8th April 2026
கண்டி மலைநாட்டு குறிப்பார்த்து சுடல் விளையாட்டு கழகம், இலங்கை சர்வதேச கள குறிப்பார்த்து சுடுதல் கூட்டமைப்புடன் இணைந்து ஏற்பாடு செய்திருந்த 'ஷார்ப் ஷூட்டர்ஸ் 2026 – இரண்டாம் நிலைச் சுடுதல் போட்டி', முப்படைகளின் மற்றும் சிவில் போட்டியாளர்களின் பங்கேற்புடன் 2026 மார்ச் 26 முதல் 29 வரை நடத்தப்பட்டது.
இந்த நிகழ்வு, சர்வதேச தரநிலைகளுக்கு இணங்க, கடுமையான பாதுகாப்பு நெறிமுறைகளின் கீழ் நடத்தப்பட்டது. ஷாட்கன், ரைபிள், கைத்துப்பாக்கி மற்றும் பிஸ்டல் காலிபர் கார்பைன் ஆகிய பிரிவுகளில் துல்லியம், வேகம், ஆயுதத்தைக் கையாளும் திறன் மற்றும் தந்திரோபாயத் திறமை ஆகியவற்றைச் சோதிக்கும் வகையில் வடிவமைக்கப்பட்ட, சவாலான பல சுடும் கட்டங்களை இந்தப் போட்டி கொண்டிருந்தது.
இலங்கை இராணுவ குறிப்பார்த்து சுடுதல் வீரர்கள் பல்வேறு பிரிவுகளில் பல முதலிடங்களைப் பெற்று, ஒரு சிறப்பான செயற்திறனை வெளிப்படுத்தினர். அவர்களின் சாதனைகள் அவர்களின் தொழில்முறை, ஒழுக்கம் மற்றும் உயர் தரத்திலான குறிதவறாத் திறனைப் பிரதிபலித்ததோடு, போட்டிச் சுடுதலில் இராணுவத்தின் நிலையை மேலும் வலுப்படுத்தின.
