ஓய்வுபெறும் மேஜர் ஜெனரலின் சேவைக்கு இராணுவத் தளபதி பாராட்டு

இலங்கை இராணுவத்தில் இருந்து 34 வருட சிறப்புமிக்க சேவையை நிறைவு செய்து ஓய்வு பெறுவதற்கு முன்னர், மேஜர் ஜெனரல் டி.ஏ. பீரிஸ் பிடிஎஸ்சீ, அவர்கள் தனது குடும்ப உறுப்பினர்களுடன், 2025 மே 30 அன்று இராணுவத் தளபதி லெப்டினன் ஜெனரல் லசந்த ரொட்ரிகோ ஆர்எஸ்பீ சீடீஎப்-என்டியூ பீஎஸ்சீ ஐஜீ அவர்களின் அலுவலகத்திற்கு அழைக்கப்பட்டார்.

ஓய்வுபெறும் சிரேஷ்ட அதிகாரியின் சுருக்கமான விவரம் பின்வருமாறு:

மேஜர் ஜெனரல் டி.ஏ. பீரிஸ் பிடிஎஸ்சீ அவர்கள் இலங்கை இராணுவத்தின் நிரந்தர படைக்கு 1990 நவம்பர் 03 ஆம் திகதி, கொத்தலாவல பாதுகாப்பு கல்வியற் கல்லூரியின் பாடநெறி 08 இல் பயிலிளவல் அதிகாரியாக இணைந்துக் கொண்டார். ஜெனரல் சேர் ஜோன் கொத்தலாவ பாதுகாப்பு கல்வியற் கல்லூரி மற்றும் தியததலாவை இலங்கை இராணுவ கல்வியற் கல்லூரி ஆகியவற்றில் அடிப்படை இராணுவப் பயிற்சியை வெற்றிகரமாக முடித்த அவர் 1992 நவம்பர் 14 இரண்டாம் லெப்டினன் நிலையில் இலங்கை மின்சார மற்றும் இயந்திர பொறியியல் படையணியில் நியமிக்கப்பட்டார். அடுத்தடுத்த நிலைக்கு உயர்த்தப்பட்ட அவர் 2024 பெப்ரவரி 23 ம் திகதி அன்று மேஜர் ஜெனரலாக நிலை உயர்த்தப்பட்டார்.

சிரேஷ்ட அதிகாரி, 2025 ஜூன் 03 ம் திகதி நிரந்தர படையில் இருந்து தனது 55 வயதில் ஓய்வு பெறவுள்ள நிலையில், தற்போது அவர் வன்னி பாதுகாப்பு படைத் தலைமையகத்தின் வழங்கல் தளபதியாகவும் இலங்கை மின்சார மற்றும் இயந்திர பொறியியல் படையணியின் படைத் தளபதியாகவும் பதவி வகிக்கின்றார்.

