15th August 2022 17:30:56 Hours
නිසි ප්රථිසංස්කරණයක් නොමැතිවීම හේතුවෙන් කාලයක සිට අබලන්ව පැවති සුගන්ධිපුරම් සිට උදයාර්කට්ටු පාසල දක්වා දිවෙන මාර්ගයේ ප්රතිසංස්කරණ කටයුතු සිදුකිරීම සදහා යුද්ධ හමුදා සාමාජිකයන්ගේ සහාය හිමි වූ අතර, ඒ අනුව මාර්ගයේ ප්රතිසංස්කරණ කටයුතු සඳහා මාර්ග සංවර්ධන අධිකාරියේ සේවකයින් වෙත ආරක්ෂක සේනා මූලස්ථානය - මුලතිව් යටතේ ස්ථාපිත 68 වන සේනාංකයට අයත් 681 වන බලසේනා බලප්රදේශයේ ස්ථාපිත 9 වන ශ්රී ලංකා ජාතික ආරක්ෂක බලමුළුවට අයත් භටපිරිස් පසුගිය අඟහරුවාදා (09) දින සිය ශ්රමදායකත්වය ලබාදුන්හ.
සිවිල් බලධාරීන්ගේ සහයෝගය මත සිදුකරනු ලැබූ මෙම ව්යාපෘතිය 9 වන ශ්රී ලංකා ජාතික ආරක්ෂක බලමුළුවේ අණදෙන නිලධාරිතුමන් විසින් අධීක්ෂණය කරනු ලැබීය.
මේ අතර, ආරක්ෂක සේනා මූලස්ථානය - මුලතිව් යටතේ ස්ථාපිත 68 වන සේනාංකයට අයත් 681 වන බලසේනා බලප්රදේශයේ පිහිටි 6 වන ශ්රී ලංකා ජාතික ආරක්ෂක බලමුළුවේ භටපිරිස් ප්රදේශවාසීන්ගේ සහයෝගය මත පසුගිය අඟහරුවාදා (09) දින වල්ලෙයි, මඩම් ප්රදේශයේ වෙරළ තීරය පිරිසිදු කරනු ලැබීය.
6 වන ශ්රී ලංකා ජාතික ආරක්ෂක බලමුළුවේ අණදෙන නිලධාරි විසින් මෙම ව්යාපෘතියේ අධීක්ෂණ කටයුතු සහ ඒ සඳහා අවැසි මඟපෙන්වීම් ලබාදුන්නේය.