2023-07-09 18:25:31
ආරක්ෂක සේනා මූලස්ථානය - නැගෙනහිර යටතේ ස්ථාපිත 22 පාබල සේනාංකයට අයත් 223 පාබල බලසේනා බලප්රදේශයේ පිහිටි 6 ශ්රී ලංකා සන්නාහ සන්නද්ධ බලකායේ භටපිරිස් ත්රිකුණාමලය දිස්ත්රික් රෝහලේ රුධිර බැංකුවේ වෛද්ය නිලධාරීන් සමඟ එක්ව ඉකුත් අඟහරුවාදා (ජූලි මස 04) දින මොරවැව ප්රදේශයේ ස්ථාපිත එම කඳවුරු පරිශ්රයේදී රුධිර පරිත්යාග වැඩසටහනක් සංවිධානය කරන ලදී.
2023-07-09 18:23:19
ආරක්ෂක සේනා මූලස්ථානය - බටහිර යටතේ ස්ථාපිත 14 පාබල සේනාංකයට අයත් 143 පාබල බලසේනා බලප්රදේශයේ පිහිටි 1 ශ්රී ලංකා ජාතික ආරක්ෂක බලමුළුවේ භටපිරිස් කුරුණෑගල ශික්ෂණ රෝහලේ පිළිකා වාට්ටුවේ නේවාසිකව ප්රතිකාර ලබන රෝගීන් ඇතුළු තවත් රෝගීන් පිරිසක් වෙත තැඹිලි බෙදාදෙන ලදී.
2023-07-09 18:21:21
ශ්රී ලංකා යුද්ධ හමුදා පොලිස් හේවා බලකායේ භටපිරිස්, ශ්රී ලංකා යුද්ධ හමුදා කාන්තා බලකායේ කාන්තා සෙබලියන් සහ ශ්රී ලංකා යුද්ධ හමුදා බෞද්ධ සංගමයේ සාමාජිකයින් එක්ව පසුගිය සඳුදා (03) දින පනාගොඩ ශ්රී බෝධිරාජාරාම විහාරස්ථාන පරිශ්රයේදී පැවැති ‘සීල සමාදාන’ වැඩසටහනට සහභාගී වූ සැදැහැවතුන් 600 දෙනෙකු සඳහා ගිලන්පස සහ දානය පූජා කරන ලදී.
2023-07-08 21:52:03
යාපනය අර්ධද්වීපයේ සිවිල් වැසියන්ගේ ආරක්ෂාව සහ යහපැවැත්ම වෙනුවෙන් කැපවී සිටින ආරක්ෂක සේනා මූලස්ථානය - යාපනය විසින් ක්රියාත්මක කරනු ලබන විවිධ දුෂ්කරතා මධ්යයේ දිවිගෙවන සිවිල් වැසියන් සඳහා නිවාස ඉදිකිරීමේ ව්යාපෘති යටතේ පූජ්ය එම්.එස්. චින්නයියා සහ තබිතා චින්නයියා පියතුමා ඔවුන්ගේ පියා වන ජෝයි අරුල්රාජා මහතා සිහිපත් කිරීම සඳහා ‘වන්නි ඒඩ්ස්’ සංවිධානය සහ කැනඩාවේ පදිංචි මේජර් ජෙනරල් ආර්. රත්නසිංහම් (විශ්රාමික) ගේ සම්බන්ධීකරණයෙන් නෙල්ලිඅඩි ප්රදේශයේ තවත් නව නිවසක් ඉදිකිරීම සඳහා අනුග්රහකත්වය ලබාදෙන ලදී.
2023-07-08 21:46:35
ශ්රී ලංකා සන්නාහ සන්නද්ධ බළකායේ ජ්යෙෂ්ඨ නිලධාරියෙකු වන නව ආරක්ෂක සේනා ආඥාපති - මධ්යම මේජර් ජෙනරල් ඩබ්ලිව්.ඩබ්ලිව්.එච්.ආර්.ආර්.වී.එම්.එන්.ඩී.කේ.බී නියංගොඩ ආර්ඩබ්ලිව්පී ආර්එස්පී වීඑස්වී යූඑස්පී එන්ඩීයූ පීඑස්සී පිළිගැනීමේ හමුදා සම්ප්රදායානූකූල උත්සවයක් දියතලාව ප්රදේශයේ ස්ථාපිත ආරක්ෂක සේනා මූලස්ථානය - මධ්යම යටතේ සේවයේ නියුතු භටපිරිස් විසින් පසුගිය බදාදා (ජූලි 05) සංවිධානය කරන ලදී.