மேஜர் ஜெனரல் டி.ஏ. பீரிஸ் பிடிஎஸ்சீ அவர்கள் தனது பணிக்காலத்தில் பல முக்கிய நியமனங்களை வகித்தார், அவற்றில் இலங்கை மின்சார மற்றும் இயந்திர பொறியியல் படையணியின் அடிப்படை பட்டறையின் (கட்டுபெத்த) படையலகு அதிகாரி, ரிவிரெச நடவடிக்கைக்கான முன்னோக்கு பராமரிப்பு பிரிவின் பழுதுபார்க்கும் குழுவின் கட்டளை அதிகாரி, 1 வது இலங்கை மின்சார மற்றும் இயந்திர பொறியியல் படையணியின் கட்டளை அதிகாரி, 3 வது இலங்கை மின்சார மற்றும் இயந்திர பொறியியல் படையணியின் படையலகு அதிகாரி, இலங்கை மின்சார மற்றும் இயந்திர பொறியியல் படையணி களப் பட்டறையின் (மட்டக்களப்பு) அதிகாரி கட்டளை, 3 வது இலங்கை மின்சார மற்றும் இயந்திர பொறியியல் படையணியின் கட்டளை அதிகாரி (பட்டறை), இலங்கை மின்சார மற்றும் இயந்திர பொறியியல் படையணியின் அடிப்படை பட்டறையின் (கொழும்பு) பதில் அதிகாரி, முன்னரங்க பராமரிப்பு பகுதியின் (வடக்கு) சிரேஷ்ட படையலகு அதிகாரி, 1 வது இலங்கை மின்சார மற்றும் இயந்திர பொறியியல் படையணியின் சிரேஷ்ட படையலகு அதிகாரி, இலங்கை மின்சார மற்றும் இயந்திர பொறியியல் படையணி பட்டறையின் (கட்டுபெத்த) கட்டளை அதிகாரி (நிர்வாகம்), 3 வது இலங்கை மின்சார மற்றும் இயந்திர பொறியியல் படையணியின் இரண்டாம் கட்டளை அதிகாரி, உடவலவ இலங்கை மின்சார மற்றும் இயந்திர பொறியியல் படையணியின் அடிப்படை பட்டறையின் இரண்டாம் கட்டளை அதிகாரி, இலங்கை மின்சார மற்றும் இயந்திர பொறியியல் படையணியின் (பீரங்கி) படையலகின் இரண்டாம் கட்டளை அதிகாரி, 5வது இலங்கை மின்சார மற்றும் இயந்திர பொறியியல் படையணியின் இரண்டாம் கட்டளை அதிகாரி, கிழக்கு பாதுகாப்புப் படைத் தலைமையகத்தின் பதில் பணிநிலை அதிகாரி 1 (வழங்கல்), 7வது 5வது இலங்கை மின்சார மற்றும் இயந்திர பொறியியல் படையணியின் கட்டளை அதிகாரி, ஜெனரல் சேர்ஜோன் கொத்தலாவ பாதுகாப்பு பல்கலைக்கழகத்தின் கட்டளை அதிகாரி, 61 காலாட் படைப்பிரிவின் பணிநிலை அதிகாரி 1 (வழங்கல்), 58 வது காலாட்படை பிரிவின் நிர்வாக பதில் கேணல் (நிர்வாகம் மற்றும் வழங்கல்), பாதுகாப்பு தலைமையக வளாக திட்டத்தின் உதவி திட்ட மேலாளர், 52 வது காலாட் படைப்பிரிவின் கேணல் (நிர்வாகம் மற்றும் வழங்கல்), கிழக்கு பாதுகாப்புப் படைத் தலைமையகத்தின் கேணல் (நிர்வாகம் மற்றும் வழங்கல்), இலங்கை மின்சார மற்றும் இயந்திர பொறியியல் படையணியின் பதில் நிலைய தளபதி, தேசிய பயிலளவல் படையின் பிரிகேடியர் (நிர்வாகம் மற்றும் வழங்கல்), கிழக்கு பாதுகாப்புப் படைத் தலைமையகத்தின் பிரிகேடியர் (நிர்வாகம் மற்றும் வழங்கல்), முல்லைத்தீவு பாதுகாப்புப் படைத் தலைமையகத்தின் பிரிகேடியர் (நிர்வாகம் மற்றும் வழங்கல்), ஆகிய பதவிகளை வகித்ததுடன் தற்போது அவர் வன்னி பாதுகாப்பு படைத் தலைமையகத்தின் வழங்கல் தளபதியாகவும் இலங்கை மின்சார மற்றும் இயந்திர பொறியியல் படையணியின் படைத் தளபதியாகவும் பதவி வகிக்கின்றார்.

தனது பணிக்காலம் முழுவதும், அவர் பல உள்நாட்டு மற்றும் வெளிநாட்டு இராணுவப் பயிற்சிகளை முடித்துள்ளார். இதில் படையணி கணக்கு, அதிகாரி பாடநெறி, பங்களாதேஷ் இளம் அதிகாரிகள் அடிப்படை பாடநெறி, இந்தியா மின்சார மற்றும் இயந்திர பொறியியல் அதிகாரி பாடநெறி, இந்தியா பட்டறை தளபதிகள் பாடநெறி, சீனா தரை பீரங்கி பழுது பார்க்கும் பொறியியல் பாடநெறி, இந்தியா சிரேஷ்ட மின்சார மற்றும் இயந்திர பொறியியல் அதிகாரி பாடநெறி மற்றும் இந்தியா தொழில் நுட்பப் பணிநிலை கல்லூரி பாடநெறி ஆகியவை அடங்கும்.

சிரேஷ்ட அதிகாரி ஜெனரல் சேர் ஜோன் கொத்தலாவல பாதுகாப்பு கல்வியற் கல்லூரியில் கலை இளங்கலை (பாதுகாப்பு ஆய்வுகள்), இந்தியா சாவித்ரிபாய் புகுலே பூனே பல்கலைக்கழகத்தில் முதுகலை அறிவியல் (இராணுவ தொழில்நுட்பம்) பட்டமும் பெற்றுள்ளார்.