாலையின் தளபதி மற்றும் பிரிவு 17 பிரிவு தளபதி, செயல்பாட்டுக் கட்டளை - கொழும்பு, 2 வது (தொ) இலங்கை இராணுவ பொதுச் சேவைப் படையணியின் கட்டளை அதிகாரி, பாதுகாப்பு சேவைகள் கட்டளை மற்றும் பதவிதாரிகள் கல்லூரி பணிநிலை அதிகாரி 1 (நிர்வாகம் மற்றும் விடுதி), கிளிநொச்சி பாதுகாப்பு படைத் தலைமையகத்தின் கேணல் (நிர்வாகம் மற்றும் விடுதி), இலங்கை படையலகின் வழங்கல் கட்டளை, ஐக்கிய நாட்டு அமைதிகாக்கும் பணி ஹைட்டி, இலங்கை இராணுவ பொது சேவைப் படையணியின் உத்தியோகபூர்வ நிலைய தளபதி, இலங்கை இராணுவப் பொதுச் சேவைப் படையணியின் தொழிலற்துரை பாடசாலையின் தளபதி, 22 வது காலாட் படைப்பிரிவு தலைமையகத்தின் கேணல் (நிர்வாகம் மற்றும் விடுதி), இராணுவத் தலைமையகத்தின் பாதிடு மற்றும் நிதி முகாமைத்துவ பணிப்பக பணிப்பாளர், இலங்கை இராணுவப் பொதுச் சேவைப் படையணியின் படைத் தளபதி, கிழக்கு முன்னரங்க பராமரிப்புப் பிரதேசம் மற்றும் இராணுவ வழங்கல் கட்டளைத் தளபதி போன்றன பல்வேறு நியமனங்களை வகித்துள்ளார்.

அவரது களங்கமற்ற சேவைக்காக, அவருக்கு உத்தம சேவா பதக்கம் வழங்கப்பட்டுள்ளது. சிரேஷ்ட அதிகாரி, படையலகு கட்டளை அதிகாரிகள் தந்திரோபாய பாடநெறி, சிவில்-இராணுவ நடவடிக்கை பயிற்சி பாடநெறி, உளவியல் செயல்பாட்டு பயிற்சி பாடநெறி, தேசிய பாதுகாப்பு மற்றும் மூலோபாய ஆய்வு பாடநெறி, இந்தியா அதிகாரிகள் உடற்பயிற்சி பாடநெறி, பாக்கிஸ்தான் அதிகாரிகள் உயர் பாடநெறி (கால்நடை மருத்துவம்) மற்றும் நேபாளம் ஐக்கிய நாடுகளின் வழங்கல் அதிகாரிகள் பாடநெறி, சிரேஷ்ட அதிகாரி உயர்கல்வி மற்றும் இராணுவம் அல்லாத பட்ட படிப்புகளையும் தொடர்ந்துள்ளதுடன், உளவியல் ஆய்வுகள் நிறுவனத்தில் உளவியலில் பட்ட படிப்பு மற்றும் உளவியல் ஆய்வுகள் நிறுவனத்தில் வழிகாட்டுதல் மற்றும் ஆலோசனை உயர் சான்றிதழ் கற்கை போன்ற இராணுவம் மற்றும் இராணுவம் அல்லாத கற்கைகளை கற்றுள்ளார்.