ஓய்வுபெறும் சிரேஷ்ட அதிகாரியின் குறிப்பிடத்தக்க சேவைக்கு இராணுவத் தளபதி பாராட்டு

55 வது காலாட் படைப்பிரிவின் தளபதி மேஜர் ஜெனரல் டபிள்யூ.எம்.ஏ.பீ. விஜேகோன் யூஎஸ்பீ என்டிசீ அவர்கள், 33 ஆண்டுகளுக்கும் மேலான புகழ்பெற்ற இராணுவப் பணிக்குப் பின்னர் இலங்கை இராணுவத்திலிருந்து ஓய்வு பெறுவதற்கு முன்பு, 2026 டிசம்பர் 29 ஆம் திகதி இராணுவத் தளபதி லெப்டினன் ஜெனரல் லசந்த ரொட்ரிகோ ஆர்எஸ்பீ சீடீஎப்-என்டியூ பீஎஸ்சீ ஐஜீ அவர்களின் அலுவலகத்திற்கு அழைக்கப்பட்டார்.

ஓய்வுபெறும் சிரேஷ்ட அதிகாரியின் சுருக்கமான விவரம்:

மேஜர் ஜெனரல் டபிள்யூ.எம்.ஏ.பீ.விஜேகோன் யூஎஸ்பீ என்டிசீ அவர்கள் 1992 பெப்ரவரி 10 ஆம் திகதி இலங்கை இராணுவத்தின் நிரந்தர படையில் பாடநெறி 37 இல் பயிலிளவல் அதிகாரியாக இணைந்தார். பாகிஸ்தான் இராணுவ கல்வியற் கல்லூரியில் மற்றும் தியத்தலாவ இலங்கை இராணுவ கல்வியற் கல்லூரியில் இராணுவப் பயிற்சியை வெற்றிகரமாக நிறைவுசெய்த அவர் 1992 டிசம்பர் 19 இரண்டாம் லெப்டினன் நிலையில் கஜபா படையணியில் நியமிக்கப்பட்டார்.

தனது இராணுவ பணிக்காலத்தில் அடுத்தடுத்த நிலைக்கு உயர்த்தப்பட்ட அவர் 2025 மே 05 ஆம் திகதி மேஜர் ஜெனரல் நிலைக்கு நிலை உயர்த்தப்பட்டார். சிரேஷ்ட அதிகாரி 2026 ஜனவரி 03 ஆம் திகதி 55 வயதை அடைந்ததும் இலங்கை இராணுவ நிரந்தர படையிலிருந்து ஓய்வு பெறுவார். ஓய்வு பெறும் போது, அவர் 55 வது காலாட் படைப்பிரிவின் தளபதியா பதவி வகித்தார்.

அவரது புகழ்பெற்ற இராணுவ வாழ்க்கையில் பல முக்கிய பதவிகளை வகித்துள்ளார். அவர் 8 வது கஜபா படையணியின் குழு தளபதி, 4 வது கஜபா படையணியின் குழு தளபதி, 16 வது கஜபா படையணியின் குழு தளபதி, 16 வது கஜபா படையணியின் நிறைவேற்று அதிகாரி, 16 வது கஜபா படையணியின் அதிகாரி கட்டளை, 10 வது கஜபா படையணியின் அதிகாரி கட்டளை, அதிகாரவாணையற்ற அதிகாரிகள் பயிற்சி பாடசாலையில் அதிகாரி பயிற்றுவிப்பாளர், 213 வது காலாட் பிரிகேட் தலைமையகத்தின் பாதுகாவலர் நிறுவனத்தின் அதிகாரி கட்டளை, 09 வது கஜபா படையணியின் அதிகாரி கட்டளை, 11 வது காலாட் படைப்பிரிவு தலைமையகத்தில் பொதுப் பணிநிலை அதிகாரி 3 (புலனாய்வு மற்றும் பாதுகாப்பு), ஹைட்டி ஐக்கிய நாட்டு அமைதிகாக்கும் பணியில் (மினுஸ்டா) பணிநிலை அதிகாரி, 516 வது காலாட் பிரிகேட்டின் பிரிகேட் மேஜர், 552 காலாட் பிரிகேட்டின் பிரிகேட் மேஜர், கஜபா படையணி நிலையத்தில் பொது பணிநிலை அதிகாரி 2 (செயல்பாடுகள் மற்றும் பயிற்சி), 21 வது காலாட் படைப்பிரிவின் பொதுப் பணிநிலை அதிகாரி 2 (செயல்பாடுகள்), கஜபா படையணி நிலையத்தில் பணிநிலை அதிகாரி 2 (நிர்வாகம்), 16 வது கஜபா படையணியின் இரண்டாம் கட்டளை அதிகாரி, 22 வது கஜபா படையணியின் இரண்டாம் கட்டளை அதிகாரி, 59வது காலாட் படைப்பிரிவின் பொது பணிநிலை அதிகாரி 1 (ஒருங்கிணைப்பு) மற்றும் 23 வது கஜபா படையணியின் கட்டளை அதிகாரி ஆகியவை அடங்கும்.