2023-07-08 21:36:14
කොළඹ රාජකීය විද්යාලයේ ආදි ශිෂ්ය සංගමය සහ ශ්රී ජයවර්ධනපුර විශ්වවිද්යාලයේ ආදි ශිෂ්ය සංගමය එක්ව ‘අත හිත’ පදනමේ නිර්මාතෘ ප්රභාත් ලොකුබාලසූරිය මහතාගේ සම්බන්ධීකරණයෙන් ආරක්ෂක සේනා මුලස්ථානය - මුලතිව් යටතේ ස්ථාපිත 592 පාබල බලසේනාවේ යුද්ධ හමුදා සාමාජිකයින් විසින් තන්නිමුරිප්පු ප්රාථමික විද්යාලයේ සහ උන්නපිලව් ප්රාථමික විද්යාලයේ විවිධ දුෂ්කරතා මධ්යයේ ඉගෙනුම ලබන සිසුන් 110 දෙනෙකු සඳහා පාසල් උපාංග බෙදාදීමේ වැඩසටහනක් පසුගිය අඟහරුවාදා (ජූලි 04) දින ක්රියාත්මක කරන ලදී.
2023-07-08 21:32:52
ශ්රී ලංකා සිංහ රෙජිමේන්තුවේ බ්රිගේඩියර් එම්.පී.ඒ.එන් මුතුමාල යූඑස්පී පීඑස්සී ආධුනිකයින් බඳවා ගැනීමේ අධ්යක්ෂ මණ්ඩලයේ නව අධ්යක්ෂ ලෙස ඉකුත් බ්රහස්පතින්දා (ජූලි 06) දින කොහුවල පිහිටි කාර්යාලයේ පැවති ආගමික උත්සවයකදී රාජකාරි භාර ගන්නා ලදී.
2023-07-08 21:25:36
කොළඹ ආනන්ද විද්යාලයේ ආදි ශිෂ්යයින් සහ වත්මන් සිසුන් අඟහරුවාදා (ජුලි 07) අත්තිඩිය ‘මිහිඳු සෙත් මැදුර’ රණවිරුවන් බැහැදැක ඔවුන්ගේ නිර්භීතකම සහ වීරත්වය අගය කරමින් වීරොදාර රණවිරුවන් සමඟ සුහද පිළිසඳරක නිරත වූහ.
2023-07-08 21:21:30
යුද්ධ හමුදාධිපතිතුමන්ගේ උපදෙස් පරිදි 12 පාබල සේනාංකයේ සේනාංකාධිපති මේජර් ජෙනරල් පී.පී.ඒ පීරිස් එච්ඩීඑම්සී පීඑස්සීගේ මඟපෙන්වීම යටතේ කතරගම ඇසළ මංගල්යයේ ආරක්ෂාව සඳහා ආරක්ෂක සේනා මූලස්ථානය - මධ්යම යටතේ ස්ථාපිත 12 පාබල සේනාංකය යටතේ සේවයේ නියුතු නිලධාරීන් 9 දෙනෙකු සහ සෙසු නිලයන් 243 දෙනෙකු රාජකාරීන් සඳහා යොදවන ලදී. ජූනි මස 12 සිට ජූනි මස 30 දින දක්වා කාලය තුළ පැවැති ‘පාද යාත්රාව’ කතරගම වන්දනා ගමනට එක්වූ බැතිමතුන් පාගමනින් කතරගම දක්වා පැමිණෙන අතරතුර ඔවුන් සඳහා පානීය ජලය, වෛද්ය ආධාර, ආහාර, තාවකාලික කූඩාරම් සහ කඳවුරු පහසුකම් සපයන ලදී.
2023-07-07 21:30:05
ආරක්ෂක සේනා මූලස්ථානය - නැගෙනහිර යටතේ ස්ථාපිත 23 පාබල සේනාංකයේ, 233 පාබල බලසේනාවේ අධීක්ෂණය යටතේ 9 ක්ෂේත්ර රෙජිමේන්තුව ශ්රී ලංකා කාලතුවක්කු හමුදා භටපිරිස් විසින් දික්කැලේ ඤාණප්රදීපාලංකාර නායක ස්වාමීන් වහන්සේගේ ඉල්ලීමකට අනුව සිංහපුර ශ්රී ගැමුණු විහාරයේ "සංඝාවාසය" ඉදිකර එම විහාරස්ථානයේ විහාරාධිපති හිමියන් වෙත පසුගිය ඉරිදා (ජුලි 02) දින පැවති උත්සවයකදී භාරදෙනු ලැබීය. ආරක්ෂක සේනා ආඥාපති - නැගෙනහිර මේජර් ජෙනරල් යූ. ඩී විජේසේකර ආර්ඩබ්ලිව්පී ආර්එස්පී යූඑස්පී ආර්සීඩීඑස් පීඑස්සී උපදෙස් මත ‘අත හිත’ මානුෂීය ව්යාපෘතියේ ප්රසාද් ලොකුබාලසූරිය මහතාගේ සම්බන්ධීකරණය ඇතිව රාජකීය විද්යාලයේ ආදි ශිෂ්යයෙකු වන චින්තක අබේසේකර මහතා සහ විශාකා විද්යාලයේ ආදි ශිෂ්යාවක් වන තේජා කපුරුගේ මහත්මියගේ අනුග්රහය ඇතිව මෙම සංඝාවාසය ඉදිකරන ලදී.