21st September 2025
07 அதிகாரிகள் மற்றும் 78 சிப்பாய்கள் கொண்ட 52 ஏ மற்றும் பி கமாண்டோஸ் பாடநெறியின் விடுகை அணிவகுப்பு, 2025 செப்டம்பர் 20 அன்று ஊவா-குடாஓயாவில் உள்ள கமாண்டோ படையணி பயிற்சிப் பாடசாலையில் நடைபெற்றது.
முதலாம் படை தளபதியும் கமாண்டோ படையணி படைத்தளபதியுமான மேஜர் ஜெனரல் கே.எச்.எம்.எஸ் விக்ரமரத்ன ஆர்எஸ்பீ அவர்களின் அழைப்பின் பேரில் இராணுவத் தளபதி லெப்டினன் ஜெனரல் லசந்த ரொட்ரிகோ ஆர்எஸ்பீ சீடிஎப்-என்டியூ பீஎஸ்சீ ஐஜீ அவர்கள் இராணுவ சேவை வனிதையர் பிரிவின் தலைவி திருமதி சுவேந்திரினி திசாநாயக்க அவர்களுடன் பிரதம விருந்தினராக இந் நிகழ்வில் கலந்து கொண்டார்.
வருகை தந்த பிரதம விருந்தினரை, படையணி படைத் தளபதி கமாண்டோ பயிற்சி பாடசாலை பதில் தளபதி லெப்டினன் கேணல் கே.ஆர்.ஜே.எம்.பி கந்தே வத்த ஆர்டப்ளியூபீ யூஎஸ்பீ அவர்களுடன் இணைந்து வரவேற்றதுடன் பாதுகாவலர் அறிக்கையிடல் மரியாதை வழங்கப்பட்டதை தொடர்ந்து பட்டமளிப்பு அணிவகுப்பும் நடைப்பெற்றது.
விழாவின் போது, அதிகாரிகள் மற்றும் சிப்பாய்களின் பெற்றோர்கள் மற்றும் உறவினர்கள் பாடநெறியை வெற்றிகரமாக நிறைவு செய்தவர்களுக்கு கமாண்டோ சின்னங்களை அணிவித்தனர்.
இராணுவத் தளபதி படையணி படைத்தளபதி மற்றும் சில சிரேஷ்ட அதிகாரிகளுடன் இணைந்து அவர்களுக்கு அவர்களின் அடையாளம் மற்றும் தொழில்முறை கண்ணியத்தை அடையாளப்படுத்தும் மதிப்புமிக்க கபில தலைகவசத்தினை அணிவித்தார். பின்னர் இராணுவத் தளபதி கமாண்டோ பாடநெறியில் சிறந்து விளங்கிய பட்டதாரிகளுக்கு சிறப்பு பரிசுகளை வழங்கினார்.
சிறந்த கமாண்டோ விருது லெப்டினன் ஆர்.எம்.ஆர்.யூ. திசாநாயக்கவுக்கும், சிறந்த துப்பாக்கி சுடும் விருது லெப்டினன் என்.எம்.எஸ்.சி. திசாநாயக்கவுக்கும் வழங்கப்பட்டது. சிறந்த ஊடற்தகுதியில் சிறந்த மாணவருக்கான விருது லான்ஸ் கோப்ரல் டபிள்யூ.எம்.சி.எஸ். வீரசிங்கவுக்கும் வழங்கப்பட்டது.
அணிவகுப்பு சம்பிரதாயங்களுக்குப் பிறகு பேண்ட் வாத்திய கண்காட்சியும் மற்றும் ராப்பிளிங் செயல்விளக்கம் நடைபெற்றது. தொடர்ந்து நிகழ்வை நினைவுகூரும் வகையில், இராணுவத் தளபதி குழு படம் எடுத்துக்கொண்டார்.
பின்னர், புதிதாக நிர்மாணிக்கப்பட்ட இளம் அதிகாரிகள் தங்கும் இடத்தை இராணுவத் தளபதி அடையாளமாகத் திறந்து வைத்தார். முறையான நடவடிக்கைகளுக்குப் பிறகு, மாதிரி காட்சிகளில் ஸ்னைப்பர் தாக்குதல், கமாண்டோ உறுதியான நேரடி துப்பாக்கிச் சூடு, கமாண்டோ நேரடி சண்டை கண்காட்சி, பணயக்கைதிகள் மீட்பு நடவடிக்கைகள், பயங்கரவாத எதிர்ப்பு ஆர்ப்பாட்டங்கள், கே9 (போர் நாய்கள்)-காட்சிகளைக் கையாளுதல், மற்றும் பாராசூட் கண்காட்சிகள் என்பன இடம்பெற்றன. இந்த காட்சிகள் கமாண்டோக்களின் அயராத வலிமை, இராணுவத் திறன்கள் மற்றும் விதிவிலக்கான சண்டைத் திறன்களைக் காட்டின.
பின்னர் இராணுவத் தளபதி புதிதாக பட்டம் பெற்ற கமாண்டோக்கள் மற்றும் அவர்களது குடும்பத்தினருடன் கலந்துரையாடினார். நிகழ்வின் முடிவில், தலைமை விருந்தினர் விருந்தினர் பதிவேட்டு புத்தகத்தில் தமது எண்ணங்களை பதிவிட்டார்.
விடுகை அணிவகுப்பில் இராணுவ பதவி நிலை பிரதானி மேஜர் ஜெனரல் டிகேஎஸ்கே தொலகே யூஎஸ்பீ என்பீஎஸ் பீஎஸ்சீ, பிரதி இராணுவ பதவி நிலை பிரதானி மேஜர் ஜெனரல் வை.ஏ.பி.எம் யஹாம்பத் ஆர்டப்ளியூபீ ஆர்எஸ்பீ என்டியூ பீஎஸ்சீ, சிரேஷ்ட அதிகாரிகள், அதிகாரிகள், சிப்பாய்கள் மற்றும் குடும்பத்தினர் கலந்து கொண்டனர்.