மேலும் கொழும்பு நடவடிக்கை கட்டளைப் பிரிவு 02 இன் பிரிவுத் தளபதி, இலங்கை இராணுவ மகளிர் படையணி தலைமையகத்தின் பொதுப் பணிநிலை அதிகாரி தரம் 1 (செயற்பாடுகள் மற்றும் பயிற்சி), அபிமன்சல 2 நலவிடுதியின் தளபதி, இலங்கை இராணுவ சேவை வனிதையர் பிரிவின் பணிநிலை அதிகாரி 1, இலங்கை இராணுவ சேவை வனிதையர் பிரிவின் கேணல் (நிர்வாகம்), 515 வது காலாட் பிரிகேட் தளபதி, கஜபா படையணி தலைமையகத்தின் நிலைய தளபதி, இராணுவத் தலைமையகத்தில் நலன்புரி பணிப்பகத்தின் பணிப்பாளர் மற்றும் 14 வது காலாட் படைப்பிரிவு தலைமையகத்தின் பிரதித் தளபதி அகிய பதவிகளை வகித்துள்ளதுடன் தற்போது ஓய்வுபெறவுள்ள நிலையில் 55 வது காலாட் படைப்பிரிவின் தளபதியாக பணியாற்றுகின்றார்.

அவரது அர்ப்பணிப்பு மற்றும் முன்மாதிரியான சேவையைப் பாராட்டி, அவருக்கு உத்தம சேவா பதக்கம் வழங்கப்பட்டுள்ளது.

இந்த சிரேஷ்ட அதிகாரி பல தொழில்முறை இராணுவப் பாடநெறிகளை வெற்றிகரமாக முடித்துள்ளார். இதில் படையலகு ஆதரவு ஆயுத அதிகாரிகள் பாடநெறி, பீரங்கி கண்காணிப்பு பாடநெறி, படையணி கணக்கு அதிகாரிகள் பாடநெறி, படையணி நிர்வாக பாடநெறி, கனிஷ்ட பணிநிலையாளர்கள் பாடநெறி, சாத்தியமான மேற்பார்வையாளர்கள் மற்றும் பணிநிலை அதிகாரிகள் பாடநெறி, கொழும்பு பல்கலைக்கழகத்தின் ஸ்ரீபாலி வளாகத்தில் உள்ள பல்லூடக ஆய்வுகள் துறையால் நடாத்தப்பட்ட பாதுகாப்பு ஊடகம் மற்றும் தொடர்பிற்கான குறுகிய கால பாடநெறி மற்றும் தேசிய பாதுகாப்பு மற்றும் மூலோபாய ஆய்வுகள் பாடநெறி ஆகியவை அடங்கும்.

பாகிஸ்தானில் பயிலிளவல் அதிகாரி பயிற்றுவிப்பாளர் பாடநெறி, பங்களாதேஷில் இளம் அதிகாரிகள் (காலாட்படை) பாடநெறி, இந்தியாவில் கனிஷ்ட கட்டளை பாடநெறி, இந்தியாவில் அடிப்படை பாராசூட் பாடநெறி மற்றும் இந்தியாவில் உயர் பாதுகாப்பு நோக்குநிலை பாடநெறி உள்ளிட்ட பல வெளிநாட்டு பாடநெறிகளையும் பயின்றுள்ளார்.

இராணுவத் தகுதிகளுக்கு மேலதிகமாக, கொழும்பு பல்கலைக்கழகத்தின் மனிதவள முகாமைத்து நிறுவனத்தில் முகாமைத்துவ டிப்ளோமா பட்டத்தையும், ருஹுணு பல்கலைக்கழகத்தில் சமூகவியலில் கலை முதுகலைப் பட்டத்தையும், கொத்தலாவல ஜெனரல் சேர் ஜோன் கொத்தலாவ பாதுகாப்பு பல்கலைக்கழகத்தில் தேசிய பாதுகாப்பு மற்றும் மூலோபாய ஆய்வுகளில் அறிவியல் முதுகலைப் பட்டத்தையும் பெற்றுள்ளார்.