23rd December 2025
மேஜர் முகமது அப்துல் மன்னன் தலைமையிலான 47 பேர் கொண்ட பாகிஸ்தான் இராணுவ மீட்பு குழு மற்றும் நிவாரணப் படை, தித்வா சூறாவளி நிவாரணப் பணிகளின் போது சிறப்பான சேவை வழங்கியதற்காக இலங்கை இராணுவத்தால் முறையாகப் பாராட்டப்பட்டது.
2025 டிசம்பர் 03, அன்று இலங்கைக்கு வருகை தந்த இந்தக் குழு, நான்கு பயிற்சி பெற்ற மோப்ப நாய்கள் மற்றும் சிறப்பு உபகரணங்களுடன், தொலுவ 111 வது காலாட் பிரிகேட் தலைமையகத்தில் நிலை நிறுத்தப்பட்டது. டிசம்பர் 06 முதல் 13 வரை, அவர்கள் வெலிகந்த மற்றும் மாவதுர பகுதிகளில் தீவிர தேடல் மற்றும் மீட்புப் பணிகளை மேற்கொண்டனர், அவசர மனிதாபிமான ஆதரவை வழங்க இலங்கை படையினருடன் இணைந்து சவாலான சூழ்நிலைகளில் செயல்பட்டனர்.
இலங்கை இராணுவத்துடன் அனர்த்த மீட்புத் திறன்களை மேம்படுத்துவதிலும் பாதிக்கப்பட்ட சமூகங்களுக்கு முக்கிய நிவாரணங்களை வழங்குவதிலும் அவர்களின் பங்கு குறிப்பிடதக்க குழுவின் தொழில்முறை, விரைவான வரிசைப்படுத்தல் மற்றும் அர்ப்பணிப்பை எடுத்துரைத்தது. அவர்களின் முயற்சிகள் இலங்கை மற்றும் பாகிஸ்தான் படைகளுக்கு இடையிலான வலுவான நட்பு மற்றும் ஒத்துழைப்பையும் பிரதிபலித்தன.
இராணுவ தளபதி லெப்டினன் ஜெனரல் லசந்த ரொட்ரிகோ ஆர்எஸ்பீ சீடிஎப்-என்டியூ பீஎஸ்சீ ஐஜீ அவர்களின் வழிகாட்டுதலின் கீழ், சொத்து முகாமை பணிப்பகத்தின் பணிப்பாளர் நாயகம் மேஜர் ஜெனரல் என்.ஏ.எம்.பீ. நாகஹவத்த ஆர்எஸ்பீ அவர்கள் பாகிஸ்தான் அணித் தலைவருக்கு ஒரு பாராட்டு கடிதத்தை வழங்கினார். மேலும், இரு படைகளுக்கும் இடையே நினைவுப் பரிசுகள் பரிமாறிக்கொள்ளப்பட்டன.
